Albergue
con la ayuda de: Consejería de Turismo y Cultura
 
Contador gratis

Queremos ríos llimpios


Mª Esther García López

 

Ye muncho más fácil non tirar basura que tener que recoyer lo qu’outros, de forma irresponsable, tiren al ríu

El pasáu sábadu, la parroquia de La Montaña (Valdés) dedicóu tol día a la l.limpieza del Ríu Negru. Cuarta sestaferia madiuambiental que vien organizando l'Asociación de Vecinos “Virgen de Belén”, dende hai tres años, con una participación significativa por parte d’un bon grupu de vecinos de la parroquia, concienciaos de la importancia de mantener el ríu l.l impiu. Nesta actividá axuntóuse xente de tolas edaes, dende los cinco años hasta más d’ochenta. En total, participaron un centenar de personas, ente organizadores, cocineros, ya los encargaos de preparar ya l.l evar la xanta al ríu, ya outros l.l abores. A La Montaña chegóu xente de distintos puntos que vinieron a ayudar ya sofitar cola sua presencia esta iniciativa. Ya de destacar la nutrida participación del Grupu de Montaña Estoupo de L.luarca. Tamién cheganon a La Montaña voluntarios de Xixón ya de Madrí.


Tuviemos la prestosa visita ya participación d’Alfonso Guillán Domínguez, téunicu de Voluntariado en Ríos (Ministerio de Medio Ambiente ya Medio Rural ya Marino), que vieno dende Madrí ya implicóuse nas l.labores de l.limpieza del ríu. Él foi quien coordinóu ya supervisóu’l Proyeutu qu’unviamos a Voluntariado en Ríos, institución mediuambiental que nos lo financia.
L’Alcalde de Valdés, Juan Fernández Pereiro, sofitóu cola sua presencia esta actividá, acompañándonos nesta xornada tan importante. Amás del apoyu loxísticu aportáu pol Ayuntamientu de Valdés.


La sestaferia acabóu con una costel.lada pa los participantes ya darréu música ya bail.le. Nada hai tan guapo como festexar una actividá madiuambiental, non sólo pola gran cantidá de basura que se retiróu del Ríu Negru, sinón porque pensamos que l’ésitu d’esti proyeutu ya la participación a tolos niveles, dende la redaición del mesmu ya la organización de las actividades que se proponen, hasta’l control ya espardimientu de tolo que l.lieva al sou alredor, entamando asina una nueva rel.lación de querencia col nuestru ríu, como nos diz el mensaxe que recueye’l títulu del Proyeutu: ” Nuestro río forma parte de nuestra vida”.
Nel Proyectu recuéyense outras actividades empobinadas a la educación ambiental d’escolares ya públicu en xeneral, ente el.las un concursu de fotografía, que yá se feixo. Las fotos del ríu Negru tán espuestas nel local Social “Las Escuelas”, en Belén , pa que la xente pueda contemplar los guapos requeixos que tien el nuesu ríu. Tamién convocaremos en próximas fechas un concursu de redaición pa escolares ya charlas informativas sobre la importancia de conservar el mediu que nos arrodia.


Tanto la Xunta Direutiva de l’Asociación de Vecinos “Virgen de Belén” como los voluntarios participantes quedamos satisfechos d’esta xornada de llimpieza del Ríu Negru, ya esperamos que, sobre too, sirva para sensibilizar cada vez a más xente sobre'l peligru que supón contaminar los ríos ya l’entornu. Ya muito más fácil non tirar basura que tener que recoyer lo qu’outros, de forma irresponsable, tiran al ríu. Pensemos cuánto daríen n’outros l.lugares secos del Planeta por tener un ríu como’l nuesu, como los nuesos. Por tener abundancia d’agua en ríos ya fontes. Conservémoslos l.limpios.