Albergue
con la ayuda de: Consejería de Turismo y Cultura
 
Contador gratis

PARROQUIA DE LA MONTAÑA

Mª Esther García López

toponimia (página 1 - 2 - 3 - 4 - 5 - 6 - 7 )

Abedul d’Ambrosu, L’: Prau pa la parte baxo de Ca Palanquera y camín pela vera’l mesmu prau. Busecu.
Ablanal, L’: Una tierra enfrente de Ca L.lera, a la vera la tierra L’Eirón. Al llau tien plantaes ablanales. Concernosu.
Abrunada, La: Tierra de llabor con una parte de prau. La Carboniel.la.
Acebeiral, L’: Prau solanu en Las Tercenadas.
Acebeiros, Los: Monte en suertes plantáu de pinos y ocalitos y dalguna castañal. La L.linera.
Acebu, L’: Finques de praos de secanu, pa pacer. Los Piñeiros.
Adraos, Los (~ La Pata los Adraos): Monte raso, esto ye, ensin vexetación, que pela parte d’arriba fai llende con Candanéu. Hai peña y cárcava y no mediu’l monte ta La Fonte Cemera, que nunca seca. Díceneme que tamién-y dicen La Pata los Adraos, porque va estrechándose d’abaxo p’arriba. Riupinosu.
Afreitas, Las: 1. Praos de varios vecinos en San Playu de Sesmu. Crúzalos un camín que va dende’l cruz a Ca’l Carrizu. 2. Finques de varios vecinos, dedicaes a tierra de llabor y praos en San Playu de Sesmu.
Agustinas, Las: Praos pa pación y pa ensilar en San Playu de Sesmu.
Albañal, L’:
Altu la Queimadona, L’: Altu na sierra de Concernosu.
Altu’l Sagredal, L’: Monte que fai llende agües vertientes pa La Montaña y pa Villayón. El cume ye El Picu’l Sagredal.
Altu’l Val.le Malu, L’: Altu na sierra de Concernosu.
Altu’l Visu, L’: Llugar altu per onde pasaba, aproximao, el camín que llevaba a L.luarca. Caxóus.
Arbedal, L’: Prau avisíu, pela parte d’arriba d’El Prau la Pasada. Pasa’l camín pel mediu. Concernosu.
Argayada L’: Montes de Menudeiru, que faen llende con El Ríu Pequenu pela marxe drecha. Tán plantaos d’árboles.
Árguma, L’: Monte pal otru llau d’El Ríu Negru, pasando la ponte qu’hai ellí. Ta dividíu en suertes y plantáu de pinos. Hai una fonte col mesmu nome que ye fonte d’iviernu. En San Playu de Sesmu.
Argumiel.las, Las: Monte raso que ta pela parte d’arriba de Ca Bernaldón, debaxo de La Pruída. En Los Piñeiros.
Argumones, Los (~ El Monte los Argumones): Monte raso con munches peñes que ta na llende con Busecu. En Riupinosu.
Arnizu: Braña de la parroquia, na llende con El Val.lín (de Santiáu) y con Los Conqueiros.
Arribas, Las: 1. Monte en suertes a la vera d’El Regueiru las Colmenas, de matos y dalguna bidul y pinos. En La Carboniel.la. 2. Prau en Los Piñeiros, solanu, pa pación.
Avisadoira, L’: Monte raso na falda de Capiel.lamartín. Busecu.
Aviseos, Los: Praos avisíos a la vera’l ríu. Concernosu.
Avisíu del Xastre, L’: Tierra asitiada per debaxo d’El Campu la Cruz; fai llende col camín que vien de Las Tercenadas. Ya avisida y agora ta dedicada a prau. La Degol.lada.
Avisíu, L’: 1. Monte raso en sitiu avisíu onde tienen suertes tolos vecinos, enfrente Ca Xipón, con bidules, pinos y ocalitos. Siñeiriz. 2. Praos n’El Teixidal d’Arriba. 3. Prau avisíu en La Degol.lada.
Azureiru d’Abaxu, L’: Monte raso onde tienen suertes tolos vecinos. En Siñeiriz.
Azureiru d’Arriba, L’: Monte raso onde tienen suertes tolos vecinos, pa los dos llaos d’El Regueiru l’Azureiru. En Siñeiriz.
Azurera, L’: 1. Monte que pertenez a Menudeiru. Fai llende con El Ríu Pequenu pela marxe drecha. 2. Monte y prau enfrente Menudeiru. Hai una parte llana y una parte cuesta. En La Ordovaga.
Balaos, Los: Praos de varios vecinos, pa silos y pa seco. En Zreizal.
Banduchu Grande (~ Banduyyu Grande): Prau en Busecu.
Banzadón, El: Banzáu n’El Ríu Pequenu que recueye agua pa regar los praos de Las Tercenadas.
Banzáu de la Ortiga Oscura, El: Banzáu que recueye agua d’El Ríu Pequenu pa regar los praos de Las Tercenadas.
Banzáu de los Ríos, El: Banzáu n’El Ríu Pequenu, que riega praos en Las Tercenadas.
Banzáu del Freisnu, El: Banzáu en Los Rebol.lares, n’agües d’El Ríu Negru, pa regar los praos d’alredor.
Banzáu del Molín de las Tercenadas, El: Banzáu n’El Ríu Pequenu, agua pa moler El Molín de Las Tercenadas.
Banzáu del Molín de Pachín, El: Banzáu n’El Ríu Pequenu, agua pa moler el molín del mesmu nome. En la Degol.lada.
Banzáu del Molín, El: Banzáu p’aprovechar agua d’El Ríu Negru pal molín de Fontanavia. En Fontanavia.
Baradoira, La: Monte con un fontán d’agua nomáu La Fonte l’Arena. Busecu.
Barbeitín, El: Prau en Las Tercenadas.
Barceda (~ La Casa Barceda): Casería asitiada a la vera El Ríu Negru, na llende con San Playu y Riusecu, a 7 km. de L.luarca. Había tres cases pero agora namás queda una.
Bardamón: Llugar onde se xunten regueiros, más p’arriba d’El Pozu Baleiru, onde naz El Ríu Pequenu. La Degol.lada.
Barreirina, La: Sierra a monte raso que pertenez a Los Piñeiros, cerca d’El Picu’l Sagredal.
Barreiru, El: Prau con nogales nigra, carbayu, abedul y pinu. La Carboniel.la.
Barreiru: Tierres ya praos, yerba pa ensilar. Semen ballicu ya reigás. Ye de Ca Carmelona. En Fontanavia.
Barrera, La: 1. Campu no medio’l monte Los Capudros, a la vera La Penapuerca. En Riupinosu. 2. Monte y pozacos. D’ellí sacábase barru pa facer fornos. En Busecu.
Barreras, Las: 1. Montes y praos, de varios vecinos, siguío de Las Cuostas pa la parte de la izquierda de la carretera. San Playu. 2. Terrén en Los Piñeiros. Fai llende col ríu que baxa de La Chistosa.
Barriu Baxu, El: Llugar en Siñeiriz, ún de los barrios en que ta dividíu’l pueblu, formáu poles cases d’El Cernáu, El Bolañu d’Arriba y El Bolañu de Baxu, L’Albañal y El Garfiu.
Barriu, El: Llugar en Siñeiriz, ún de los barrios en que ta dividíu’l pueblu, formáu poles cases d’El Vil.lar, Xuanzái, Xipón de Baxu y Xipón d’Arriba, El Galán, Campu y La Perdiz.
Barrosa, La: Camín en Busecu, per encima La Fonte’l Campu.
Batán, El: Batán asitiáu n’El Ríu Negru, un poco más p’arriba de El Molín de la Gruoba. El molín y el batán teníen preses independientes. Ellí abatanaben les mantes pero güei yá nun queden nin ruines; acabóse, según los informantes, a primeros del sieglu xx. Los vecinos, llueu, diben abatanar a un pueblu del conceyu de Tinéu llamáu Parada. N’El Val.lantsu.
Bedulona, La: Camín que lleva ríu arriba hasta’l fondu de Los Corzos. En Riupinosu.
Beizuola, La: Prau en Riusecu de Ca Perán. Llanu, de regadíu d’El Ríu de Riusecu.
Belén: Llugar cabecera de la parroquia, onde ta asitiada la ilesia. El patrón ye San Salvador y tamién se venera la Virxe de Belén. Nel sieglu xx hubo cuatro tabernes, una d’elles con salón de baille, que ye la única que queda güei. Tien amás tienda con un poco de too y foi llugar de madreñeiros, de los que queda tovía nesti momentu Milio Feito. Hubo escuela hasta que nos años 70 concentraron en L.luarca.
Biforcu, El: Prau y monte que pertenez a Ca la Fanchuca de Los Piñeiros. Ta asitiáu per debaxo L’Iérbedu. La parte de monte ta plantada d’árboles del país.
Bosquín, El: 1. Prau frente a Ca Roldán, con una fonte nel mediu llamada igual y que tenía agua tol añu. D’ella regaben el prau, pa los dos llaos. Riusecu. 2. Prau asitiáu pal solanu, que pertenez a Ca l’Umeiru. En Siñeiriz.
Bouza la Fana, La: Finca que tien arboleda y un pedazu de bouza na vera’l prau. Riupinosu.
Bouza, La: Finca a la vera’l camín de la ilesia, onde ta asitiada Ca’l Peceiru y que pertenez a esta mesma casa. Primero dedicóse a tierra y agora ta too de prau. La parte que fai llende con El Ríu’l Zurdu llámase El Fondu la Bouza. La Degol.lada.
Bouzón, El: 1. Monte d’árboles, d’arriba’l prau La Caneda. El Mazu. 2. Monte de toxos asitiáu per debaxo de Ca l’Ablanal de Siñeiriz que pertenez a Los Piñeiros.
Bouzonas, Las: Prau xunto a El Regueiru’l Couzapín. Caxóus.
Bovia l’Águila, La: Monte no picu Los Capudros. Riusecu.
Bovia, La: Sierrra que fai llende con Folgueras del Ríu. Ye monte raso, dividío en suertes. Busecu.
Braña Vieya, La: 1. Monte a suertes plantáu de pinos y ocalitos. Los Conqueiros. 2. Praos de varios vecinos nesi mesmu monte. El Regueiru de Braña Vieya pasa pel mediu del monte, que fai vaguada, una parte pal solanu y dalgo pal avisíu.
Braña, La: Prau a la vera El Prau la L.lama, abondo llanu; riégase con agua d’un banzáu. Riupinosu.
Braña’l Arcu, La: Monte y prau, finques per onde pasa’l camín públicu que lleva a Belén, Busantiane, L’Artosa, Busmargalí... Arnizu.
Brañas, Las: Praos que tán no alto’l pueblu, pa la parte d’arriba de la carretera, a continuación de La Val.lina d’Alda, y que lleguen casi hasta’l pueblu. Son de tolos vecinos. Menudeiru.
