Albergue
con la ayuda de: Consejería de Turismo y Cultura
 
Contador gratis

L'ESPACIU AGRARIU

Mª Esther García López

Las fabas ya los arbeyos

Las fabas semábanse entre’l maíz, ya tamién dalgún pedacín solas. Xeneralmente semábanse fabas perdigoneras, ya cuarentenas. Recuéyense nel mes de setiembre, ya puónense a secar debaxo l’horriu pa despuós mayalas. Una vez mayadas hai qu’abalialas col cribu, pa sacais toda la poxa. L.lueu guárdanse nel horriu nuna cesta. Entre las fabas metíanse las morcías pa que se conservaran, ya los güevos, porque siempre tán frías ya facían efeutu nevera. Gúei l’embutí miétese en grasa ya envásase al vaciu, amás hai nevera en tolas casas. 
El cultivu de las fabas tamién sufríu cambios, agora nesta parroquia sémanse fabas de la granxa, pa vendelas. En La Degol.lada danse perbién como en El Solano ya outros pueblos, ya son mui blandas ya farinosas. Sémanlas nas casas qu’hai xente más mozu, porque son mui delicadas ya dan muitu trabayu. Tamién se cultivan de forma moderna ya con tolos cudiaos.
Los arbeyos sémanse entre las patacas; y tamién se seman solos. Sémanse no mes de febreru ou marzu y páñanse entre xunu-xunetu. Como las fabas, puónense a secar debaxo l’horriu, ya llueu máyanse pa saca-ys la grana. Estos sémanse pal consumu de casa.

FONTES CONSULTADAS:
Informantes: Esther López García, Ricardo García Pérez ya Joaquín García Pérez.
La mías vivencias na aldea de La Degol.lada, l.lugar unde nací ya paséi la mía infancia ya mocedá.
Bibliografía:
GARCÍA GARCÍA Ernesto, GARCÍA LÓPEZ, Mª Esther,(1999): La matada en La Degol.lada (Valdés). Cultures, nu 9. p.p.359-373. Uviéu. Academia de la Llingua Asturiana.
GARCÍA LÓPEZ, Mª Esther (1989): Rel.lumos folclóricos d’occidente. Lletres Asturianes. Uviéu. Academia dela Llingua Asturiana.
VILLALAÍN FERNÁNDEZ, José (1915). Topografía médica del Conceyu de Luarca. Madrid. Anales de la Real Academia de Medicina.
Padrón Municipal. Ayuntamientu de Valdés.
Llibru d’actas de matrimonios de la Parroquia de La Montaña de Rionegro (Valdés) 1897-2000.