Albergue
con la ayuda de: Consejería de Turismo y Cultura
 
Contador gratis

L'ESPACIU AGRARIU

Mª Esther García López

Las Fontes

En La Degollada, hai duas fontes que fueron mui importantes anguañu porque yara unde iban a buscar l’augua pa beber y pal ganáu. Una yara la de El Regueiru y la otra la de Pachín. Tenían bebederos ya la Fonte Pachín tenía un l.lavaderu, construíu nel añu 1934; anque yara pa la casa, al.lí tamién se diba de xemes en cuando, a l.lavar la roupa los outros vecinos, que davezu iban al ríu El Zurdu; guardaban los l.lavadoiros, feitos de madera, no molín del Xastre ya tamién utilizaban l.lábanas de piedra. Amás había outras fontes de menos importancia, La Fontanica que se iba a buscar allí l’augua pa los gochos y la poza La Carril que tamién se chenaba n’iviernu. Los encargaos de traer l’augua yaran las muyeres ya los nenos. Traíase un caldeiru na cabeza, mul.liu con una corra pa que nun mancara, nin se cayera fácilmente. Las muyeres más xóvenes traían ún na cabeza ya outru en cada mano. Esti l.labor deixóu de facese en La Degol.lada cuando fixeron la traída d’augua, de la fonte el Requeixo, ya de la fonte Los Mouros, las dos asitiadas na sierra. Foi el primer pueblu de la parroquia no que puxeron l’augua en casa. Foi nel añu 1968 (Fecha aproximada). Güei poucas casas quedan na parroquia que nun tengan augua corriente.

 

FONTES CONSULTADAS:
Informantes: Esther López García, Ricardo García Pérez ya Joaquín García Pérez.
La mías vivencias na aldea de La Degol.lada, l.lugar unde nací ya paséi la mía infancia ya mocedá.
Bibliografía:
GARCÍA GARCÍA Ernesto, GARCÍA LÓPEZ, Mª Esther,(1999): La matada en La Degol.lada (Valdés). Cultures, nu 9. p.p.359-373. Uviéu. Academia de la Llingua Asturiana.
GARCÍA LÓPEZ, Mª Esther (1989): Rel.lumos folclóricos d’occidente. Lletres Asturianes. Uviéu. Academia dela Llingua Asturiana.
VILLALAÍN FERNÁNDEZ, José (1915). Topografía médica del Conceyu de Luarca. Madrid. Anales de la Real Academia de Medicina.
Padrón Municipal. Ayuntamientu de Valdés.
Llibru d’actas de matrimonios de la Parroquia de La Montaña de Rionegro (Valdés) 1897-2000.