Bravín, El: Prau na sienra. Caxóus.
Bravinos, Los: Praos al solanu, antigua güerta de Ca Susana. Fan llende cola carretera. Zreizal.
Bravón, El: Tierra de llabor onde s’echa maizón, faba, ballicu, pataca y otros. Ye de varios vecinos y dalgún tienlo de prau. Caxóus.
Bravu d’Antón, El: Prau en Las Tercenadas.
Bravu de Mingu, El: Prau en Las Tercenadas.
Bravu, El: Prau en La Carboniel.la.
Bravu’l Xenrín, El: Prau en Las Tercenadas.
Bringa, La: Prau en Busecu, que cruza’l camín que baxa a El Freisnu.
Bruneiru, El: Praos en Menudeiru, cerca de Los Val.lanchos.
Brusca, El: Monte que ta a la vera’l ríu. Ye terrén mui malo, too de bravo y con muncha peña y mui recuesto. Tien dalgún árbol. Fontanavia.
Bruscu, El: 1. Monte comunal con castañales y carbayos. Arnizu. 2. Monte de Fontanavia, asitiáu per debaxo Ca’l Rondiel.lu.
Busecu: Braña de la parroquia, asitiada na lladera de Capiel.lamartín. Fai llende con Fontanavia, Riupinosu, Los Piñeiros y Concernosu.
Ca Andrés (~ Ca Floru): Casa en Las Tercenadas.
Ca Antón: Casa en Las Tercenadas.
Ca Antonín: Casa en Los Conqueiros.
Ca Anxelu: Casa en Paladeperre.
Ca Balón: Casa en Los Conqueiros. Nesta casa hubo fragua.
Ca Bárbola: Casa en Paladeperre.
Ca Barbón: Casa en La Degol.lada, que s’acabó nel sieglu xix. Taba na finca de La Campona, güei na parte d’arriba de la carretera.
Ca Bartuelu: Casa en Siñeiriz.
Ca Bastián: 1. Casa en Paladeperre. 2. Casa en Los Piñeiros.
Ca Baxu: Casa en Menudeiru.
Ca Bernaldón: Casa en Los Piñeiros.
Ca Bernaldu: Casa en Concernosu. Vacía dende 1995.
Ca Bouza: Casa en Las Tercenadas.
Ca Calayón: Casa en La Ordovaga.
Ca Calea: Casa en Las Tercenadas. Vacía dende los últimos años del sieglu xx.
Ca Cardaníu (~ Ca Menén): Casa en Menudeiru.
Ca Catuxu: Casa en Busecu. Vacía dende últimos del sieglu xx.
Ca Colás: Casa en Siñeiriz.
Ca Conrado (~ Ca Segunda): Casa en Las Tercenadas.
Ca Crimu: Casa en Siñeiriz.
Ca Daniel (~ Ca las Murias): Casa en La Ordovaga.
Ca Fanchón: Casa en Siñeiriz.
Ca Fansuyu: Casa en Paladeperre.
Ca Felipón: Casa en Los Piñeiros.
Ca Frasquillu: 1. Casa en Busecu. 2. Casa en Zreizal.
Ca Gancéu: Casa en Siñeiriz.
Ca Gregoriu (~ Casa Urbanu ~ Casa Cangoyu): Casa en La Ordovaga que se conoz pelos tres nomes.
Ca L.lera: Casa asitiada a la vera El Ríu Negru. En Concernosu.
Ca L.lope: Casa en La Carboniel.la.
Ca l’Ablanal (~ Ca Branal ~ Ca l’Abranal ~ L’Ablanal): Casa en Siñeiriz.
Ca l’Ablanal (~ Ca’l Berméu ~ Ca’l Mermeyu): Casa de Concernosu, enfrente’l pueblu d’El Val.lantsu.
Ca l’Abruneiru: Casa en Menudeiru.
Ca l’Ucéu: Casa en Siñeiriz. Vacía.
Ca l’Umeiru: Casa en Siñeiriz.
Ca la Bolaña d’Arriba: Casa en Siñeiriz.
Ca la Busta: Casa en San Playu. Vacía.
Ca la Cernada: Casa en Siñeiriz.
Ca la Cruz: Casa en La Degol.lada. Ta na vera’l campu del mesmu nome. Ellí hai un cruz de caminos, l’antiguu Camín de la Iglesia y el camín que va pa Las Tercenadas.
Ca la Cuosta: Casa en Menudeiru.
Ca la Fanchuca: Casa en Los Piñeiros.
Ca la Felisa: Casa en La Ordovaga.
Ca la Fonte: Casa en Siñeiriz.
Ca la Gavela: Casa en Busecu. Ta vacía dende primeros del sieglu xx y namás queden los muros.
Ca la Guila: Casa n’El Teixidal d’Arriba. Vacía dende primeros del sieglu xx.
Ca la Márgala: Casa en Los Piñeiros. Vacía.
Ca la Mondina: Casa en Concernosu. Vacía dende 1940.
Ca la Monxa: Casa en Los Conqueiros. Vacía.
Ca la Pachona: Casa en Fontanavia que s’acabó a primeros del sieglu xx.
Ca la Perana: Casa en Busecu.
Ca la Perdiz: Casa en Siñeiriz.
Ca la Prusiana: Casa en San Playu.
Ca la Quintana: Casa vacía en Belén.
Ca la Raposera: Casa en Zreizal.
Ca la Roxa: Casa en Busecu. Ta vacía y en ruina.
Ca la Valienta: Casa en La Ordovaga. Yera de Ca’l Valiente.
Ca la Xastra (~ Ca’l Mazu de Baxu): Casa n’El Mazu, vacía dende la última década del sieglu xx. Llámenla asina porque foi una muyer de Ca’l Xastre de La Degol.lada a casar pa la casa.
Ca la Xuana: Casa en La Degol.lada. Casa que s’acabó nel sieglu xix. Taba asitiada en L’Hurtequín, onde se pue ver daqué de los cimientos.
Ca Lin: Casa n’El Solanu.
Ca Lola: Casa en Siñeiriz.
Ca Macrinu (~ Ca Minguín): Casa en Los Conqueiros, vacía dende últimos del sieglu xx. Hubo fragua.
Ca Manolín: Casa vacía dende fai ocho años. Riusecu.
Ca Manulón: 1. En La Degol.lada. Casa que s’acabó nel sieglu xx y que taba cerca de Ca Pachín, nel mesmu llugar onde ta agora’l payar. 2. Casa en Riusecu vacía dende 1960. Los amos treslladáronse a Veigal.longa.
Ca Mareites: Casa en Riupinosu.
Ca Maruxa: Casa en Siñeiriz.
Ca Miguel: Casa n’El Teixidal de Baxu.
Ca Mingu: Casa n’El Val.lantsu.
Ca Pachín: 1. Casa en la Degol.lada, grande, de dos plantes y con desván. La primera planta pa corte. A la vera tien una panera con caramanchón y corte debaxo. A la vera la panera ta la casa’l fornu. Tamién tien pozu, y un payar. Agora tien una corte moderna, de reciente construcción. 2. Casa en La Ordovaga.
Ca Pachón: 1. Casa en La Ordovaga, que tuvo habitada hasta finales del sieglu xx. 2. Casa en Los Conqueiros. Hubo fragua, asitiada detrás mesmo de la casa.
Ca Pachu: Casa en Las Tercenadas.
Ca Palanquera (~ Casa Palanquera): Casa en Busecu.
Ca Parrondu: Casa en Busecu. Ta vacía dende últimos del sieglu xx.
Ca Pasarón: Casa en Los Conqueiros. Ta vacía dende hai poco.
Ca Patriciu: Casa en Siñeiriz.
Ca Paulinu: Casa en La Carboniel.la. A la vera ta asitiada la Capilla de Santo Domingu, que ye propiedá de Ca’l Ferreiru de La Ordovaga.
Ca Pedru (~ Ca’l Cubu): Casa en Siñeiriz.
Ca Pedru: Casa en San Playu. Vacía.
Ca Perán: 1. Casa casi desfecha, vacía dende 1965. Riusecu. 2. Casa en Busecu.
Ca Pericón (~ Casa Tantina): Casa en Caxóus.
Ca Pericón: Casa en Siñeiriz. Vacía.
Ca Pericu (~ Ca Santiagón): Casa en Caxóus.
Ca Perra: Casa en Busecu.
Ca Pilara (~ Ca Lucianu): Tres cases con medianil, agora sin xente. En La Ordovaga, xunto a Ca’l Gonzái.
Ca Pisón: Casa en Menudeiru, vacía.
Ca Pulayu: Casa en Siñeiriz.
Ca Ramón: Casa n’El Teixidal d’Arriba.
Ca Ramoncín: Casa en Los Conqueiros.
Ca Regueiru: Casa en Menudeiru. Vacía dende l’añu 1990.
Ca Roldán: Casa en Riusecu cerca de Ca Manulón. Vacía dende 1965.
Ca Ron: Casa en Zreizal.
Ca Roque: 1.Casa en Siñeiriz. 2. Casa en Godón.
Ca Rosaura: Casa en Belén que tuvo tienda y bar. Tovía se conserven les estanteríes de la bodega. Tuvo habitada hasta finales del sieglu xx.
Ca Santones (~ Ca Pedro): Casa en San Playu.
Ca Santos: Casa en Menudeiru.
Ca Senciu: Casa en Busecu.
Ca Soma: Casa en Concernosu.
Ca Teresa: Casa en Menudeiru.
Ca Vidal: Casa en Menudeiru.
Ca Xepe: Casa en Los Conqueiros.
Ca Xipón d’Arriba: Casa en Siñeiriz.
Ca Xipón de Baxu: Casa en Siñeiriz. Vacía.
Ca Xuacu (~ Casa’l Teixidal): Casa n’El Teixidal de Baxu, con capilla dedicada a San Esteban. Nella paraben los cures hasta les primeres décades del sieglu xx.
Ca Xuan: Casa en Caxóus. Vacía.
Ca Xuanín: Casa n’El Solanu.
Ca Xuanón: Casa en Los Piñeiros. Vacía.
Ca Xuanzái: Casa en Siñeiriz.
Ca Xupe: Casa en Concernosu.
Ca’l Bardu: Casa en Riusecu. Asitiada cerca Ca’l Col.ladín pal llau d’El Ríu Negru. Vacía hacia 1950.
Ca’l Bataneiru: Casa en Paladeperre.
Ca’l Bedulu (~ Ca la Menda): Casa vacía dende los últimos años del sieglu xx. Busecu.
Ca’l Bulañu de Baxo: Casa en Siñeiriz.Vacía.
Ca’l Bulañu: Casa en Siñeiriz.
Ca’l Cadul.lu: Casa en Menudeiru.
Ca’l Campu: 1. Casa en San Playu de Sesmu. 2. Casa en Siñeiriz. Vacía dende últimos del sieglu xx.
Ca’l Canéu: Casa n’El Teixidal.
