Albergue
con la ayuda de: Consejería de Turismo y Cultura
 
Contador gratis

PARROQUIA DE LA MONTAÑA

Mª Esther García López

toponimia (página 1 - 2 - 3 - 4 - 5 - 6 - 7 )

L.lagarteiros, Los (~ Los Lagarteros): 1. Monte raso y peñes. Na llende con Busecu, agües vertientes a Riupinosu. 2. Peñes, llerones y piedra en La L.linera.
L.lagarteiru, El: Monte asitiáu d’acá de La L.lomba Riupinosu, per La Rebol.losa. Busecu.
L.laguna, La: 1. Monte raso, de ganza. Ye terrén comunal. Arnizu. 2. Llugar onde hai una llamasquera que tien agua d’iviernu. Busecu.
L.lagunayyu, El: El Picu’l L.lagunayyu.
L.lama, La: Prau a la vera del prau La Calea, llanu. Riupinosu.
L.lamaceiros, Los: Monte raso con llameres. Riupinosu.
L.lamas, Las: 1. Monte a suertes de tolos vecinos. Siñeiriz. 2. Prau en Busecu.
L.lameiral, El: Prau avisíu, onde naz una fonte que regaba’l prau d’El Monte’l Carru Vieyu. Agora ta de monte y piérdese l’agua. Tien muches fontes que recuden toes pa El Regueiru la Palomba. Zreizal.
L.lamera, La: 1. Praos solanos, onde tienen finques tolos vecinos. Zreizal. 2. Prau pequeñu, asitiáu a la vera El Tornu. Pa pañar y pa seco. Zreizal.
L.lameras, Las: Monte en terrén fangoso. Equí hai una fonte que nunca seca. Arnizu.
L.lamón, El: Campu de llamuergal, con mofu ya yerba carriza. Concernosu.
L.lamosa, La: Monte na sierra de Concernosu.
L.lamuorgas, Las: Prau solanu, que se riega con agua d’El Ríu Negru. No mediu’l prau hai una fonte que nun seca en tol añu. D’iviernu paez que sal más caliente y de branu más frío. La L.linera.
L.lamurguera La: Monte raso con llameres, a la vera d’El Picu los Umeiros. En Riupinosu.
L.lanu Pinu, El: Monte que fai un poco de llombu, enfrente Concernosu.
L.lastrón, El: 1. Monte raso. Son dos zarros con parede que pertenecen a dos vecinos y otra suerte abierta d’otru vecín. Riupinosu. 2. Peña llastruda y llisa, ente El Carcavín ya La Pena Redonga. Riupinosu.
L.lastrona, La: Peñascu na sierra de Siñeiriz.
L.lavayyu, El (~ El L.lavayu): Monte con un fontanu, asitiáu en La L.lomba’l L.lavayyu. En Busecu.
L.leiruolu, El: Llugar pa semilleru de berces. Menudeiru.
L.lera Gruosa, La: Monte de llerón nel monte La Fayona. D’ehí sacóse la piedra pa facer el graneiru, el cabanón, la casa’l fornu ya los muros del pueblu. Riupinosu.
L.lera Redonda, La: Monte debaxo de La Pena l’Argol.la y de Pena Tayada. Riupinosu.
L.leras Blancas, Las: Terrén de grava blanco, llerón y monte al llau de La Carcavina. Riupinosu.
L.lindieiros, Los: Praos de Ca’l Modreiru avisíos. Atiesten con un camín y cola casa del mesmu nome. Zreizal.
L.lindión, El: 1. Prau solanu, de secanu pa pastiar les vaques qu’enantes yera tierra. Los Conqueiros. 2. Prau solanu asitiáu en La Vil.la de Baxu en Las Tercenadas.
L.linera, La: Llugar onde ta asitiada la casa del mesmu nome, a la vera El Ríu Negru, na llende con La Ordovaga.
L.lobu de la Val.lina, El: 1. Monte enfrente Ca’l Vil.lar. Siñeiriz. 2. Curva na pista que va a Concernosu, n’El Regueiru’l Carcavón.
L.lomba de Penarronda, La: Llomba ente La Fonte la Fanal y Penarronda. Riupinosu.
L.lomba la Tartul.la, La: 1. Monte que tien parte llana y parte cuesta, debaxo de La Candanosina. Busecu. 2. Monte per onde pasa’l camín que lleva dende’l pueblu a Riunegru. Paladeperre.
L.lomba las Veigas, La: Monte y prau en Paladeperre, na marxe izquierda d’El Ríu Negru. Pasa’l camín que lleva a Riupinosu pel mediu.
L.lomba Riupinosu, La: Monte raso enfrente Ca la L.linera. Busecu.
L.lomba, La: Prau llanu a la vera El Prau de Buonu. Riupinosu.
L.lomba’l Cáscaru, La: Llugar en Concernosu onde hai praos y monte de varios vecinos.
L.lomba’l L.lavayyu, La (~ La L.lomba’l L.lavayu): 1. Monte con forma de llomba y munchos llerones más p’allá de La Tartul.la. 2. Fonte del mesmu nome, con agua tol añu. Busecu.
L.lombetu, El: Prau en Busecu, asitiáu a la vera El Camín de la L.lomba.
L.lombu, El: 1. Monte plantáu de pinos y ocalitos y parte de bouza, dividíu en suertes de varios vecinos. La L.linera. 2. Finques de Ca’l Garfiu, agora toes de prau. Siñeiriz.
L.lombu’l Campín, El: Parte de monte asitiáu na parte baxa de La Cuosta los Corzos. La Degol.lada.
L.longa, La: Prau solanu en San Playu de Sesmu, asitiáu xunto a los caminos de La Sienra.
L.longuitu, El: Praos de dellos vecinos, toos col mesmu nome y separtaos. Busecu.
L.louxera, La: 1. Monte malu, con árboles del país, baxando pel camín que va a la casa La L.linera. Ta plantáu de pinos y rozóse ganza pa mullir el ganáu. La L.linera 2. Praos asitiaos al fondu d’El Bouzón; lo que ta a la vera’l ríu ye terrén llano. Ye de Ca’l Tendeiru, pero tamién hai un cachu que ya de Ca’l Bermeyu y otru de Cárcava. Concernosu. 3. Monte raso onde tienen suertes tolos vecinos, debaxo d’El L.louxón. Siñeiriz.
L.louxeras, Las: 1. Monte de castañales, carbayos y umeiros que pertenez a Menudeiru. Da al ríu La Uz. 2. Monte pal avisíu, con árboles y matos pa lleña. Yera una cantera de lloses y de piedra. El Mazu.
