Albergue
con la ayuda de: Consejería de Turismo y Cultura
 
Contador gratis

L'ESPACIU AGRARIU

Mª Esther García López

La preparación de las tierras de l.labor

Anantias de la semiente había que preparar las tierras. Las que yaran mui cuostas, la tierra iba corriéndose pal fondu ya cada vez que se semaba había que terrala, pasando la tierra del fondu pal picu. Facíase una fondera de tierra ya iba sacándose a cestadinas. Hai un tamañu de cesta que se llama cesta la tierra. Ún poníase na fondera ya iba chenando las cestas ya los demás, tres ou cuatro personas a “pousa partida”, iban pasándose las cestas unos a outros. A veces reñían porque dalgún facíase’l remolón.
Pa este l.labor siempre había obreiros. Los mozos iban de bona gana a terrar porque tamién iban las mozas; poníanlas, adrede, no picu la tierra, unde se vaciaban las cestas. Al tiralas l.levantábanse-ys las faldas. Las cestadas iban poniéndolas en montones, en fila, pol picu la tierra. Yara un trabayu mui cansáu, por eso lo facían los más mozos. N’épocas de más fame, los obreiros, iban a terrar pola merienda.
Nos últimos años, anantias de deixar las tierras de prau, yá se terraba colas rastras, que yaran unos caxones rectangulares, feitos de tablas. De las rastras tiraban las vacas.
Outru l.labor yara pasar la sal.ladora ya despuós la grade. Axuntábanse tolos tarrones en borrones y queimábanse. Darréu esparcíase la ceniza pola tierra p’abonala.

FONTES CONSULTADAS:
Informantes: Esther López García, Ricardo García Pérez ya Joaquín García Pérez.
La mías vivencias na aldea de La Degol.lada, l.lugar unde nací ya paséi la mía infancia ya mocedá.
Bibliografía:
GARCÍA GARCÍA Ernesto, GARCÍA LÓPEZ, Mª Esther,(1999): La matada en La Degol.lada (Valdés). Cultures, nu 9. p.p.359-373. Uviéu. Academia de la Llingua Asturiana.
GARCÍA LÓPEZ, Mª Esther (1989): Rel.lumos folclóricos d’occidente. Lletres Asturianes. Uviéu. Academia dela Llingua Asturiana.
VILLALAÍN FERNÁNDEZ, José (1915). Topografía médica del Conceyu de Luarca. Madrid. Anales de la Real Academia de Medicina.
Padrón Municipal. Ayuntamientu de Valdés.
Llibru d’actas de matrimonios de la Parroquia de La Montaña de Rionegro (Valdés) 1897-2000.