Ca’l Carbayu: Casa en Riusecu. Vacía hai más de trenta años.
Ca’l Carrizu: Casa en San Playu de Sesmu.
Ca’l Casón: Casa en Los Piñeiros.
Ca’l Castellanu: Casa en La Ordovaga. Agora vacía.
Ca’l Chaquetu: Casa en Riusecu, vacía, pero les finques tán atendíes por un vecín que nació allí y vive en La Candanosa.
Ca’l Chicu: Casa en La Carboniel.la.
Ca’l Chiquitu: Casa en Siñeiriz.
Ca’l Col.ladín: Casa en Riusecu, asitiada na vertiente p’hacia Riupinosu y en ruina. Quedó vacía hacia 1950.
Ca’l Coxu: Casa en La Ordovaga.
Ca’l Cura: Casa en Belén.
Ca’l Felisu: Casa en La Ordovaga.
Ca’l Ferreiru: 1. Casa en La Ordovaga onde había fragua. 2. Casa en San Playu.
Ca’l Fidalgu: Casa en Riupinosu.
Ca’l Figaleiru: Casa en La Ordovaga.Vacía dende finales del sieglu xx.
Ca’l Florentu: Casa n’El Val.lantsu.
Ca’l Furacu: Casa en Busecu.
Ca’l Galán: Casa en Siñeiriz.
Ca’l Garfiu (~ El Garfiu): Casa en Siñeiriz. Había telar.
Ca’l Gonzái (~ Ca’l Gonzayu ~ Ca’l Coronel): Casa n’El Teixidal d’Arriba.
Ca’l Gonzái (~ Ca’l Gonzayu): Casa en La Ordovaga, vacía dende primeros del sieglu xx. Forma parte del conxuntu de Ca Pilara y Ca Lucianu.
Ca’l Guindu: Casa en Paladeperre. Vacía fai munchu tiempu, unos 30 años.
Ca’l L.lagüezu: Casa en Zreizal.
Ca’l L.louxeiru: Casa en Busecu.
Ca’l Manzanicu: Casa en Concernosu.
Ca’l Manzanu: Casa en Concernosu. Vacía dende 1970.
Ca’l Marica (~ Casa’l L.libru): Casa en Riupinosu. Ellí hubo un arrieru qu’arreaba llibros. Vacía.
Ca’l Mariel.lu: Casa n’Arnizu.
Ca’l Marín: Casa en La Ordovaga.
Ca’l Marqués: Casa n’Arnizu.
Ca’l Marutu (~ Ca Pedru): Casa en Belén con construcción de turria —esto ye, construida aprovechando’l desnivel del terrén— y cerca La Fonte’l Marutu.Vacía dende 1960.
Ca’l Marutu: Casa en Los Piñeiros. Vacía dende últimos años del sieglu xx.
Ca’l Maruxu: 1. Casa en La Carboniel.la. 2. Casa en Riupinosu.
Ca’l Mazu d’Arriba: Casa n’El Mazu construida en 1903. El mazu yera de dos hermanos que llueu repartieron en dos les finques y fixeron dos viviendes. Nesta casa había una fragua, de la qu’entovía se conserva la ferramienta. Facíen el carbón nos montes cercanos, de raíz d’uz, y utilizaben zadas que llamaben petos p’arrincar les uces. Traíen el fierro de Parl.leiru (Villayón), onde había una ferrería, y equí facíen los preseos. Hubo tradición de trabayar el fierro hasta 1970.
Ca’l Meleiru: Casa en Busecu.
Ca’l Menor (~ Ca Antón): Casa en Menudeiru.
Ca’l Mungu: Casa en Los Piñeiros.
Ca’l Nitu: Casa en Los Piñeiros.
Ca’l Palaciu (~ Casa’l Palaciu ~ El Palaciu): Casa asitiada nun altu en Los Piñeiros, un poco retirada del nucleu del pueblu.
Ca’l Peceiru (~ Ca Xuanón): 1. Casa de la Degol.lada, con construcción de turria. Ye una casa vieya que pasó de ser vivienda a ser payar. Al llau tien un horru de cuatro pegollos con corte debaxo. Apegada a la casa pela parte d’abaxo ta la casa’l fornu. 2. Vivienda nueva asitiada un poco más arriba de l’anterior, xunto a El Camín de la Iglesia, na finca llamada La Bouza. Ye de planta cuadrada, con dos plantes, la baxa dedicada a corte.
Ca’l Peiru: Casa en Paladeperre. Equí yera onde taba la escuela’l pueblu.
Ca’l Pulidu: Casa n’El Solanu, vacía dende 1997.
Ca’l Quintu (~ Ca Lucía): Casa en Menudeiru.
Ca’l Raxu: Casa en La Ordovaga. Nun ta habitada, pero vienen a pasar el branu dende hai unos 30 años.
Ca’l Rebol.lar: Casa nel llugar del mesmu nome.
Ca’l Redondu: Casa vacía en Riupinosu.
Ca’l Rei: Casa en Siñeiriz.
Ca’l Rizu: Casa en Los Piñeiros.
Ca’l Sarxentu: Casa en Busecu. Ta vacía dende mediaos del sieglu xx.
Ca’l Siel.lu: Casa en Concernosu.
Ca’l Sucu (~ Ca Minguín): Casa en Busecu.
Ca’l Tendeiru: Casa en Concernosu.
Ca’l Texedor: Casa en Fontanavia.
Ca’l Tourín (~ Ca Mingu ~ Ca Marotu): Casa en Las Tercenadas.
Ca’l Valiente (~ La Casa Nueva): Casa en La Ordovaga.
Ca’l Venideru: Casa n’Arnizu.
Ca’l Vil.lar: Casa en Siñeiriz.
Ca’l Xaquetu: Casa en Riusecu. Ta asitiada dempués de Ca’l Bardu y cerca de Ca Manulón. Vacía dende fai munchu tiempu, llevábala a la renta ún de La Candanosa. Yera d’un paisanu que se llamaba Fraxu.
Ca’l Xastre: 1. Casa en La Degol.lada con vivienda, horru y panera, caseta pal embutíu ya payar. Xunto a la casa tán la era ya’l güertu. Tien dos plantes. La planta baxa ye pa corte y la d’arriba pa vivienda. Tien un corredor. Debaxo’l corredor ta’l cortín de las abeas. 2. Casa en Godón.
Ca’l Xenrín (~ Ca Fanchín): Casa en Las Tercenadas.
Ca’l Xuliu: 1. Casa en Riupinosu vacía dende hai años. 2. Casa en Busecu, deshabitada dende 2005.
Cabana, La: Monte plantáu de pinos, d’arriba la carretera. Enantes segábase la ganza pa estrar. En Los Conqueiros.
Cabanas, Las: Praos de varios vecinos de Siñeiriz, a la vera de Ca Patriciu.
Cabanina, La: Monte raso, onde tovía queden los cimientos de dos cabañes. Antiguamente yera puertu pal ganáu. Debaxo La Fonte’l Rebol.lu, onde naz El Ríu Riupinosu.
Cabeceiru, El: Prau de cama pa pación y avisíu. Ta asitiáu detrás de la casa, n’El Mazu.
Cadul.los, Los: Eiros pa la parte d’arriba de la carretera. Semen maíz y reigás pal ganáu y son de varios vecinos. En Menudeiru.
Caldera, La: Pozu n’El Ríu Pequenu, que se formó al caer l’agua en pena llavada.
Calea del Furacón, La: Camín que va de Ca’l Xuliu a Ca’l Fidalgu y a Ca Mareites. En Riupinosu.
Calea, La (~ Ca Ramitos): 1. Prau xuníu a El Prau de Buonu, llanu y que riega un banzáu. Riupinosu. 2. Prau que pertenez a Ca’l Vil.lar de Siñeiriz, debaxo d’El Duernu. Siñeiriz.
Caleona, La: Camín de piedra, zarráu de parede, que lleva a El Col.ladín. Riusecu.
Caleyu, El: Monte que pertenez a les cases d’El Solanu. Crúzalu un camín que baxa pal ríu.
Caleyyu, El (~ El Caleyu): Prau en Busecu.
Calicatas, Las: Cueves cerca d’El Ríu Negru, n’El Monte la Perana y otros del alredor. Quiciabes les fixeron buscando agua o oru. En Busecu.
Calichina, La: Camín subiendo pa Ca’l L.louxeiru. Busecu.
Camín Carbayu Reigáu, El: Camín del pueblu, que va de Ca’l Xuliu a Ca’l Maruxu. Riupinosu.
Camín d’Encima las Veigas, El: Camín que lleva de Paladeperre hasta La Ponte Riupinosu. Paladeperre.
Camín d’Escádana, El: Camín mui cuestu que sube dende Riunegru hasta Belén. Según la zona llámenlu d’Escádana, de la Cuosta, La Cuosta, La Cuosta d’Escádana.
Camín d’Iglesia de Penamala: Camín que lleva dende Belén a La Ordovaga; pasa per La L.linera, Penamala y llega a Riupinosu.
Camín de Capiel.lamartín, El: Camín que lleva dende Busecu al picu de Capiel.lamartín.
Camín de Concernosu, El: El Camín de la Iglesia dende Concernosu hasta Belén. Pasa per El Mazu y Los Piñeiros.
Camín de Fuora, El: Camín que va de La L.linera a Riupinosu. La L.linera.
Camín de Godón, El: Camín que pasaba per L’Altu’l Visu y llevaba hasta Godón y dende allí a L.luarca. En Caxóus.
Camín de l’Azureiru, El: Camín que lleva d’El Barriu a L’Azureiru. Siñeiriz.
Camín de la Bovia Bul.lacente, El: Camín na sierra de Concernosu.
Camín de la Canar, El: Camín que lleva de San Playu de Sesmu hasta Barceda.
Camín de la Cortona, El (~ El Camín de Misa): Camín que pasa per La L.lomba y que lleva a La Beizuola y tamién a El Molín de Beizulón. Riupinosu.
Camín de la Cuosta, El: 1. Camín que lleva dende Caxóus a El Val.lín, hasta Ca l’Estremadoiru. Caxóus. 2. V. El Camín d’Escádana.
Camín de la Faya, El: Camín que lleva de Ca Parrondu a La Faya. Recuerre toles cases. Busecu.
Camín de la Fonte Pernales, El (~ El Camín de la Fonte): Camín que lleva dende San Playu de Sesmu hasta Los Regueirones.
Camín de la Forcadina: Camín que baxa dende La Fonte’l Pilón hasta la carretera que va a La Montaña. Pasa per Los Diestros. San Playu de Sesmu
Camín de la Fueyya’l Cabu, El (~ El Camín de la Fueya’l Cabu): Camín que xube a La Sierra’l Rebol.lu y pasa hasta El Val.le la Cueña. N’El Val.lantsu.