L.louxón, El: Monte malu de toxos y maleza. Siñeiriz.
Malatierra, La: 1. Finca con tierra de barru, tierra malo. Son monte y praos per tola vera’l ríu. Zreizal. 2. Monte mui cuestu y malu, onde onde ta asitiáu’l depósitu del agua, n’El Zarrín de Bárbola, de la traída pal pueblu. Ye d’un manantial que ta en terrén de La Ordovaga. Esti monte fai llende con El Regueiru la Fonte que divide La Foya y Malatierra. Paladeperre.
Malatos, Los: Praos y monte de varios vecinos, al solanu, pa la parte de baxo del pueblu. Llega hasta’l ríu de La Carboniel.la.
Marqués, El: Finques s pa la parte d’arriba de la carretera. Menudeiru.
Matera, La: Campa solana con yerba pa ensilar. Tien un zarru pel picu, plantáu con ocalitos ya pinos. Ye monte y prau que se foi too a monte, con carbayos y dalgún ocalitu, fayes, y bidules. Tamién tien árboles frutales, perales, manzales, nueces, olivos, nisos, zreizas y prau. El Mazu.
Maya, La: Prau y monte mui cuestu. Busecu.
Mazu, El: 1. Pueblu de la parroquia con dos cases. Según los informantes nel sieglu xix esti llugar yera de dos hermanos. Na casa d’El Mazu d’Arriba tamién tuvieron chigre, pues per ellí pasaben los de Concernosu y Masenga pa L.luarca y pa Belén. Onde agora tienen el payar hubo un telar que duró hasta la época de la guerra civil. 2. Prau asitiáu en terrenos d’El Mazu y que pertenez a un vecín de Siñeiriz.
Meidal, El: Praos de varios vecinos pela parte d’arriba de la carretera. La Carboniel.la.
Meiruetas, Las: Monte d’árboles del país cerca de los praos d’El Castañeiru. Los Conqueiros.
Meleros, Los: Praos avisíos en Las Tercenadas. Son dos, estremaos pol nome de los amos.
Meleru d’Andrés, El: Prau en Las Tercenadas.
Meleru de Pachu, El: Prau en Las Tercenadas.
Menudeiru: Pueblu de la parroquia, asitiáu a la vera la carretera que lleva de L.luarca a Villayón, nel kilómetru 10.
Mestu, El: Praos y monte en terrén avisío. El prau riégase con agua del regueiru que naz ellí, nuna fonte más arriba’l prau. El monte ta plantáu d’ocalitos y una parte con árboles del país. Los Conqueiros.
Miru, El: Cume onde naz El Ríu’l Zurdu, d’u saquen la traída d’agua pa les cases. La Degol.lada.
Molín d’Arriba, El: Molín comunal en Menudeiru, que yá nun muel.
Molín de Baxu, El: 1. Molín n’El Ríu l’Azureiru qu’agora nun muel. Yera de varios vecinos. Siñeiriz. 2. Molín particular que pertenecía a la casa del mesmu nome, asitiáu n’El Ríu Pequenu. Menudeiru.
Molín de Busecu, El: Molín de comuña pal pueblu de Busecu, sobre El Ríu Negru, onde desemboca El Regueiru’l Regueiral. Agora dio en ruina.
Molín de Ca Mingu, El: Molín n’El Val.lantsu sobre El Ríu Negru. Molía cola mesma agua que’l batán y trabayó hasta 1980.
Molín de Ca’l Bermeyu, El: Molín de maquila en Concernosu n’El Ríu Negru.
Molín de Caxóus (~ El Molín de Zreizal): Molín nel ríu de Caxóus; foi comuñeru, de varios vecinos de Zreizal y de Caxóus. Agora yá nun muel.
Molín de Fontanavia, El: Molín que pertenecía a toles cases de Fontanavia. Tamién taba arrendáu a dalgún vecín de La Degol.lada.
Molín de l’Ablanal, El: Molín en Siñeiriz de Ca l’Ablanal. Ta n’El Ríu l’Azureiru.
Molín de la Capiel.la, El: Molín n’El Ríu Negru, cerca les tierres del mesmu nome. Foi molín comuñeru, de varios vecinos de La Ordovaga, El Solanu y de La L.linera. Fontanavia.
Molín de la Carboniel.la, El (~ El Molín de la Ponte los Conqueiros): Molín de varios vecinos de La Carboniel.la y d’El Teixidal de Baxu. Muel con agua d’El Ríu Pequenu y ta asitiáu xunto a La Ponte de Fanchu.
Molín de la Gruoba, El: 1. Molín comunal de varios vecinos qu’agora nun muel. Esti molín, dende los años 1952-53, molía namás de día porque pela nueche aprovechábase l’agua del banzáu pa la planta la lluz, que daba lluz pa tol pueblu. La planta tovía se conserva. Menudeiru. 2. Molín n’El Val.lantsu, asitiáu en picu’l prau del mesmu nome. Ye de Ca Barcelón y dexó de funcionar hacia 1970. Un poco más p’arriba hai una cueva que-y llamen El Batán, onde abatanaben les mantes.
Molín de la Perdiz, El: Molín en Siñeiriz asitiáu a la vera El Ríu’l Carcavón del que tomaba l’agua. Agora nun muel.
Molín de la Ponte, El: Molín n’El Ríu l’Azureiru, en Siñeiriz. Yera d’ocho vecinos y agora nun muel.
Molín de la Veiga, El: Molín del pueblu de Paladeperre que llevó’l ríu fai más de venti años, en 1978.
Molín de las Parradas, El: Molín en Godón asitiáu n’El Ríu de las Parradas. Pertenecía a Ca’l Duru.
Molín de Masimilianu, El: Molín en La Carboniel.la asitiáu n’El Ríu Pequenu del que garra l’agua. Con dos mueles, yera molín de maquila y diben los d’Arnizu, Zreizal, La Montaña y más pueblos.
Molín de Pachín, El: Molín en La Degol.lada asitiáu n’El Prau l’Avisíu. Toma l’augua d’El Ríu Pequenu, pertenez a Ca Pachín y tovía muel.
Molín de Pachón, El: Molín asitiáu a la vera El Prau’l Mazu. Molía con agua d’El Ríu Pequenu y ta en pie pero nun muel. Antiguamente había nesti llugar un mazu del que se conserven les paredes. Los Conqueiros.
Molín de Paulinu, El: Molín n’El Ríu Pequenu, n’El Pibidar. La Carboniel.la.
