Albergue
con la ayuda de: Consejería de Turismo y Cultura
 
Contador gratis

HISTORIA


en asturiano
en castellano

Breve resumen histórico

La parroquia de La Montaña (o de San Salvador de Ríu Negru), ya una de las quince parroquias que componen el Conceyu de Valdés, asitiase na fastera suroccidental del mesmu. Llienda pol norte con Outur ya Santiagu.Ya pol este con Barcia ya’l Conceyu de Tinéu, pol sur ya l’oeste col Conceyu de Villayón ya pol oeste con Navia. Ta al.lugada en terrén montañosu que compriendi la cuenca d’El Ríu Negru, casi dende'l sou nacimientu, hasta  la casería de Barceda, que ta a 7 Km de L.luarca.
Los pueblos ya caserías que componen esta parroquia son (4) Arnizu, Barceda, Belén, Busecu, La Carboniel.la, Caxóus, Concernosu, Los Conqueiros, La Degol.lada, Fontanavia, Godón, L'Iérbedu, La L.linera, El Mazu, Menudeiru La Ordovaga, Paladeperre Los Piñeiros, Los Rebol.lares,  Ripinosu Riusecu, San Playu de Sesmu, Siñeiriz, El Solanu, El Teixidal d'Arriba, El Teixidal de Baxu, Las Tercenadas, El Val.lanchu, Zreizal. D'estos pueblos son brañas: Concernosu, El Val.lantsu, Busecu, Arnizu, Riupinosu ya Riusecu, esti últimu güei deshabitáu.
Alministrativamente, inxértanse tamién en La Montaña las brañas de L’Artosa ya Busntiane, asitiadas xeográficamente al noroeste del sou territoriu, anque eclesiásticamente, según testimonian los vecinos, los dos l.lugares deixanon de pertenecer a La Montaña a finales del sieglu XIX. Nesti sen, tras la consulta feita a los l.libros de la parroquia, alvertimos que las últimas fechas conseñadas de bodas ya bautizos de xente d’estos dos l.lugares fueron nos años 1891 ya 1892. Igualmente, El Bidural, qu’apaez conseñáu dacuando como l.lugar de La Montaña, nunca pertenecéu a el.la sinón a la parroquia naviega de La Polavieya, anque ya posible que dalgunas de las suas tierras caigan alministrativamente dientro las l.liendes del Conceyu de Valdés.
Nas l.liendes d'esta parroquia alcuéntranse los picos más altos del Conceyu. Capiel.la Martín 986m. ya L’ Estoupu, 870m, cabeceiros col conceyu de Tinéu; el Picu'l Sagredal, 700 m, na l.liende col conceyu de Vil.layón ya la Sierra de Panondres, 842m, que ya onde parten Valdés ya Navia.
Una gran parte de la parroquia tuvo inxerta dientro del Conceyu de Navia hasta l’añu 1851 cuando, darréu de Real Orde de 12 de marzu, pasa a pertenecer al conceyu de Valdés. Son claros los datos ufiertaos por Pascual Madoz (1845-1850): «MONTAÑA DE RIO NEGRO (SAN SALVADOR DE LA): felig. en la prov, ya dióc. de Oviedo (14 leg.), part. jud. de Luarca (1 1/2), ayunt. de Navia [.1. Tiene más de 400 CASAS distribuidas en 18 l. ya 7 brañas, de los cuales pertenecen al ayuntamientu de Navia los de Carbonella, Cercenadas [sic], Congueros lsic], Degollada, Fuentenavia, Mazo, Ordobaya [sic], Piñeros, Rebollares, Siñeriz, Tejedales ya Vallancho, con las brañas de «Armiso [sic], Artosa, Busantiane, Buseco ya Cocernoso [sic]; ya al de Valdés los de Cajos [sic], Cerezal, Godon [sic], Menudero, Paladeperre ya San Pelayo con las brañas de Riopenoso [sic] ya Rioseco». Ampliando la información, indícasemos que «La Igl. parr. (San Salvador) tiene por aneja la de San Bartolomé de Parlero...», esto ye, ParLleiru, güei parroquia del conceyu de Villayón. La ficha péchase cola información de que «[.. .]. El rey D. Fruela donó esta parroquia á la catedral de Oviedo, en noviembre del año 950 según aparece de la cédula espedida á su favor, en la que la da el tftulo de San Salvador de Orbqga, por ser el pueblo más principal ya céntrico de ella, conocido en el día por el de Ordovaga».
La Montaña tien na actualidá 666 habitantes, 341 homes ya 325 muyeres (5). La población compónenla más bien personas mayores ya xubilaos. La xera económica más principal ya la ganadería, tanto de carne como de l.leite, que se concentróu n’esplotaciones grandes, trabayadas por mozos, con cortes modernas ya bona maquinaria. Tamién se seman pal gastu patacas, berzas, cebol.las ya outros productos del güertu. El cultivu de las fabas ya, nos últimos años, una bona fonte d’ingresos ya col.labora a meyorar la economía familiar. La población infantil menguóu nas últimas décadas. Los neños de la parroquia van a la escuela a L.luarca, onde s’asitia’l colexu de concentración, feitu ésti qu’inflúi na castel.lanización de la zona. Quedan dos escuelas unitarias en Siñeiriz ya Concernosu, a las que van los nenos d’estos pueblos.
Tomáu de Mª Esther García López Toponimia. Conceyu de Valdés. Nº 112. Uviéu ALLA.


(4) Datos facilitaos pol Ayuntamientu de Valdés, ya l Nomenclator d’Asturies.

(5) Datos facilitaos pol Ayuntamientu de Valdés (14-1-2005)

 

CLICK PARA AMPLIAR