Camín de la Iglesia, El (~ El Camín de Misa): Camín que pasa dende San Playu de Sesmu per Las Canares pa salir a La Vuolta’l Diestru. Lleva hasta El Ríu Negru y a La Cuosta d’Escádana qu’empobina hasta Belén.
Camín de la Iglesia, El (~ El Camín Vieyu): 1. Camín que dende Concernosu, Los Piñeiros y La Degol.lada per delantre Ca Carramín, lleva a La Ordovaga pasando per Belén y que cortó la carretera de L.luarca a Villayón. El tramu de carretera fíxose en 1955. 2. Camín que lleva de Busecu a Belén. Busecu. 3. Camín que llevaba a l’antigua iglesia de San Salvador, que taba asitiada a la vera El Ríu Negru nel llugar de Los Rebol.lares. 4. Camín que lleva de La L.linera hasta Belén. 5. Camín de la ilesia que lleva a Belén. Hasta’l llugar de Los Piñeiros casi too foi’l mesmu trazáu de la carretera que lleva hasta Villayón. Siñeiriz.
Camín de la L.lomba, El: Camín per arriba de Ca Senciu hasta Ca Palanquera. Busecu.
Camín de la Montaña, El: Camín en Paladeperre que lleva dende’l pueblu hasta Belén. Ye camín d’ilesia.
Camín de la Paradina, El: Camín que lleva dende Arnizu a El Val.lín.
Camín de la Pedrera, El: Camín que lleva dende La Carboniel.la al monte de Las Arribas.
Camín de la Ponte, El: Camín que lleva a Las Pontes y a El Molín y llega hasta’l pueblu de La Degol.lada.
Camín de la Pontenueva, El: Camín que lleva dende Menudeiru a Belén. Ye l’antiguu camín d’ilesia.
Camín de la Rozona, El: Camín en Las Tercenadas que lleva a los praos del mesmu nome y a las fincas d’El Chanu’l Buei.
Camín de la Sienra, El: 1. Camín que lleva dende les finques, praos, eiros y monte, hasta El Ríu Pequenu pasando per tola sienra, a la que da serviciu, y llega hasta’l molín. Menudeiru. 2. Camín que lleva dende San Playu hasta Barceda y va per Escádana hasta Belén.
Camín de la Sierra, El: 1. Camín de carru que lleva dende les cases de Las Tercenadas hasta la sierra. 2. Camín que lleva dende’l pueblu hasta Arnizu. La Carboniel.la. 3. Camín que lleva dende La Degol.lada hasta la sierra y que se xune col que lleva a la marina pel picu La Sierra la Degoll.lada que vien del conceyu de Villayón. Nel llugar de Los Chanones que pertenez a La Degol.lada hai un tramu que ta empedráu «como si fuora una calzada romana», según los informantes.
Camín de la Veiga l’Ama, El: Camín que trescurre peles finques del mesmu nome y fai’l serviciu pa les finques de La Veiga l’Ama y El Val.le grande. Los Piñeiros.
Camín de la Veiga, El: Camín que lleva del pueblu a Ca Barcelón. El Val.lantsu.
Camín de las Corradas, El: Camín públicu que pasa per Ca Barcelón y llevaba hasta Navelgas, pela sierra Las Corradas y Fontes. En Concernosu.
Camín de las Cortes, El: Camín que sal de Ca’l Galán y llega per Las Cortes hasta Ca Fanchón. Sal a la carretera nel llugar d’El Pasadín per encima Ca’l Cadaval. Siñeiriz.
Camín de las Cruces, El: Camín que lleva de San Playu de Sesmu a la braña d’El Val.lín.
Camín de las Escavadoras, El: Camín que lleva de San Playu de Sesmu a Barceda y dempués enllaza col d’Escádana. Yera’l camín per onde diben los entierros enantes de facer la carretera.
Camín de los Carbayinos, El: Caminos que van al monte Los Carbayinos. Xúnense al d’Escádana en Los Carbayinos. Paladeperre.
Camín de los Chanos, El: Camín que lleva de Busecu a Los Chanos.
Camín de los Diestros, El: Camín que lleva de Godón a San Playu.
Camín de Marfón, El: Camín que lleva dende’l pueblu de Paladeperre hasta Riunegru y per onde agora pasa la carretera, inaugurada en 1971. Esti ye’l llugar onde se cruza’l camín que vien de L.luarca y cruza El Ríu Negru.
Camín de Parleru, El: Camín que dende L.luarca cruza dende El Val.lín tol altu la sierra, pasa per La Sierra las Tercenadas, La Cruz de la Vieya, El Sagredal y Parleru.
Camín de Penarronda, El: Camín que lleva de Riupinosu a Paladeperre, Riunegru, Barceda y L.luarca.
Camín de Riuarriba, El: Camín que lleva dende Riupinosu hasta’l monte Las Solanas.
Camín de Rondu, El: Camín que lleva dende San Playu de Sesmu hasta los montes de Rondu y llega a El Val.lín.
Camín de so las Figales, El: Camín que lleva de debaxo Ca Maruxa hasta Ca Roque y a Ca Pedro. Empata con El Camín del Santu Cristu en La Ponte’l Molín. Siñeiriz.
Camín de Soutu, El: Camín que cruza las fincas d’El Soutu, tierras, praos ya montes, y va hasta El Ríu Pequenu, onde muerre. Menudeiru.
Camín de Val.lina d’Alba, El: Camín que lleva dende Menudeiru a los montes del mesmu nome, dende la Casa l’Alba hasta El Ríu la Uz.
Camín del Bouzón, El: Camín que sal de La Cernada, per delante la escuela y va dar a El Mazu. Agora ta cubiertu per una pista. Siñeiriz.
Camín del Cambeiru, El: Camín que lleva a les finques del mesmu nome, en Menudeiru, y termina ellí.
Camín del Camporru, El: Camín dende la carretera a El Ríu Pequenu pasando per La Ponte del Pibidar. Ye camín d’ilesia. La Carboniel.la.
Camín del Carbayón, El: Camín que sal d’El Penéu de la Fonte y va hasta Ca Fanchón. Siñeiriz.
Camín del Cuernu l’Alba, El: Camín que lleva dende Menudeiru a La Ponte L.lamabona. Ye’l camín que da serviciu a tolos montes de la fastera: Las Cuatru, Las Escudiel.las, y va per Escádana a Paladeperre y a Riupinosu. Había dos pontes, pero la de L’Azurera llevóla una llena nel añu 1968. Equí divídese’l camín que lleva a Belén.
Camín del Currapín, El: Camín que lleva dende El Val.lantsu a La Sierra’l Rebol.lu. El Val.lantsu.
Camín del Estoupu, El: Camín que lleva dende Belén a La Ponte’l Cuernu y pasa per Riupinosu y El Picu l’Estoupu hasta L.leiriel.la. Pa baxar col carru, enantes de tener frenu, diba detrás una pareya de gües o de vaques de tiru pa echar la galga y otra delantre de gabita. Riupinosu.
Camín del Feu, El: Camín que lleva a El Molín del Feu, asitiáu n’El Ríu Negru, a la altura Los Piñeiros. Los Piñeiros.
Camín del Gramodel, El: Camín que sal de Ca Patriciu y lleva hasta La Gamayosa pasando per tolos montes. Da serviciu al pueblu.Tien nomes dixebraos, según el llugar del monte pel que pasa. En Siñeiriz.
Camín del L.louxeiru, El: Camín que lleva a Ca’l L.louxeiru en Busecu.
Camín del Mazu, El: Camín de misa que lleva dende Concernosu hasta Belén y pasa per El Val.lantsu. Vien dende la sierra de Las Cruces y enllaza per Parl.leiru. N’El Val.lantsu.
Camín del Molín Vieyu, El: Camín de misa que lleva a Belén. Zreizal.
Camín del Pandu, El: Camín en Busecu, que xube a La Bovia y a Capiel.lamartín.
Camín del Paredón, El: Camín que lleva dende Ca Xuanzái a Ca la Perdiz, pasando per La Ponte la Perdiz, pel llugar d’El Paredón y llega a La Casablanca. Siñeiriz.
Camín del Pasadín, El: Camín en Busecu que lleva a Los Chanos.
Camín del Pibidar, El: Camín que sal de La Carboniel.la. Ye camín d’ilesia que xube dende la ponte a Belén.
Camín del Pilón, El: Camín en San Playu de Sesmu que lleva al pilón de les vaques, dende’l pueblu.
Camín del Pontigu, El: Camín que lleva dende Arnizu a Los Conqueiros y a La Carboniel.la. Arnizu.
Camín del Regueirón, El: Camín continuación d’El Camín de la Fonte. Lleva a los montes del pueblu y llega hasta la carretera antes de llegar a Saliente. San Playu de Sesmu.
Camín del Regueiru: Camín dende Las Tercenadas hasta les finques de Los Remos en direición a Los Conqueiros.
Camín del Sagredal, El: Foi camín hasta que nel 1955 se fexo la carretera y pasó col mesmu trazáu que tenía’l camín. 2. Camín que lleva dende El Picu’l Sagredal hasta L’Iérbedu, pasando per El Palaciu. Xune les cases de L’Iérbedu con El Camín de la Iglesia ya con Los Piñeiros. Siñeiriz.
Camín del Santu Cristu, El: Camín que lleva de Siñeiriz a El Mazu.
Camín del Tronquéu, El: Camín que lleva de Siñeiriz a El Mazu y tamién daba serviciu a los de Concernosu y Masenga. Güei ta zarráu de toxos y maleza.
Camín del Visu, El: Camín malu que llevaba de Caxóus a San Playu. Desapaeció ente les finques.
Camín la Caleyona, El: Camín que sal del antiguu camín d’ilesia hasta Ca l’Ucéu. Siñeiriz.
Camín la Mangada, El: Camín que lleva dende Riupinosu al fondu del monte Los Adraos.
Campa, La: Camín que fai llende colos montes de La Ordovaga. Paladeperre.
Campa’l Zarru, El: Campa seca asitiada pal avisíu. Anantes yera un zarru y cuando se fixo la pista quitóse la paré. Ye yerba pa ensilar. El Mazu.
Campín, El: Tierra de llabor que se sema de fabes. La Carboniel.la.
Campitín, El (~ El Campetín): Campín enriba de Peña Mala. Riupinosu.
Campitinos, Los: Monte raso pela parte d’abaxo de Capiel.lamartín. Busecu.
Campón, El: 1. Tierra bien llana que pertenez a La Casa Baxu y que se semaba toa de maíz. Los Rebol.lares. 2. Prau estensu per debaxo la carretera, que pertenez a Ca la Cruz. La Degol.lada. 3. Prau pa pación. Los Piñeiros. 4. Prau en Busecu.
Campona, La: Finca que pertenez a Ca’l Xastre, primero dedicada a tierres de llabor y agora de prau. Ta asitiada pa la parte de baxo de la carretera. La Degol.lada.