Molín de Perán, El: Molín en Riusecu a la manzorga d’El Ríu Modreiros del que tomaba l’agua pa moler.
Molín de Veizulón, El (~ El Molín de Veicel.lón): Molín en Riupinosu asitiáu nel prau del mesmu nome y que muel con agua del ríu Riupinosu. L’agua aprovéchase pa regar el prau d’El Veizulón.
Molín de Xepe, El: Molín en Los Conqueiros, de Ca Xepe. Molía con agua d’El Ríu Pequenu y ta xunto a La Ponte.
Molín del Barriu, El: Molín en Siñeiriz sobro El Ríu’l Carcavón. Pertenez a varios vecinos y tovía muel.
Molín del Bulañu, El: Molín en Siñeiriz, n’El Regueiru’l Bulañu, de poca agua. En dalgún tiempu foi de maquila.
Molín del Cernáu, El: Molín en Siñeiriz que molía con agua de’El Ríu l’Azureiru. Llevólu la riada a últimos del sieglu xx.
Molín del Facu, El: Molín que ta en pie pero yá nu nmuel en Los Conqueiros, n’El Ríu Pequenu, en prau del mesmu nome. Yera de cuatro vecinos.
Molín del Feu, El: Molín de comuña en Los Piñeiros que cueye agua d’El Ríu Grande. Agora dio en ruina.
Molín del Freisnu, El: Molín comuñeru en Fontanavia, sobro El Ríu Negru.
Molín del Modreiru, El: Molín en Zreizal asitiáu n’El Monte de Cestu Gordu y que toma agua d’El Ríu Caxóus. Foi maquileru, anque tamién podíen pagar con perres.
Molín del Prusianu, El: Molín en San Playu de Sesmu. Yera molín de la casa del mesmu nome, garra agua del ríu de Caxóus y d’El Ríu Pequenu y viertelo pa El Ríu Negru.
Molín del Xastre, El: Molín en La Degol.lada, asitiáu n’El Prau’l Molín. Toma l’agua d’El Ríu’l Zurdu y guardábense elli los l.lavadoiros de madera, pa dir llavar a El Ríu’l Zurdu.
Molín Vieyu, El: 1. Prau ya monte d’árboles del país de varios vecinos en Las Tercenadas. 2. Prau de secanu a la vera El Camín d’Iglesia que lleva a Belén, anque antiguamente dicíen que yera’l que llevaba dende La Fonte Fanchu hasta’l ríu y llueu hasta Belén. Los Conqueiros. 3. Molín que pertenez a la casa de L’Iérbedu. Foi molín maquileru y tovía muel. Ta a la vera El Prau’l Cantín de Ca Bastián, nos terrenos llamaos El Molín Vieyu. El banzáu del molín recueye agua d’El Ríu Negru a la vera El Prau’l Ferreiru. Los Piñeiros 4. Praos y monte de castañales y ocalitos. Ye monte y campa, avisío. Ellí antiguamente había un molín. Los Piñeiros. 5. Prau y monte a la vera’l ríu. Agora ta de monte y nun se llabra nin se paña. Zreizal.
Molín, El: 1. Molín en Barceda a la vera El Prau’l Molín. Ta en pie pero n’estáu de ruina. 2. Molín n’El Ríu Negru, que foi destruíu pa facer la carretera. Yera de cuatro vecinos. Concernosu. 2. Prau solanu que yera de regadíu pero llevó’l banzáu l’agua un día de llena; pertenez a Casa Carmelona en Fontanavia. 4. Prau en Las Tercenadas y tamién monte plantáu d’árboles del país. Nesta finca ta asitiáu’l molín que yera de tol pueblu. Agora yá nun muel.
Molinera, La: Pozu n’El Ríu’l Zurdu, no fondu El Prau Nuevu, ensin sitiu pa llegar hasta la vera. Facía munchos remolinos l’augua. La Degol.lada.
Molinín, El: Camín que lleva dende Los Conqueiros a La Degol.lada.
Molinos del Mazu, Los: Dos molinos n’El Mazu qu’agora yá nun muelen.
Molinos, Los: Praos de secanu en Las Tercenadas.
Monte Bardamón, El: Monte raso comunal en Las Tercenadas, asitiáu ente El Regueiru del Zarrín y El Ríu Pequenu.
Monte Busecu, El: Praos y montes n’El Solanu.
Monte Couz Nuevu, El: Monte a continuación de La Gamayosa en Siñeiriz. Ye monte raso onde tienen suertes tolos vecinos.
Monte de Cestu Gordu, El: Monte avisíu d’árboles de ribera asitiáu en Zreizal.
Monte l’Abiera, El: Un monte dividíu en suertes ente los vecinos de Los Piñeiros, cerca de Ca’l Palaciu.
Monte l’Iérbedu, El: Monte en Los Piñeiros que pertenez a la casa L’Iérbedu, asitiáu pal avisíu, enfrente de La Degol.lada y plantáu d’árboles del país.
Monte l’Outrul.láu, El: Monte y un prau qu’agora ta d’árboles del país, munchos d’ellos umeiros, na vera’l ríu. La parte del monte ta pa la parte de Busecu, con carbayos y bidules. Fontanavia.
Monte la Casa’l Monte, El: Monte onde s’asitia La Casa’l Monte. El Teixidal de Baxu.
Monte la Fontina, El: Monte malu de toxos, que llega dende’l cabu la sienra de La Ordovaga hasta Paladeperre.
Monte la Gamayosa, El: Monte depués de Las Pasadas, cerca de Masenga. Siñeiriz.
Monte la L.lerina: Monte enfrente El Mazu, en términos de Busecu.
Monte la Modrera, El: Monte d’arboláu y prau que pertenez a la casa del mesmu nome. Zreizal.
Monte la Pasadona, El: Monte raso en llende con Los L.lamazales, onde tienen suertes tolos vecinos. Siñeiriz.
Monte la Perana, El: Monte en Busecu. Llamase asina porque perteneció a Ca la Perana.
Monte la Plouna, El: Monte cerca El Picu’l Regueiru, de pastos y mui bonu. Fai llende con El Ríu Arnizu y pela otra parte con El Pasadín. Arnizu.
Monte la Pousa, El: Monte en Busecu. Ye un monte que toma’l nome del llugar onde posaben los muertos pa echar un responsu y pa descansar y facer el cambiu de los que tiraben.
Monte la Reguera, El: Monte ente El Sagredal y El Regueiru la Reguera. Ye monte raso onde tienen suertes tolos vecinos. Siñeiriz.
