Albergue
con la ayuda de: Consejería de Turismo y Cultura
 
Contador gratis

L'ESPACIU AGRARIU

Mª Esther García López

Los semaos pal ganáu

Cuando nun había outru tipu de cultivu, aprovechábase pa semar pal ganáu, porque tol añu nun había abondo verde de los praos. Gúei ensílase la hierba ya’l maíz en verde; ya perbón alimentu, gústa-y muito al ganáu. Amás de la hierba ya’l maíz, semábanse alcacer, que yara centén que se pañaba pal ganáu anantes de qu’espigara. Tamién se semaba la ceba, nabos y trigu ou cebada, que tamién se pañaba anantes d’espigar, cuando taba bien nieto. Solía semase nas tierras unde se sacaban las patacas, aprovechando que yá taba abonada. Si se semaba nas tierras que se garró’l maíz, había qu’abonalas. Tanto la ceba como l’alcacer sémanse n’agostu ya en setiembre. Tamién n’ochobre cuando se quita’l maíz. De la ceba tamién s’aprovechan las rabizas (fuoyas del nabu) pal potaxe. Nel segundu corte, por febreru, dan los cimones (segundu corte de la fueya del nabu) que tamién s’ echan al pote; fan muito bon potaxe.
Tamién se semaba pa pañar pal ganáu, ballucu ou ballicu ya reigás. La semiente deixábase d’un añu pa outru. Semábase en setiembre ya n’ochobre pa segalu dende febreru a marzu. Daba más d’un corte. Cuando se segaba’l primeiro abonábase con abonu químicu ya enseguida daba outru. Cuando se necesitaba la tierra pa semar outra sementera, quitábase’l ballicu. Tamién en dalgunas temporadas facían lo qu’el.los l.lamaban pradera artificial, y, en del.las casas semaban trébol.

 

FONTES CONSULTADAS:
Informantes: Esther López García, Ricardo García Pérez ya Joaquín García Pérez.
La mías vivencias na aldea de La Degol.lada, l.lugar unde nací ya paséi la mía infancia ya mocedá.
Bibliografía:
GARCÍA GARCÍA Ernesto, GARCÍA LÓPEZ, Mª Esther,(1999): La matada en La Degol.lada (Valdés). Cultures, nu 9. p.p.359-373. Uviéu. Academia de la Llingua Asturiana.
GARCÍA LÓPEZ, Mª Esther (1989): Rel.lumos folclóricos d’occidente. Lletres Asturianes. Uviéu. Academia dela Llingua Asturiana.
VILLALAÍN FERNÁNDEZ, José (1915). Topografía médica del Conceyu de Luarca. Madrid. Anales de la Real Academia de Medicina.
Padrón Municipal. Ayuntamientu de Valdés.
Llibru d’actas de matrimonios de la Parroquia de La Montaña de Rionegro (Valdés) 1897-2000.