Camponcín, El: Tierra en Los Rebol.lares, nel llugar de San Salvador, a la vera El Campón
Campones, Los: 1. Monte d’árboles y matos, tamién una parte de prau, asitiáu per debaxo Los Zarrinos. Los Piñeiros. 2. Praos de varios vecinos que cruza’l camín que va dende’l cruz a Ca’l Carrizu. San Playu de Sesmu. 3. Tierres en Los Rebol.lares, de maíz o de ballicu, fabes, pataques, etc.
Camporru, El: Praos y monte que fan llende con El Ríu Pequenu. La Carboniel.la.
Campos, Los: Praos cerca El Charcón, de Ca Xuacu d’El Teixidal. Fontanavia.
Campu Calea, El: Prau y monte en Las Tercenadas.
Campu de Baxu, El: Cantera d’u se sacó piedra pa facer un payar. Paladeperre.
Campu Fonsón, El: Monte plantáu de pinos, dividíu en suertes. Pertenez a tolos vecinos y fai llende con El Camín d’Escádana de Belén a Riunegru. Paladeperre.
Campu l’Árguma, El: Monte raso per onde pasa El Camín de la Iglesia hasta Riunegru. Fai llende col monte de San Playu. Riusecu.
Campu la Bermea, El: Praos y tierres onde semen pataques y berces. Siñeiriz.
Campu la Bovia de Bul.lacente, El: Terrén na sierra de Concernosu.
Campu la Cruz, El: L.lugar de terrén comunal onde hai un cruz de caminos, el que formen El Camín de la Iglesia ya’l que va pa Las Tercenadas. Esti campu agora ta atravesáu pola carretera comarcal que lleva dende L.luarca a Villayón. N’El Campu la Cruz ye onde trescurre una lleenda rellatada polos informantes: dizse qu’allí degollaron a los moros y d’ahí’l nome de La Degol.lada, según la etimoloxía popular. La Degol.lada.
Campu la L.lera, El: Monte y llerón d’allá de Ca’l Meleiru. Busecu.
Campu las Corradas, El: Llugar na sierra de Concernosu.
Campu las Teixeras, El: Llugar na sierra de Concernosu.
Campu Rugán, El: Monte raso y llastroso cerca La L.laguna. Busecu.
Campu, El: 1. Prau que fai llende col cortín que s’asitia n’El Regueiru las Colmenas. Caxóus. 2. Centru del pueblu en Zreizal. Había una bolera importante, más que la de Belén. Ellí xugaba los domingos xente de tola parroquia entera, hasta docientes persones. 3. Prau en Busecu.
Campu’l L.lagu, El: Monte raso pa la parte d’arriba del pueblu. Riupinosu.
Campu’l Ríu, El: Campu ente El Cou de Diegu y no fondo Los Capudros. Riupinosu.
Campu’l Sardón, El: Monte raso asitiáu entre Paré’l Cortín y La Penarronda. Riupinosu.
Canar, La: 1. Regueru en San Playu de Sesmu. Naz en La Fonte’l Pilón y desemboca n’El Ríu Negru. Ye regatu de cuando llueve. 2. Prau y tierra en San Playu de Sesmu. Ye solano y nun ye mui cuesto.
Canares, Las: Tierres y praos en Godón y San Playu.
Canarón, El: Prau en Los Rebol.lares, primero tierra de llabor. Per allí baxa El Regueiru’l Val.le, que más p’abaxo llámase La Regueirina
Cancel.lina, La: 1. Prau de Ca Lin, onde hai tamién un pozu nomáu El Pozu Lin, onde antiguamente diben a llavar la ropa. Fontanavia. 2. Prau de secanu, enantes tierra p’allá de Casa Fanchu. Los Conqueiros. 3. Prau y tierra de llabor en La Carboniel.la.
Canciel.la, La: Prau al solanu y tierra de llabor debaxo la carretera, en La Carboniel.la.
Candanares, Los: Monte plantáu de pinos que pertenez a La Ordovaga.
Candanosa, La: Monte raso y llano con delles peñes, ya casi metío en pueblu. Busecu.
Candanosina, La: 1. Monte que fai llende col monte La Candanosa. Busecu. 2. Fonte del mesmu nome que tien agua tol añu. Busecu.
Caneda, La: Prau asitiáu enfrente’l prau La Ponte, solanu y que riega con agua d’El Ríu Siñeiriz. Tien plantaos ocalitos y carbayos y pela parte d’arriba tien daqué amansiao. El Mazu.
Cantera del Monte’l Fornu, La: Cantera de llosa d’u se sacó material pa tola parroquia de La Montaña y mandáronse abondes arrobes d’ello pa Paredes. Paladeperre.
Cantín, El: 1. Praos solanos, enantes tierras de llabor. Zreizal. 2. Finca dedicada a tierra de llabor, principalmente pa semar el güertu, enantes de berzas, agora tamién con otres hortalices. San Playu de Sesmu. 3. Prau que ta per debaxo La Rocica, pa pacer, yerba y silos. Pertenez a Casa Carmelona. Enantes yeran tierres y terrén con maleza. Fontanavia.
Cantón, El: 1. Prau en Las Tercenadas. 2. Prau que fai llende con La Fondona en Fontanavia, en Los Rebol.lares.
Cantos d’Andrés, Los: Praos asitiaos pal solanu. Las Tercenadas.
Cantu d’Antón, El: Eiru en Las Tercenadas. Sémase de maíz.
Cantu Redondu, El: Monte y praos en Los Piñeiros.
Capiel.la, La: 1. Finques en Fontanavia. 2. Prau xunto al ríu en Los Rebol.lares. 3. Tamién se-y da esti nome a los montes qu’hai alredor. Ellí hubo un cortín d’abeyes. Los Rebol.lares.
Capiel.lamartín: Picu asitiáu pela parte d’arriba de Busecu, enfrente La Degol.lada. Tien una cantera d’arena onde sacaben pa fregar los suelos de tabla y les meses y bancos de la cocina. Busecu.
Capilla de la Virxe de la Blanca, La: Capiella asitiada en Siñeiriz, cerca’l ríu. Celébrase la fiesta l’ocho de setiembre.
Capilla de San Gregoriu, La: Capiella asitiada en Los Conqueiros, en Casa Fanchu; ye privada, pertenez a esta casa.
Capilla de San Ramón, La: Capiella asitiada na casa d’El Rebol.lar y propiedá d’esta casa. Guarda la imaxe de San Ramón, que tien devotos y tiempu atrás había que dicir unes cuantes mises al añu.
Capilla de San Sebastián, La: Capiella de Ca Xuacu, d’El Teixidal de Baxu. Según los informantes, San Sebastián yera un santu mui feu y ún de los nenos de la casa tenía-y mieu y entós el cura mandólos enterralu. Cuando quixeron recuperalu por más qu’escarbaron nun lu atoparon. Nesta casa vivieron munchu tiempu los curas, que primeramente vivieron en La Casa Baxu.
Capilla de San Xuan, La: Primero había una capilla que tuvieron que tirar pa que pasara la carretera. La qu’esiste n’actualidá foi fecha después de pasar la carretera (añu 1955). Tolos años se celebra la fiesta de San Xuan el día 24 de xunu, col tradicional baille nes escueles.
Capilla de Santo Domingo de Guzmán: Capilla asitiada xunto a Ca Paulinu, en La Carboniel.la. Ye propiedá de Ca’l Ferreiru de La Ordovaga.
Capudros, Los: Monte raso con cárcaves a los llaos y pena del mesmu nome. Tien munches peñes y chanos: La Pena los Buois, La Pena’l Prau, La Pena L.longa, La Pena la Pasada, La Penapuerca, La Pena’l Bel.lugu, La Pena los L.lamacinos, El Campu los L.lamacinos, con una fonte del mesmu nome, El Picu Los Umeiros... Riupinosu.
Carbayales, Los: Praos que pertenecen a tolos vecinos de Menudeiru, debaxo’l pueblu, pa la parte de baxo la carretera, dempués de La Gruoba.
Carbayín Adráu, El: Fai llende coles peñes de La Gargal.la. Tien una cuesta de bona pación y lo demás son peñes. Ta na llende con Los Rebol.lares. Riupinosu.
Carbayín, El: Monte asitiáu pal solanu, mesmamente enriba’l pueblu. Utilizáu pa rozar ganza y tamién pa echar el ganáu, sobre too cuando había gües no pueblu, ya tamién vaques roxes. En La Degol.lada.
Carbayyinos, Los (~ Los Carbayinos): Monte raso y camín que va a La Rucia y a El Mazu. Busecu.
Carbayinos, Los: 1. Monte plantáu de pinos y pa la parte d’arriba con maleza, onde se xunten los caminos d’Escádana y de Paladeperre, de serviciu hasta L.luarca. Paladeperre. 2. Monte onde hai munchos carbayos. El Teixidal d’Arriba.
Carbayón, El: 1. Monte que pa la parte de baxo del camín pertenez a Ca Xuanón. Fai llende con El Camín de la Iglesia que vien d’El Mazu. Del camín p’arriba ya de L’Iérbedu ya de Palaciu. Ta plantáu d’umeiros y ocalitos y había un carbayu mui grande. Los Piñeiros. 2. Monte que ta ente La Degol.lda y Fontanavia. Ta plantáu de pinos y dalgo d’árboles del país. Pertenez a Ca’l Viñu. 3. Prau llanu pa ensilar y pa seco en Zreizal. 4. Llugar onde hai carbayos, n’especial unu mui grande que llueu cortaron. Xunto a esi carbayu ye «onde taba la conca d’oru, el tesoru escondíu polos moros». Ta enllenu piedres y moviéronles buscando la conca los de Siñeiriz rodando hasta’l ríu. Les lleendes paez ser que les guardaben en Siñeiriz en Ca l’Ucéu. Había que llabrar con unos gües ximielgos p’atopar la conca. Ye terrén con peñascos y hai unos carbayones. El Mazu.
Carbayu Calea, El: Terrén en las Tercenadas.
Carboniel.la, La: Pueblu de la parroquia de La Montaña de Riunegru, asitiáu na llende con Los Conqueiros, Menudeiru, La Ordovaga y Teixidal de Baxu, a la vera la carretera.
Cárcava Negra, La: Monte con cárcaves. No picu tien una fonte llamada Fonte Negra. Riupinosu.
Cárcava, La: Ríu que naz en Las Corradas y riega El Prau la Pasada. Ye afluente pela marxe drecha d’El Ríu Negru. Concernosu.
Carcavina, La: 1. Regueiru ente La Solana y La Fayona, en Riupinosu. 2. Monte plantáu de pinos, carbayos y dalgún ocalitu, asitiáu d’arriba Las Pescares. Ta dividíu en suertes. Paladeperre.
Carcavinos, Los: 1. Monte raso de carcavones, p’hacia El Col.ladín. En Busecu. 2. Monte que ta a continuación de La Gamayosa, p’hacia Masenga. Dempués de Los Carcavinos ta El Penón. Siñeiriz. 3. Tamién nome d’un prau nesi mesmu monte. Siñeiriz.