Monte la Roza, El: 1. Monte que ta parte amansiáu pa prau n’El Mazu, nuna campa avisida. 2. Monte zarráu con baláu tou alredor, penriba’l pueblu. Tien plantao daqué de pinos y daqué d’arboláu del país. Caxóus.
Monte la Veiga: Prau avisíu con árboles: freisnos, umeiros, carbayos, bidules... El Mazu.
Monte las Cortadas, El: Monte a raso con dalgún pinu, dividíu en suertes de varios vecinos. Zreizal.
Monte las Pasadas, El: Monte ente El Monte la Reguera y La Gamayosa. Ye monte raso onde tienen suertes tolos vecinos. Siñeiriz.
Monte los Ganzones, El: Monte que fai llende cola carretera que lleva a Caxóus y con El Regueiru de la Regueirina. Son varies finques de varios vecinos: Los Ganzones de Dientru, zarraos con baláu propiu, y Los Ganzones de Fuera, que nun tán zarraos. Nel mediu hai una fonte, La Fonte los Ganzones, que tien agua sólo d’iviernu. Caxóus.
Monte los L.lamazales: Monte raso onde tienen suertes tolos vecinos que fai llende con El L.lagunayyu, enfrente d’El Monte Couz Nuevu. Hai una fonte del mesmu nome, La Fonte los L.lamazales. Siñeiriz.
Monte Machilanda, El: Monte d’arboláu y prau asitiáu pal avisíu. Zreizal.
Monte Ramón: Monte plantáu de pinos. Busecu.
Monte Regueiru l’Acebu, El: Monte raso dividío en suertes, de varios vecinos. Zreizal.
Monte’l Cabu la Sierra, El: Monte raso que fai llende con La Carboniel.la. Zreizal.
Monte’l Carruvieyu, El: Monte d’arboláu en Zreizal, a la vera El Ríu de Zreizal. Ellí ta asitiáu’l molín comunal.
Monte’l Castañeiru la Cruz, El: Monte d’arboláu, con carbayos, bidules, umeiros, asitiáu ente El Regueiru la Palomba y La Regueirina. Zreizal.
Monte’l Castiel.lu, El: Zarru zarráu con baláu per una de les partes. Ye monte mistu con pinos, fayes y ocalitos. Ellí miedra una faya mui alta y con muncha redoma. Hai tamién un cachín de prau, que llamen El Prau Nuevu. Según una lleenda, nesti monte hai una encanta. Onde tán les cueves escuéndese un tesoru, nueve boles d’oru qu’escondieron los moros y que guarda la encanta. «La lleenda que diz estas cousas tiénenla los curas no Monesteriu de Courias». Ente Zreizal y Caxóus.
Monte’l Chanín, El: Sierra, monte raso con dalgo de pinos, na llende cola Carboniel.la. Hai tamién un prau que s’amansió pa segar la yerba y ensilar. Zreizal.
Monte’l Felisu, El: Monte plantáu d’ocalitu. La L.linera.
Monte’l L.louxón, El: Monte raso y mui cuesto onde tienen suertes tolos vecinos, ente El Rebol.lu y El L.lagunayyu. Siñeiriz.
Montegrande, El (~ El Monte la Vil.lara): Monte mui cuestu, plantáu de carbayos, bidules, castañales, etc. asitiáu enfrente de La Casa Baxu, pa la marxe drecha d’El Ríu Negru. Los Rebol.lares.
Montegrande, El: 1. Monte pa la parte l’avisíu, mirando pa Menudeiru. La Ordovaga. 2. Montes xunto a La Veiga’l L.lombu, partíos por El Regueiru la Fonte Grande, onde tienen finques los vecinos de Menudeiru y dalgún de Paladeperre. Menudeiru.
Mouriel.la, La: Praos, cuestos, solanos, pa yerba verde y de silos. Faen llende con El Monte’l Castiel.lu. Caxóus.
Nesgón, El: Monte ente Los Capudros ya ente Los Adraos. Riupinosu.
Niseiros, Los: Praos solanos en Los Piñeiros, pa la parte d’arriba la carretera.
Níu l’Áliga, El: Peñes con dalgo de monte más p’allá de Los Carrascales. Hai tamién una fonte del mesmu nome n’El Requeixu que se xunta con La Fonte los Mouros y abastez d’augua a La Degol.lada, per una traída que tamién recueye agua de La Fonte los Mouros. La Degol.lada.
Níu’l Cuervu, El: Peña asitiada na sierra, na parte más mala, p’hacia Los Carrascales. Tamién regueiru del mesmu nome que naz en La Cruz de la Vieya y que desemboca n’El Ríu Pequenu a l’altura de Las Tercenadas. La Degol.lada.
Notariu, El: Finques y praos en La Carboniel.la.
Novales, Los: Prau solanu onde pastorien. Arnizu.
Ocedín, L’: 1. Tierra onde se semen fabes, maíz y pataques. 2. Prau nel mesmu llugar. Paladeperre.
Ordovaga, La: Pueblu de la parroquia, asitiáu xunto a Belén.
Ortiga Escura, La: Prau avisíu con una fonte del mesmu nome que cuerre tol añu. Ye avisíu y ta asitiáu na oriella d’El Ríu Pequenu.
Pachona d’Arriba, La: Enantes tierres y agora praos en Fontanavia.
Pachona de Baxu, La: Enantes tierres y agora praos en Fontanavia.
Pachona, La: Finca de Ca’l Texedor que perteneció primero a Ca la Pachona, casa que s’acabó nel sieglu xx. Fontanavia.
Paganín, El: Prau En Busecu, pa la parte d’allá de Ca’l Furacu.
Paganos, Los: Finques de praos y tierres de varios vecinos que tán de patacal. Paladeperre.
Paladeperre: Pueblu asitiáu a la vera El Ríu Negru, na llende con Riupinosu, La Ordovaga y La L.linera.
Palomba Calea, La: Monte na zona de Las Rozonas en Las Tercenadas.
Palomba, La: Monte con pinos y árboles de ribera. Rozábase pa ganza. Zreizal.
Pandarbosu: Llanada de monte raso, con pastu y prau, onde s’empieza a coronar pal pueblu, na llende con Busmouriscu, La Candanosa y Candanéu. Riupinosu.
Pandu Cimeiru: Monte raso en camín de Capiel.lamartín. Busecu.
Parandales, Los: Praos en Las Tercenadas.
Paranones, Los: Monte asitiáu a la vera’l camín que lleva a Belén. Ta dividíu en suertes, plantáu d’árboles. Paladeperre.
Parda, La: Praos en La Carboniel.la.
Paré’l Curtín, La: Monte onde había un cortín d’abeyes del que namás queden les paredes. Riupinosu.