Carcavón, El: 1. Monte dividíu en suertes que pertenez a Siñeiriz. 2. Camín en Busecu.
Carcavones de Brañanuova, Los: Monte fanosu mui pendiente. Ellí xubíen los gües los vecinos de Barcia, a braniar, después de que facíen los llabores. En Riupinosu.
Carcavones de Couloscorzos, Los: Carcavones con munches peñes, na llende con Candanéu. Riupinosu.
Cargaderu, El: Monte en Zreizal, cerca d’El Ríu Caxóus.
Carqueixal, El: Monte que fai llende col camín que baxa a Paladeperre, pa la parte drecha d’El Camín de la Iglesia. La Ordovaga.
Carrabincáu, El: Prau debaxo Ca’l Coxu. La Ordovaga.
Carrascales, Los: Parte del monte que ye mui cuestu, con peña ya munchos toxos, arenosu y afarfagonáu. Ta más bien pal llau del avisíu. La Degol.lada.
Carreiru del Rabateiru: Carreiru que lleva a El Prau del Rabateiru y a El Molín de Maximilianu La Carboniel.la. Carretera de la Montaña, La: Carretera que va dende L.luarca a Belén, Siñeiriz y cruza per El Sagredal hasta Villayón. N’El Pontón hai una entrada a Zreizal. Fíxose ente los años 1953 a 1956. Tien ramales p’abondos pueblos de la parroquia.
Carricuevu de la Barreirina, El: Llugar cerca d’El Sagredal onde naz un regueiru, afluente d’El Regueiru’l Regueiral.
Carrilona, La: 1. Monte faciendo esquina, a la vera’l camín que lleva a La Carboniel.la y a Arnizu. Los Conqueiros. 2. Prau de secanu en La Carboniel.la.
Casa Anuca: Casa en Menudeiru.
Casa Anxelín: Casa en La Carboniel.la.
Casa Barreiru: Casa en Godón.
Casa Baxu, La:
Casa Buonu: Casa vacía. Riupinosu.
Casa Cadenas: Casa en Zreizal.
Casa Carramín: Casa en Belén. Ellí vive Milio Feito, madreñeiru.
Casa Catuxu: Casa en Los Piñeiros. Llugar onde güei ta la escuela.
Casa de Baxu, La: 1. Casa con panera y payar n’El Solanu. Paez que la casa antigua yera toa fecha na peña, con bancos y mesa de piedra, güei aprovechada pa la entrada la casa.
Casa de Cárcava: Casa en Concernosu.
Casa de Plata: Casa n’Arnizu, vacía dende fai unos 15 años.
Casa de Xuan L.lope: Casa en Los Piñeiros. Vacía.
Casa del Iérbedu d’Acá: Casa en Los Piñeiros.
Casa del Iérbedu d’Al.lá: Casa en Los Piñeiros.
Casa Fanchín: Casa en Los Piñeiros. Vacía.
Casa Fanchu: Casa en Los Conqueiros.
Casa Farrucón: Casa n’Arnizu, vacía dende fai unos 25 años.
Casa Faustinu: Casa que se construyó en 1947. Ye tienda d’ultramarinos y un poco de too, amás de la taberna’l pueblu. En San Playu.
Casa Frasquillo: Casa en Zreizal.
Casa Garridu: Casa en Riupinosu. Vacía.
Casa l’Alba, La: Casa en Menudeiru.
Casa l’Ama: Casa n’El Teixidal d’Arriba, entre Ca’l Gonzái y Ca Ramón. Vacía dende 1960, aproximadamente. Allí vivía un madreñeiru nomáu Lulu.
Casa la Capina: Casa en La Ordovaga. Acabóse a principios del sieglu xx.
Casa la Costantina: Casa n’El Teixidal de Baxu, vacía dende mediaos del sieglu xx.
Casa la Ferruyya (~ Casa la Ferruya): Casa n’El Val.lantsu, vacía dende mediaos del sieglu xx.
Casa la Florida: Casa asitiada en Los Conqueiros. Acabóse fai muitos años. Ramiro García García dedicó-y un poema a esta casa.
Casa la Fonte: Casa en La Carboniel.la. Ta vacía dende últimos del sieglu xx.
Casa la L.linera: Casa en La L.linera, que pertenez a La Ordovaga. Asitiada a la vera El Ríu Negru primero yera cuadra d’oveyes.
Casa la Modrera: Casa en Zreizal.
Casa la Moroza, La: Casa n’El Teixidal de Baxo, de Ca Xuacu.
Casa la Moyona, La: Casa que pertenecía a Ca Pachín de La Ordovaga y asitiada onde taba la llende ente’l conceyu de L.luarca y el conceyu de Navia.
Casa la Pericona, La: Casa en ruines en Busecu.
Casa la Portiel.la, La: 1. Casa asitiada onde güei ta la casa Lin n’El Solanu. Acabóse fai muitos años, quiciabes hacia’l sieglu xix. 2. Prau en Los Rebol.lares col mesmu nome.
Casa los Bruscos, La: Casa asitiada en Concernosu que s’acabó va munchos años. Agora hai un prau que se llama El Prau’l Bruscu.
Casa Machilanda: Casa en Zreizal.
Casa María: Casa en Menudeiru.
Casa Marianu: Casa en Godón.
Casa Masimilianu: Casa en La Carboniel.la. Hubo fragua.
Casa Nuova, La: Casa en Belén.
Casa Picu: Casa en Busecu. Ta vacía dende mediaos del sieglu xx.
Casa Pruída: Casa en Godón.
Casa Queimada, La: Praos de Gancéu onde hai una corte.
Casa Roderu: Casa en Godón.
Casa Rosaura, La: Comerciu y bar en Belén. Yera importante porque naquel entós tamién daben comíes y pasaba per ellí’l camín de L.luarca a Villayón. El comerciu zarróse a mediaos del sieglu xx y la casa ta vacía.
Casa Rufu: Casa n’Arnizu.
Casa Sandaliu: Casa en Menudeiru.
Casa Severu: Casa en Godón.
Casa Susana: Casa en Zreizal.
Casa Tino: Casa en Godón, vacía dende últimos del sieglu xx.
Casa Triel.les: Casa en San Playu, vacía.
Casa Vieya, La: 1 Casa asitiada a la vera La Casona. Foi’l primer comerciu qu’hubo en Belén. Fundada por «Los Celestinos» de L.luarca. Primero perteneció a Ca’l Rebol.lar y a parientes de los fundadores. 2. Prau solanu debaxo les peñes de La Bovia. Hai una casa payar en ruines. Riusecu. 3. Llugar en La Degol.lada onde tuvo la primera casa d’El Peceiru, a la vera l’horru de Ca’l Xastre. Ta xustamente tres d’un lloréu.
Casa Vitoria: Casa en Riupinosu, vacía.
Casa Xuan d’Andrés: Casa n’Arnizu. Ta vacía dende mediaos del sieglu xx.
Casa Zapatón: Casa en Busecu vacía dende últimos del sieglu xx.
Casa’l Cadaval: Casa en Siñeiriz.
Casa’l Couceiru: Casa n’Arnizu, vacía fai unos 30 años.
Casa’l Cura, La: Rectoral vieya en Belén.
Casa’l Duru: Casa en Godón.
Casa’l Ferrusqueiru: Casa en Belén onde vivió un ferrusqueiru agora vacía.
Casa’l L.lourienzu: Casa en La Ordovaga, que s’acabó va munchos años. Taba asitiada ente Ca Pachón y Ca’l Raxu.
Casa’l Monte, La: Casa asitiada cerca d’El Teixidal de Baxu, metida no monte, con vivienda y corte.
Casa’l Mozu, La: Casa vacía dende la última década del sieglu xx, en San Playu.
Casa’l Pachu: Casa en Busecu. Ta vacía dende hai pocos años.
Casa’l Pilotu: Casa en Busecu. Ta vacía dende mediaos del sieglu xx.
Casa’l Puestu: Casa en Belén, vacía, que s’utiliza güeide payar ya de corte.
Casa’l Queisu: Casa en Busecu, vacía.
Casa’l Tarenu: Casa en Godón.
Casablanca, La: 1. Praos con cabañes que lleven agora los de Masenga. Siñeiriz. 2. Monte con tres payares y tres praos. Son de Masenga pero pertenecen a terrén del Conceyu de Valdés, de Ca Barreiru, Pachón y L.lope. En Concernosu.
Cáscaru, El: Prau en Busecu.
Casel.lina, La (~ La Casil.lina): Praos de Ca Lin en los Rebol.lares, mitá prau y mitá tierra, al la vera El Cantón.
Casina, La: 1. Casa en Belén onde vivía’l ferrusqueiru, güei vacía. 2. Monte xunto a La Veiguina con dalgún pinu, dividío en suertes. Hai tamién un prau qu’amansiaron nos caberos años del sieglu xx. Zreizal.
Casona, La: 1.Casa grande en Belén, onde s’alcuentra la única taberna del pueblu qu’amás ye tienda que vende de too. Tien tres plantes y allí viven cuatro families. Hasta l’añu 1996 tenía un salón de baille. Ye llugar d’alcuentru de tola mocedá de la parroquia y onde se fan tertulies mui animaes. Ye’l llugar más significativu y de referencia de tolos vecinos. Habrá unos quince años una chispa quemó la taberna y al facer la reforma zarróse’l salón. 2. Monte plantáu de bidules y pinos. Ellí hubo antiguamente una casa nomada «de don Pedro», de la qu’entovía queden los cimientos. Dicen que yeren dos hermanos: ún quedóse naquella casa y l’otru fundó’l pueblu de La Carboniel.la, llevantando la primer casa, llamada agora Ca Paulinu. La Carboniel.la.
Castañal, La: Falda del monte que da pal avisíu. Tien toxos mui altos, gairuetas, espineiros, uces y muncha maleza. La Degol.lada.
Castañales, Las: Monte y prau cuestu, asitiaos a la vera’l camín que lleva a Belén. Pertenez a varios vecinos y ta partío en suertes, plantao d’árboles. Paladeperre.
Castañalona, La: Monte d’arboleda de carbayos y dalgún ocalitu. Busecu.
Castañeiru, El: Prau, enantes tierra de llabor, p’abaxo del prau El Val.le. Los Conqueiros.
Castiel.lu, El: 1. Peñes más bien baxes, na llende con Busecu. Riupinosu. 2. Prau xunto a Serviada. Barceda.
Castru, El: Llugar onde según los informantes hai un castru sepultáu, pola forma de crecer los árboles. Ye un monte que pertenez a les cases de Los Rebol.lares. Nesta zona dicen que sacaron minerales: fierru y oru. Hai una presa que da xustamente hasta onde taba asitiada la mina. La presa ta mui alta asina que supónse qu’ellí hubo un gran banzáu. Llega hasta El Ríu Negru, onde hai un pozu mui conocíu, El Pozu’l Castru, mui fondu y qu’arremolina l’agua y onde nun dexaben acercase a los nenos. El Rebol.lar.
Casupu, El: Prau en Busecu.
Cavadina, La: Prau de secanu, pa pastiar y pa ensilar. Los Conqueiros.
Cavadonas, Las: Cruz de caminos que van a Ca’l Carrizu, a la sienra y otru que baxa a Barceda. En San Playu de Sesmu.
Caxóus: Pueblu de la parroquia, asitiáu na llende con El Val.lín. Güei hai namás hai dos cases, la de Pericu y la de Tantina.
Cementeriu, El (~ El Camposantu): Cementeriu en Belén construíu nun abertal onde hai munches fontes. Acabó de facese nel añu 1921. Al llau ta El Campu Belén, onde enantes había munchos carbayos. Primeramente’l cementeriu taba en San Salvador y n’otra dómina postrera asitióse tres de la ilesia que se yergue agora n’El Campu Belén, pa dempués pasar nel citáu añu a ocupar el llugar onde agora s’asitia.
Cepón, El: Llugar per onde pasa’l camín onde se xunten las finques de La Casa Baxu y de Xuanín, en Los Rebol.lares.
Cernada, La: 1. En La Carboniel.la, términu de La Cernada, al que pertenecen la casa’l Chicu y la Casa L.lope. 2. Llugar en Siñeiriz onde s’asitia Ca’l Cernáu.
Cernuda: Monte partíu en suertes que pertenez a tolos vecinos, con dello plantao a pinos. En Los Conqueiros.
Chamabona: Monte y prau a continuación d’El Charcón, a la vera d’El Camín d’Escádana. La Ordovaga.
Chamisqueras, Las: Monte d’árboles del país, carbayos, abedul, castañales. Los Conqueiros.
Chana las Albardas, La: Monte al llau de Couzamariel.lu. La Degol.lada.
Chana los Carbayos, La: Monte dividíu en suertes, plantáu d’árboles y con truébanos. La Carboniel.la.
Chana, La: 1. Prau de secanu pa pacer. Barceda. 2. Prau qu’enantes foi monte, amansiáu pa tierra y agora pa prau. La L.linera. 3. Pozu nel mesmu llugar. La L.linera. 3. Montes na parte alta de La Carboniel.la. Parte tán de prau, amansiao nos últimos años.
Chana’l Forcáu, La: Prau y monte en Busecu.
Chana’l Molín, La: Prau avisíu n’El Mazu que foi a monte. Na parte drecha del ríu.
Chana’l Monte, La: Prau a la vera’l ríu, no mesmu pueblu de Paladeperre. Nesti llugar tienen tierres tolos vecinos.
Chanadina, La: Monte a la vera’l ríu, con umeiros. La L.linera.
Chanas, Las: 1. Praos asitiaos debaxo’l camín, que fan llende con La Fontanica’l Xastre y cola tierra d’El Regueiru. Na parte d’arriba dedicábase a tierra de llabor. Daba bon centén ya daqué de trigu ya otres colleches. Agora ye too prau pa seco y pa ensilar. Tamién pacen las vacas l’outuonu. Pertenez a Ca’l Peceiru, anque nesti momentu llévenlo en Ca Lin d’El Solanu. La Degol.lada. 2. Prau, enantes tierra, asitiáu pal solanu. Fontanavia.
Chanel.lín d’Arriba, El: Monte na sierra de Las Tercenadas, dividíu en suertes pa ganza ya pa pación.
Chanel.lín de Baxo, El: Monte na sierra de Las Tercenadas, dividíu en suertes, aprovechao pa ganza y pastos.
Chanín, El: Prau de Ca Pachín. Ye mui llanu y dedícase pa pacer el ganáu y pa segalu, según la época del añu. La Degol.lada.
Chanina, La: Prau solanu a continuación de Las Chanas. Fontanavia.
Chaninos, Los: Monte raso en Zreizal dividío en suertes.
Chanitinos, Los: Monte baxo pa pacer debaxo La Penona, comunal. Pel branu, cuando daba’l sol de cara nesti prau, sabíen que yera’l mediudía. Paladeperre.
Chanitona, La: Monte raso dividío en suertes, per encima de Peña Prieta, xubiendo pa Capiel.lamartín. Busecu.
Chanón, El: Finca de Ca Pachín dedicada a tierra de llabor. Sémase maíz, ballicu, pataca, etc. Tamién tien una parte dedicada a prau de pación. Na vera’l prau, xunto a la carretera, ta La Zreizalona, una zreizal mui grande que da bones cereces y solombra pa cuando se llega cansáu de les llabores del campu. La Degol.lada.
Chanona, La: Tres tierres que quedaron agora de prau. Fontanavia.
Chanonas, Las: Cume na llende con El Bidural. Ta en terrén de Las Tercenadas pero compráronlo los vecinos d’El Bidural.
Chanones, Los: Sierra llana no picu’l monte, onde hai bona ganza ya yerbaserrana y bon pastu pal ganáu. Nun ta plantada d’árboles. Hai dellos toxos pero non munchos. Nesti llugar hai un camín empedráu, que dicen los del pueblu que foi una calzada romana. En La Degol.lada.
Chanos, Los: 1. Prau solanu en San Playu de Sesmu, asitiáu enriba La Capilla de San Playu. 2. Terrén cerca El Picu’l Sagredal, que fai llende cola sierra de La Degol.lada. Los Piñeiros. 3. Monte llanu y con caída enfrente El Mazu. Busecu. 4. Tierres de llabor que se semen pal ganáu de reigás Zreizal. 5. En Menudeiru, praos, a continuación de Las Brañas, de tolos vecinos.
Chanu de Xupe, El: Monte en Concernosu, asitiáu enantes de llegar a La Pena las Tetas. Ye de Ca Xupe.
Chanu Fermosu, El: Monte cuestu y una parte más llana. Riupinosu.
Chanu Grande, El: Monte raso p’allá de Ca’l Meleiru. Busecu.
Chanu la Barrera, El: Monte raso ente Las Cortadas y El Chanín, pa ganza. Zreizal.
Chanu la Pena, El: Llugar del monte, asitiáu a la vera’l camín que va pal monte, más p’arriba de La Pena las Albardas. La Degol.lada.
Chanu la Ponte, El: Finques de varios vecinos. Los Piñeiros.
Chanu Menudeiru, El: Finques que pertenecen a varios vecinos, pa la parte de baxo del pueblu. Menudeiru.
Chanu, El: 1. Tierra onde se sema maíz o ballicu, asitiada al solanu. Ye d’en Ca’l Siel.lu. Concernosu. 2. Un prau mui llanu n’El Teixidal d’Arriba.
Chanu’l Buei, El (~ El Chanubuói): Zona de praos y monte en Las Tercenadas.
Chanu’l Forcáu, El: Finques en Busecu, cerca La Pousa.
Chanu’l Pibidar, El: Llugar onde se xunta El Camín del Pibidar y el camín que xube dende La Carboniel.la hasta Belén.
Charcón, El: 1. Monte raso p’allá de Los Horrios. Había una poza onde bebía’l ganáu. Riusecu. 2. Llugar n’El Teixidal d’Arriba, terrén fangoso y encharcao que faía poza nel mesmu camín que llega de La Degol.lada a Belén. 3. Monte y prau en La Ordovaga, cerca de Ca’l Figaleiru, a la vera El Camín d’Escádana.
Chistosa, La: El Regueiru la Chistosa.
Ciana, La: Monte n’Arnizu.
Cogol.la, La: Monte llanu no picu El Couzragu.
Cogol.las, Las: Monte en suertes de varios vecinos, dividíu con moyones y a pinos, cerca’l cruce de Piedrafita. San Playu de Sesmu.
Col.ladín, El: 1. Fonte cerca Las Corradas. Busecu. 2. Monte raso más p’acá de Los Peneos del Cuetu. Busecu. 3. Penéu nel monte del mesmu nome. Busecu. 4. Monte raso en llinia col monte del mesmu nome, en Riusecu. 5. Prau cuestu y solanu. Riusecu.
Colmenas, Las: 1. Tierra de l.labor onde hai agora truébanos. El Val.lantsu. 2. Tierra a la vera Ca Mingu, un cachu pa güertu onde planten les berces. El Val.lantsu. 3. Llugar onde hai colmenes dedicáu a tierra de llabor. Concernosu
Comunes, Los: Montes y finques en Zreizal que fan llende con Menudeiru. Son de tolos vecinos.
Comuña, La: Monte que pertenez a Ca Pachín y una suerte pequeña que pertenez a Ca’l Xastre. Ta plantao de castañales, espineiros y xardones, dalgún ocalitu, sangoños, salgueiros y dalgún carbayu. Tamién hai munchos arándanos y ye onde ta asitiáu El Cortín de Ca Pachín. La Degol.lada.
Concernosu (~ Coucernosu): Braña de la parroquia, na llende con Siñeiriz, Masenga ya Busecu.
Conde Diegu, El: Monte de peñes con un llerón en mediu que se llama Pena Pinta. Riupinosu.
Conqueiros, Los: Pueblu de la parroquia, asitiáu a la vera la carretera, na llende con La Carboniel.la, Las Tercenadas ya La Ordovaga.
Contornos, Los: Praos que nin son mui llanos nin mui cuestos, a la vera los praos de La Veiga. San Playu de Sesmu.
Coperativa San Salvador, La: Construida en Belén, en terrenos de La Casona, hacia l’añu 1985. Ya d’unos cuantos socios. Tien dos pisos. Enriba almacén ya embaxo un salón onde envasen l’embutíu, celebren xuntes,etc. dedicáu a salón social.
Cordel, El: Monte raso y pa ganza, que fai llende con Busantiane y L’Artosa. Arnizu.
Corrada, La:. Las Tercenadas.
Corral, El: Nome xenéricu que denoma’l terrén qu’hai delantre de cada casa, zarráu con un paredón y cuasi siempre con portalada. Las Tercenadas.
Corripiel.la, La: 1. Prau en Las Tercenadas, avisíu y de regadíu. 2. Monte nel mesmu llugar. Las Tercenadas.
Corripiel.lu, El: Yera prau avisíu qu’agora foise a monte. Zreizal.
Corripín, El: 1. Monte de lleña de ribera, en Zreizal. Ellí naz un regueiru que vierte n’El Ríu de Zreizal. Hai una fonte que regaba’l prau El Carru Vieyu. 2. Monte en Los Rebol.lares. Facíense corripes pa les castañes.
Corriponas, Las: Praos asitiaos na sienra. Caxóus.
Cortadas, Las: Monte raso con dalgo de pinu. Zreizal.
Corte d’Ambrosu: Corte a la vera’l camín del mesmu nome. Agora yá nun esiste. Busecu.
Corte la Moroza, La: Una corte que había nel prau que se llamaba asina.
Corte Nuova, La: Prau en Busecu, con una corte, pa la parte del fondu’l pueblu.