Parradas, Las: Monte en Godón. Primero yera prau pa la parte’l fondu.
Pasa’l Ferreiru, La: Prau de secanu, pa pastiar y pa segar, a la vera El Camín de Misa. Los Conqueiros.
Pasada de Baxu, La: Monte en suertes, plantáu d’árboles de ribera. La Carboniel.la.
Pasada Fondera, La: Finques en Busecu, debaxo La Pousa, a la mano drecha, cerca de La Pena L.longa.
Pasada, La (~ La Pasada de María García): 1. L.lugar n’El Ríu Zurdu, una llábana que sirvía pa cruzar el ríu. Díceneme que’l segundu de los nomes débese a una costurera que cosía pa Ca’l Palaciu y otres casas de Los Piñeiros, que pasaba per ellí y d’ello’l nome de La Pasada de María García.
Pasada, La: 1. Regueiru onde naz El Ríu Riusecu. Riusecu. 2. Monte d’árboles de ribera en La Carboniel.la.
Pasadas, Las: 1. Regueiru que fai llende col pueblu Los Conqueiros. Naz en Picuverde, en La Fonte’l Curiscu. Las Tercenadas. 2. Monte na sierra de Las Tercenadas, pa ganza y pastos. 3. Campín onde se xunten dos regueiros, el de La Cabanina ya’l de Los Carcavones, que fan como un forcáu. Riupinosu.
Pasadín, El: 1. Monte escabrosu con toxos y peñascos pa la parte drecha según se llega al pueblu. Naz allí un regatu que se llama La Reguera y desemboca n’El Ríu Arnizu. Arnizu. 2. Regueiru que naz en La Fonte’l Campu, y vierte n’El Ríu Negru. Busecu.
Pasadina, La: 1. Tierra de llabor en Zreizal que se sema de reigás. Zreizal. 2. Montes onde se rozaba ganza en Las Tercenadas.
Pasadoiru, El: Carreiru p’atayar dende la casa vieya d’El Peceiru y Ca’l Xastre hasta Ca Pachín, cruzando La Sienra Pachín. La Degol.lada.
Pasqueiru, El:. Prau pal solanu n’Arnizu.
Pasu Malu: Monte a bravo a la vera La Pena la Cutsiel.la. Concernosu.
Pataqueiru, El: 1. En. Tierra de llabor, xunto a El Prau las Colmenas y el camín que lleva a El Val.lín. Caxóus 2. Metá monte y metá prau en Los Rebol.lares.
Payar de la Gal.la, El: Payar a la vera los praos d’El Zarrón, en Riupinosu.
Payarón, El: Praos de varios vecinos asitiaos pela parte de baxo de les cases. Siñeiriz.
Payarones, Los: Finca de Ca’l Peceiru que primero se semaba de pataca, centén y dalgo de trigu, poco productiva. Ta asitiada al solanu y ye terrén mui pedregoso, con poca tierra y mui cuesto. Dende fai años ta pa pación. La Degol.lada.
Pedregal, El: Prau en Los Conqueiros.
Pedreguera, La: Cárcava en terrén mui malo en monte Los Adraos. Riupinosu
Pedreirona, La: Monte ya prau que pertenez a Ca’l Palaciu. Ye un llugar onde hai munches piedres. Los Piñeiros
Pedrera, La: 1. Monte de Ca Carmelona. Fontanavia. 2. Prau pa pastiar les xates. Los Conqueiros. 3. Cantera onde sacó la piedra pa facer les cases de Paladeperre.
Peiquín, El: Prau que se riega con agua d’El Regueiru las Regueras. Riupinosu.
Peiral, El: Tierra de llabor onde se semen fabes o pal ganáu. Ta nel centru’l pueblu. Caxóus.
Pena Cimera, La: Llugar per onde pasa un carreiru pel mediu de dos peñes y «paez que tas pasando por una argol.la formada polas dos penas», La Pena Cimera y La Pena l’Argol.la. Riupinosu.
Pena de Cuotos, La: Monte raso en terrén llano, con una peña y peñascos, en medio de dos vaguaes. Riupinosu.
Pena de la Braña l’Arcu, La: Peña en llugar del mesmu nome. Aplomada p’arriba, en picu, non mui alta. Arnizu
Pena Drada, La: 1. Peña en Riupinosu, más p’allá d’El L.lamón. 2. Peña asitiada en L’Outeirín, per onde se llega a El Picu Concernosu. Concernosu.
Pena Faladora, La: 1. Peña que fai ecu al gritar dende’l camín que diba per Panondres a L.luarca. Ta cerca La Ubia’l L.lobu. Esti yera un llugar de munchu tránsitu y como munches veces salía nublina sirvía-yos a los caminantes pa orientase. 2. Dos peñascos mui grandes, sobre 20 metros d’altura, dos puntes de cuarcita que sobresalen en terrén llano. Fan ecu cuandu daquién fala o cuando se clavuña. Siñeiriz.
Pena Fendida, La: Peñina fendida, con un capudru no mediu, n’El Camín de Misa. Son gálganas y peñeos, fileres de peñes paraleles. Riupinosu.
Pena Furada, La: Monte raso con llerones que desllinda con Concernosu, cerca’l monte La Plana. Busecu.
Pena L.longa, La: Peña a la vera La Fonte’l Toxu, con monte raso y terrén llastroso. Cerca La Pena las Cutsiel.las. Busecu.
Pena l’Aigla La: Peña per debaxo de La Pena Prieta, dientro Los Adraos. Riupinosu.
Pena l’Argol.la, La: Sitiu per onde pasa un carreiru pel mediu y paez que tas pasando per una argolla formada por dos peñes, ésta y La Pena Cimera. Riupinosu.
Pena l’Avisadoira, La: Peña no monte del mesmu nome. Busecu.
Pena la Bermea, La (~El Picu de la Bermeya): Picu que ta a la vera la carretera que va de Belén al Sagredal. debaxo El Sagredal, na llende con Los Piñeiros. Siñeiriz.
Pena la Bruite, La: Peña asitiada enfrente a Belén. Busecu.
Pena la Chispa, La: Peña qu’atrai les chispes cuando truena. N’El Camín de Misa. Riupinosu.
Pena la Cutsiel.la, La: Peña que tien forma de cuchiella y d’ello’l nome. Queda según se va de Concernosu a Siñeiriz y divide’l pueblu de Concernosu y El Val.lantsu. Concernosu.
Pena la Gamayosa, La: Peña mui alta no picu un precipiciu, mui peligrosu pal ganáu, nel llugar de la sierra llamáu La Gamayosa. La Degol.lada.