Corte Parrondu: Corte en Busecu.
Cortes, Las: Praos de varios vecinos asitiaos n’El Barriu. Siñeiriz.
Cortín, El: 1. Llugar en La Comuña que pertenez a Ca Pachín. Ta zarráu de parede alredor y tien abondos truébanos. El miel ya de flor de toxu ya de gairuota moural, de flor de berza ya d’otros árboles. La Degol.lada. 2. Terrén solano n’El Mazu. Ye un monte con pocos árboles, carbayos pela parte d’abaxo. 3. Asitiáu n’El Monte Las Mestas, cerca de Los Praos Aviseos, un monte de l.leras, propiedá de Ca L.lera. Concernosu. 4. Llugar onde hai colmemes, dos modernes y otres de truébanos. La L.linera. 5. Llugar onde enantes había un cortín d’abeyes. El Val.lantsu.
Cortina, La: 1. Fonte na carretera, cerca El Teixidal d’Arriba. 2. Prau solanu asitiáu debaxo la escuela. La Carboniel.la.
Corzos Altos, Los: Monte raso na zona más alta de La Cuosta los Corzos. La Degol.lada.
Corzos, Los:
Cou los Piñeiros, El: Terrén per xunto a El Camín del Mazu, pa la parte de baxo de Los Piñeiros.
Cou los Salgueiros, El: Monte raso dfividíu con cárcaves. Ellí ta La Fonte la L.lama. Había un carbayu que llamaben El Carbayón Blancu porque tenía l’arna blanca, Esti carbayu cayó pal regueiru cuando yá tenía munchos años. En Riupinosu.
Couces, Los (~ La Vuolta los Couces): Monte raso onde había un carbayu alcornoque. Riupinosu.
Coulabraña, El: Dos praos de regadíu, col mesmu nome. Riupinosu.
Coulal.lama, El: Monte raso con cárcaves. Riupinosu.
Couloscorzos, El: Monte con cárcaves grandes que fai un regueiru, con terrén fanoso. Riupinosu.
Counidiu, El: Monte con llerones y un camín que lleva a Candanéu. Busecu.
Couzamariel.lu: 1. Monte que ta na parte alta de la sierra, al llau de Los Chanones. La Degol.lada. 2. Regueiru y fonte que lleven agua de color mariello. La Degol.lada.
Couzapín, El: Monte de pinos que quemó estos años, agora monte raso. Busecu.
Couzragu, El (~ El Couzapu): Monte raso con cárcaves a los llaos. No medio tien La Pena’l Couzragu. No fondu, El Penón. Riupinosu.
Covecona, La: Una cueva a la entrada d’El Zarru la Cruz. La Degol.lada.
Cruceiru, El: 1. Casa nel llugar del mesmu nome onde se ponía escuela pa los neños hasta que se fixeron Las Escuolas Nuovas, en 1964. En Belén. 2. Cruz de caminos: ún va per Escádana pa L.luarca y Paladeperre y otru pa La Fonte’l Marutu y Ca’l Marutu. En Belén. 2. Cruz de caminos onde se crucen los caminos de Belén a L.luarca y La L.linera a Belén. La L.linera.
Cruces, Las: Prau xunto a Las Bouzonas. Caxóus. 2. Sierra que fai llende con Concernosu.
Cruz de la Vieya, La: Altu que fai llende con La Degol.lada, Brañúas ya Las Tercenadas. Per allí pasa’l camín que lleva hasta L.luarca y que va per enriba Brañúas (Villayón).
Cruz del Santu Cristo, La: Cruz de caminos onde, enantes de facer la pista, cruciábase’l camín que vien d’El Barriu colos de Siñeiriz y los d’El Barriu Baxu. Siñeriz.
Cruz, La: 1. Prau y tierres que pertenecen a varios vecinos, partío pola carretera. Fai llende col pueblu La Carboniel.la y riégase con agua d’El Regueiru la Cruz, que vierte n’El Ríu Pequenu. Los Conqueiros. 2. Fonte, manantiales n’El Prau la Cruz. Los Conqueiros. 2. Llugar de prau y monte. Llámase asina a la esquina la güerta, quiciabes porque daquién se mató ellí. Los Rebol.lares. 3. Casa en La Degol.lada, asitiada a la entrada’l pueblu.
Cuartu Vieyu, El: Prau de secanu, enantes yera tierra de llabor. Los Conqueiros.
Cuatru Cuartos, Los: Camín en Busecu, que lleva dende’l pueblu hasta La Pousa y hasta’l ríu. Yera’l camín de Sacramentu.
Cueña, La: Monte raso pa la drecha La Pena las Abeas. Riupinosu.
Cuernu, El: Prau mui cuestu, asitiáu pal solanu, pa pacer. Barceda.
Cuervu, El: Monte que s’alcuentra enantes de llegar a la casa de La L.linera. Pertenez a La Ordovaga.
Cul.ladín, El: Monte d’arriba La Pena las Cutsiel.las.
Cuñapona, La: 1. Camín que va a La Rucia, a La L.lomba’l L.lavayyu y a Concernosu. 2. Monte y prau asitiáu onde La Fonte Cemera. Busecu.
Cuosta d’Escádana, La: Parte mui cuesta del camín que lleva de L.luarca a Belén.
Cuosta de Penarronda, La: Monte raso con dalgunos pinos, na llende con Paladeperre. En Riupinosu.
Cuosta los Corzos, La: Monte, de toxos y árguma, asitiáu entre’l regueiru de Couzamariel.lu y La Vuolta la Fana, más p’arriba de La Castañal. La Degol.lada.
Cuosta los Sucos, La: Monte raso en terrén malo. Nel mediu tán Coudiegu y La L.lera Gruosa, onde se sacaba la piedra pa les cases. Ye monte mui pendiente ya mal terrén. Riupinosu.
Cuosta Pachu, La: Prau cuestu pal solanu en Las Tercenadas.
Cuosta, La: 1. Monte raso pa enriba’l pueblu, utilizáu pa ganza fai años. Los Conqueiros. 2. Terrén cuesto, monte dividíu en suertes plantáu de pinos y ocalitos. Paladeperre. 3. Monte en San Playu de Sesmu, dividíu en suertes pa tolos vecinos, pa la parte d’arriba de la carretera, cerca de Saliente. 4. Finques de varios vecinos, pal avisíu mirando p’Arnizu. La Carboniel.la.
Cuosta’l Chanucima, La: Llugar onde s’asitia El Zarru’l Tourín. Nesti llugar naz El Regueiru’l Remu, que desemboca n’El Ríu Pequenu, cerca El Molín de Pachón de Los Conqueiros. Las Tercenadas.
Cuosta’l Chanu’l Buei, La: Monte na sierra de Las Tercenadas, dividíu en suertes. Y tamién praos asitiaos nesta zona que pertenecen a Ca Bouza y a Ca’l Tourín.
Cuosta’l Garfiu, La: Monte per encima Ca’l Garfiu, que pertenez a esta casa. Ta repobláu de pinu y tien praos amansiaos dende los caberos años del sieglu xx. Llega hasta l’altu La Bermea y fai llende con Los Piñeiros. Siñeiriz.
Cuosta’l Palu, La: Monte na llende con La Candanosa. Fai llende con Paladefría, monte llanu que pertenez a La Candanosa. Riupinosu.
Cuostamariel.la, La: Monte raso na parte d’arriba de la carretera. Después de L.lera Gruosa. Riupinosu.
Cuostas, Las: 1. Monte baxo onde pacíen les vaques qu’agora ta de prau y repartíu en suertes, escrituráu como monte comunal. Caxóus. 2. Montes y praos de varios vecinos asitiaos pa la parte izquierda de la carretera de San Playu, xubiendo de Setienes; ta plantáu d’ocalitos y pinos. En San Playu. 3. Finques de varios vecinos en terrén mui cuesto, parte a prau y otra parte a monte, que ta dividío en suertes y plantáu de pinos y ocalitos. Estes finques dividídeles el camín que lleva de Paladeperre a L.luarca. Paladeperre.
Cuotos, Los: Monte raso a la vera de Las Penas. Riusecu.
Cuova l’Arena, La: Cueva onde se saca arena pa fregar les cocines soyaes de tabla, les meses y los bancos. En Capiel.lamartín. Busecu.
Cuova la Raposa, La: Monte avisíu, plantáu d’arboláu, principalmente carbayos. Ellí escuéndese la raposa y cría ente unes peñes. La L.linera.
Cuova, La: 1. Una cueva asitiada más abaxo de La Casa Baxu. Dicen que yera abellugu de los moros y más tarde de los cures, pa escondese por si veníen a por ellos. Dicen los informantes qu’allí hai tesoros que dexaron los moros. Los Rebol.lares. 2. Prau a la vera El Ríu Negru y monte cruzáu pola carretera, dientro de les finques que llamen de Marfón. Paladeperre.
Cuova’l Barru, La: Cantera onde sacaben barru pa facer los fornos. Las Tercenadas.
Cuova’l Bierzu, La: Cueva ente Riupinosu y Riusecu, que fai llende con La Candanosa. Tien una charca grande, que nunca seca.
Cuova’l Forcón, La: Cueva asitiada a la vera’l ríu, en Las Veigas. Dicen qu’aquí hai una encanta que suel salir pela mañana. Paladeperre.
Cuovos, Los: Praos de varios vecinos, dos d’ellos regaos con agua d’El Regueiru y de La Fonte de Zreizal. Fan llende col terrén de Menudeiru. Zreizal.
Cuovu, El: 1. Montes en suertes de varios vecinos en La Carboniel.la. Tán plantaos d’árboles: pinos, abedules, ocalitos. 2. Tamién un prau pequeñu nel mesmu llugar.
Cuquiel.lu, El: Pedrera d’u se sacaba la piedra pa facer les cases. Los Conqueiros.
Curiscu, El: 1. Monte nel nacimientu d’El Regueiru de las Pasadas, dividíu en suertes y que ta aprovecháu pa ganza y pastu. Las Tercenadas. 2. Monte en Picuverde, onde naz El Regueiru de los Tayos. Suerte que llega hasta la llende col Bidural. Los Conqueiros
Curripas, Las: Monte plantáu a pinos y árboles del país que fai llende coles finques del pueblu y El Regueiru’l Couzapín. Caxóus.
Curripín, El: Monte plantáu de pinos, solanu. La L.linera.
Curuxa, La: Monte dividíu en suertes de los vecinos de Zreizal. Ta plantáu d’ocalitos.
Cutarabeyyos, Los (~ Los Cutarabeyos): Monte raso, dividío en suertes na llende con Las Corradas (Tinéu). Según otros informantes pertenez a Tinéu. Busecu.
Cutariel.lu, El: Monte a pinos en San Playu de Sesmu.
Cutsiel.las, Las: La Pena las Cutsiel.las.

Continuar a Toponimia de la Parroquia de La Montaña