Pena la Madera, La: Peña nel monte El Cordel, non mui alta. Tien forma allargada,B con una punta más alta qu’otra. Arnizu.
Pena la Pasada, La: Peña en Riupinosu, en monte Los Capudros.
Pena la Rebol.losa: Peña a la vera Los Zarros. Riupinosu.
Pena la Redonda, La: Llugar onde s’abellugaba una muyer de La Casa la Redonda cuando diba a L.luarca y llovía. Riupinosu.
Pena la Siel.la, La: 1. Peña en Busecu, xunto al ríu, enfrente Ca la L.linera. 2. Unes peñes qu’acaben mui en picu, enfrente Los Penedones. En terrenos de Los Rebol.lares y de Busecu, pa la marxe drecha d’El Ríu Negru. 3. Cume hasta El Mazu. Siñeiriz.
Pena las Abeas, La: Monte raso, debaxo El Secul.lín. Riupinosu.
Pena las Albardas, La: Peña na parte más alta de la sierra. Al monte de per ellí llámase Las Albardas, Las Albardas Altas, El Val.le las Albardas. La Degol.lada.
Pena las Cutsiel.las, La: Peñes con forma de cuchielles, d’arriba La Pena L.longa. Busecu.
Pena las Corradas, La: Monte raso y una peña del mesmu nome na llende con Busecu. Riupinosu.
Pena las Muyyeres, La (~ La Pena las Muyeres): Peña asitiada nel monte d’enfrente a La L.linera. Busecu.
Pena las Tetas, La: Peña asitiada en L’Outeirín, cerca El Chanu de Xupe L.lámase asina pola so forma. Concernosu.
Pena los Buois, La: Peña en Riupinosu asitiada cerca de La Pena’l Prau.
Pena los L.lamacinos, La: Peña y campu en Riupinosu.
Pena los Piñeiros, La: Peña más p’arriba’l monte El Xugadeiru. Los Piñeiros.
Pena los Tubos, La: Monte raso cerca La Ripia too en redondo pel altu. Los neños tizaben fueu cuando diben col ganáu pa la sierra. Riusecu.
Pena Prieta, La: Peña na llende ente Busecu y Riupinosu.
Pena Tayada, La: Monte raso con peñascos, ente El L.lousón y La Folgueirosa. Riupinosu.
Pena Zarrada, La: Peña nun monte con munches peñes, La Fana a la izquierda y La Cueña a la drecha. Riupinosu.
Pena, La: 1. Peña baxa asitiada nun prau del mesmu nome. La L.linera. 2. Finques de prau, La Rocica. Siñeiriz. 3. Prau de Ca Fanchón y de Ca Pulayu. Siñeiriz. 4. Prau solanu en San Playu de Sesmu, detrás de Ca’l Prusianu. 5. Peña y llugar antes de llegar a la Pena las Albardas. La Degol.lada.
Pena’l Bel.lugu, La: Peña en Riupinosu, no monte Los Capudros.
Pena’l Borracheiru, La: Peña na vera’l camín de la ilesia. Ellí había una cantera. Paladeperre.
Pena’l Cabanín, La: Peña non mui alta n’El Monte Muñón. Arnizu.
Pena’l Castiel.lu, La (~ Pena Mala): Monte raso, casi too peñes y peñascos. Riupinosu.
Pena’l Cuervu, La: Peña asitiada n’El Requeixu. Ye una pena mui alta, más que nada pol desnivel del terrén. La Degol.lada.
Pena’l Cuotu, La: Peña con forma allargada, con llastres, enfrente a Belén. Busecu.
Pena’l L.louxón, La: Monte raso y con llastres asitiáu na parte d’arriba del pueblu, cerca El Campu’l L.lagu. Riupinosu.
Pena’l Peiru, La: Peña cerca’l camín que lleva a Paladeperre, más p’arriba d’El Prau la Veiga. Riupinosu.
Pena’l Prau, La: peña en monte Los Capudros. Riupinosu.
Pena’l Rebol.lu: Monte con delles peñes en mediu. Concernosu.
Pena’l Sardón, La (~ La Pena’l Sargón): Monte con un sardón nel mediu. Hai una peña rubia como si fuera fierru, con vetes azules. Encima El Campu’l L.lagu. Riupinosu.
Pena’l Teixu, La: Monte raso, mui llastroso, too de peñes. Busecu.
Pena’l Xardón, La: Peña na suerte nomada El Val.le Grande. Paladeperre.
Penamala, La: Monte raso, casi too peñes y peñascos, per onde pasa El Camín d’Iglesia, un carreiru per onde traíen los muertos cuando nun había carretera. Hai una peña que se ve dende Belén, non mui alta, como una llastra. Riupinosu.
Penanegra, La: Peña enfrente mesmo del pueblu, depués de La Pena Redonda. Riupinosu.
Penanidia, La: Monte raso, en Zreizal, dividío en suertes de tolos vecinos.
Penapinta, La: 1. Peña y monte con piedra ferrial y peña de mármol, d’arriba La Pena las Corradas. Riupinosu. 2. Peña no mediu’l monte, debaxo Capiel.lamartín. Busecu.
Penapuerca, La: Pena en Riupinosu.
Penarredonda, La: 1. Monte en Riupinosu, ente El Ríu Sanguñal y El Ríu Riupinosu y El Pingayu y El Penéu Redondu. 2. Peña en Busecu, cerca La Pena l’Avisadoira, na falda de Capiel.lamartín.
Penarrica, La: Una peña asitiada onde se fai llende col conceyu Villayón. Siñeiriz.
Penarronda, La: Terrén mui peñascoso ente Paladeperre y Riupinosu. Ye monte raso con munches peñes y una peña mui grande en medio.
Penas de la L.laguna, Las: Prau de Ca Cárcava. Concernosu.
Penas de la Maruta, Las: Monte d’ocalitos y toxos, a la vera El Pescayu. El Mazu.
Penas del Cuotu, Las: 1. Monte con peñes en Busecu. 2. Peñes nel monte El Cuotu. Busecu.
Penas del L.lavayyu, Las (~ Las Penas del L.lavayu): Peñes nel monte del mesmu nome, enfrente El Mazu. De la fonte qu’hai ellí ye la traída del agua pa El Mazu. Busecu.
Penas Rubias, Las: Dos peñes metanes monte raso y terrén llastroso, ente La Candanosina y El L.lavayyu. Busecu.
Penas, Las: 1. Monte raso a la vera El Col.ladín, llugar onde caíen munchos rayos. Ellí hai una fonte llamada Las Fontanicas, hacia’l mediu’l monte. Riusecu. 2. Finques de secanu y pal solanu que tienen dos peñes nel mediu. Zreizal.
Penedín, El: 1. Finca que pertenez a Ca la Cruz, enriba la carretera. Ta dedicada a tierra de llabor y a prau. La Degol.lada. 2. Vuelta del mesmu nome, a la vera la finca, na carretera que lleva a Villayón. La Degol.lada. 2. Tierra que sema de maíz, en San Salvador. Los Rebol.lares.
Penedón, El: Pena en Riupinosu, cerca de Ca’l Redondu.
Penedones, Los. 1. Peñes enfrente de La Casa Baxu, pa la parte de la drecha. Pal outru llau ta La Pena la Siel.la. Los Rebol.lares. 2. Monte raso con penedones grandes, de poca altura. Los Piñeiros.
Peneiriscas, Las: Monte na sierra de Las Tercenadas, partío en suertes, a ganza y pastos.
Penéu Counidíu, El: Monte en Busecu.
Penéu de la Barrera, El: Peñéu asitiáu nel camín que lleva a Los Piñeiros. Siñeiriz.
Penéu de la Gal.lega, El: Peñéu na sierra de La Gal.lega, de Capiel.lamartín hasta El Picu Concernosu. Busecu.
Penéu de los Fuel.les, El: Llugar onde paraben cuando llevaben el maíz nos fuelles d’oveya y de cabra pa molelo en Paladeperre. Riupinosu.
Penéu de Navia, El: Peñéu asitiáu xunto al camín que lleva dende Las Tercenadas al camín que lleva a L.luarca pel altu la sierra.
Penéu del Campanariu, El: Peñéu cerca La Pena las Albardas. Llámase asina porque hai allí una cantera d’onde sacaron la piedra pa facer la ilesia de Belén. La Degol.lada.
Penéu L.lolombrizu, El (~ El Solombrizu): Peñéu cerca La Fonte l’Arena. Busecu.
Penéu l’Agua, El: Peñéu debaxo La Gamayosa. Pasa’l camín per ellí y ye terrén llastroso. Siñeiriz.
Penéu la Fonte, El: Llugar en Siñeiriz onde se fai la fiesta. Ta a la entrada’l pueblu.
Penéu la Rebol.losa, El: Peñéu asitiáu nel zarru de Ca’l Xuliu. Riupinosu.
Penéu las Cabras, El: Peña non mui alta asitiada en La Plana, debaxo El Picu Concernosu. Busecu.
Penéu las Gurrias, El: Monte que pertenez a La Ordovaga, cerca El Val.le Grande.
Penéu las L.lastras, El: Peñéu ente El Carcabín y La Pena Redonda. Riupinosu.
Penéu los Ayos, El: Peñéu No monte Los Couces. Riupinosu.
Penéu los Melanos, El: Peñéu debaxo de la tierra de Ca Parrondu, na carretera que va a Belén. Busecu.
Penéu Redondu, El: Peñéu en picu los zarros d’El L.lastrón. Riupinosu.
Penéu, El: 1. Prau llanu, pa ensilar en Zreizal. 2. Prau solanu en San Playu de Sesmu.
Penéu’l Rayu, El: Monte en Siñeiriz, cerca de la llende con Masenga.
Penéu’l Tubu: Peñéu grande y monte raso con llerones. Busecu.
Peneufenu, El: Monte y peñes más arriba d’El Carcavín. Riupinosu.
Peneugruosu, El: Peñes y llerón a la vera La Pena’l Teixu. Busecu.
Penón del Cuervu, El: 1. Peña mui alta a la vera’l ríu p’hacia arriba. Ellí queríen facer un embalse pa llevar agua pa L.luarca. La L.linera. 2. Monte y prau que pertenez a Ca’l Palaciu de Los Piñeiros. Tien una pena en medio. Ta asitiáu n’El Val.le la Pedreirona pa la parte l’avisíu. 3. Prau en Busecu.
Penón Grande: Peña n’El Monte la L.lerina, enfrente El Mazu, en términos de Busecu. Per baxo pasa El Ríu Negru qu’ellí tien un pozu mui fondu y dicen qu’hai tesoros.
Penón Pequenu: Peña n’El Monte la L.lerina, enfrente El Mazu, en términos de Busecu.
Penona, La: 1. Peña y monte grande siguío de La Pena’l Teixu. Busecu. 2. Peña ente La Roza y El Regueiru las Regueironas. Caxóus. 3. Monte d’El Val.lantsu, Ca Florentu y Ca’l Tendeiru. Otra parte pertenez a Siñeiriz. Ye mui pendiente y per detrás tán El Regueiru la Reguera y los montes d’El Corrapín y El Pasu Malu. Concernosu. 4. Terrén llastroso asitiáu pa la marxe drecha del ríu. Paladeperre.
Penones, Los: Praos de regadíu con agua d’El Regueirón en Las Tercenadas.
Perdiz, La: Tierra onde se semen pataques y fabes. Riupinosu.
Pericón, El: Prau en Busecu, d’arriba Ca Palanquera.
Pescares, Las: Monte a suertes asitiáu en Paladeperre, pa la marxe drecha d’El Ríu Negru.
Pescayu, El: 1. Prau de regadíu asitiáu na marxe drecha d’El Ríu Negru. El Mazu. 2. Monte de roza y plantáu d’árboles. Busecu.
Pesqueiros, Los: Praos en Zreizal y una tierra de llabor, onde semen ballicu y reigás pal ganáu.
Pibidar, El: Monte avisíu plantáu d’árboles del país ya ocalitos. Ta a continuación de La Veigona y fai llende con El Ríu Pequenu. La Carboniel.la.
Picón, El: Picu no comienzu de La Cuosta d’Escádana, camín que lleva hasta L.luarca. Ta na parte izquierda del camín, cuando s’empieza a baxar. La Ordovaga.
Picos de la Bovia, Los: Picu na sierra La Bovia, baxando per Capiel.lamartín. Fai llende con Folgueras. Busecu.
Picu Blancu: Monte na marxe izquierda d’El Ríu Negru. asitiáu p’hacia Modreiros a la vera El Prau’l Castiel.lu. Plantáu de pinos y toxos. Barceda.
Picu Concernosu, El (~ El Picu Coucernosu): Peñes onde se ve Capiel.lamartín. Ye llende con Concernosu y Busecu. Busecu.
Picu de la Bermeya, El (~ La Pena la Bermea) : Picu que ta a la vera la carretera que va de Belén a El Sagredal, debaxo d’ello, na llende con Los Piñeiros. Siñeiriz.
Picu de las Ol.las, El: Monte raso que fai llende con Los Conqueiros. Arnizu.
Picu l’Anchona, El: Monte na sierra de Concernosu.
Picu l’Umeiru, El: Picu pa L’Altu’l Sagredal, cerca La Fonte la Mouriel.la.
Picu la Fana, El: Monte raso con muncha cárcava. Nesti monte tán La Fonte la Fana ya La Fonte’l L.lobu, con agua tol añu. Riupinosu.
Picu la L.lamosa, El: Picu na sierra de Concernosu.
Picu la Mouriel.la, El: Monte llanu con una cresta de peñes. Siñeiriz.
Picu la Pinitina, El (~ El Picu’l Val.le la Pinitina, El): Monte na sierra de Concernosu.
Picu los Cutarabel.los, El: Picu na sierra de Concernosu.
Picu los Horrios, El (~ El Picu Modreiros): Monte en Riusecu. Nun ye mui altu.
Picu los Umeiros, El: Picu en Riupinosu, en monte Los Capudros.
Picu los Zarros, El: Monte zarráu de parede, de Ca’l Maruxu y Ca’l Xuliu. Riupinosu.
Picu Panondres, El: Picu asitiáu na sierra del mesmu nome, na llende ente Valdés, Villayón y Navia.
Picu’l Bouzón, El: Monte de bouza y árboles del país: xardones, carbayos... Riupinosu.
Picu’l Cordel, El: Picu d’El Cordel, un monte raso pa ganza. Mira hacia’l norte y fai llende con Busantiane y L’Artosa. Arnizu.
Picu’l Coriscu, El: Picu na sierra de Concernosu.
Picu’l Cuernu, El: Picu de la sierra que pertenez a La Degol.lada. Ye’l más cercanu al pueblu y vese bien dende les cases. La falda d’esti monte son La Castañal, El Carbayín y El Requeixu. Cerca La Gamayosa.
Picu’l L.lagunayu, El (~ El Picu’l L.lagunayyu): Monte y un picu na sierra de Siñeiriz. Fai llende con Masenga.
Picu’l Maíz, El: Monte en Siñeiriz.
Picu’l Muñón, El: Picu na llende con El Bidural, que mira pal norte. Arnizu.
Picu’l Penón, El: Monte baxo en terrén cuesto, que fai llende con Masenga. Siñeiriz.
Picu’l Rebol.lu, El: Picu en La Sierra’l Rebol.lu, cerca d’El Picu’l L.lagunayu. Nel altu de Concernosu.
Picu’l Recatón, El: Picu que mira p’hacia Belén, na llende con Las Tercenadas. Arnizu
Picu’l Regueiru, El: Monte raso, parte comunal y parte dividío en suertes. Naz ellí El Ríu Arnizu, mui trucheru. Arnizu.
Picu’l Sagredal, El: Picu que fai llende con Villayón y con Los Piñeiros, de 700 m.
Picu’l Zarru, El: Prau solanu de secanu. La L.linera.
Picuverde: 1. Picu asitiáu nel altu de la sierra. La Degol.lada. 2. Monte raso cerca d’Arnizu, onde pastien les vaques y los burros.
Piedrablanca, La: 1. Monte raso en Riupinosu. Díceneme qu’había una piedra que rellumaba y d’ella-y quedó’l nome. 2. Praos en Menudeiru, pa la parte d’arriba del pueblu, onde La Fonte la Garfiel.la; un poco p’arriba ye d’onde vien la traída d’agua pal pueblu.
Pilón, El: 1. Fonte con bebederu, en San Playu de Sesmu onde bebíen les vaques del pueblu. 2. Bebederu pal ganáu en Los Conqueiros; l’agua recoyíase d’una presa que venía de El Regueiru los Tayos.
Pinchu, El: Camín mui cuestu en Busecu, dende debaxo Ca’l Sucu hasta La Pousa.
Pingayu, El: Fonte que nun seca en tol añu. Riupinosu.
Piniel.lu, El: Monte dividíu en suertes de varios vecinos. Fai llombu pa los dos llaos y ta plantáu de pinos. Hai una fonte d’au tran l’agua pa Casa Fanchu. Los Conqueiros.
Pinitina, La: 1. Monte raso y llerosu. Hai tamién un picu col mesmu nome. Busecu. 2. Monte que fai llende col conceyu de Tinéu, asitiáu pal solanu. Pertenez a Ca’l Siel.lu. Concernosu.
Pinón de Couzáu, El: Monte raso y un peñón mui grande en mediu, en Los Capudros. Riupinosu.
Piñeiros, Los: Llugar de la parroquia, asitiáu na llende con Siñeiriz, La Degol.lada y Busecu.
Pisón, El: Tierra asitiada pal solanu, pa semar reigás y maíz. Fai llende con Ca Fraquillo y con Casa Cadenas. Hai tamién un prau de Casa la Modrera que fai llende cola carretera. Zreizal.
Plana, La: Sierra dividida en suertes, asitiada en mesmu tesu. Pácenla burros y vaques y fai llende con Concernosu. Busecu.
Planta la L.luz, La: 1. Planta la lluz en Los Piñeiros, a la vera El Ríu Negru. Fíxose nel añu 1951 y daba lluz a Los Piñeiros, La Degol.lada y Busecu. Movíase con agua de la presa d’El Molín del Feu. Pel día yera pa moler y pela nueche pa dar lluz. Zarróse más o menos en 1970 cuando se punxo la lluz de la Electra del Esva. Entovía güei tien l’alternador dientro. 2. Planta la lluz en Zreizal, asitiada n’El Ríu Caxóus. Fíxose en febreru de 1952. 3. Planta la lluz n’El Val.lantsu. Aprovecharon la presa’l batán que yá nun funcionaba. Daba lluz al pueblu y funcionó hasta 1970. 4. Planta la lluz sitiada n’El Prau El Pomar. Llevóla una riada hai unos 40 años. Siñeiriz.
Planta, La: Prau a la vera El Ríu Negru que sigue hasta El Regueiru d’El Remixón. Llugar onde taba la planta la lluz, asitiada hacia l’añu 1953 y que daba lluz a Barceda, San Playu y Godón. Quitáronla pelos años setenta. Barceda.
Pocera’l L.lagu, La: Finques amansiaes dende hai cuarenta años, no picu’l pueblu. Vierte a dos agües y ye terrén solano y avisío. La Carboniel.la.
Pomar, El: Finques de varios vecinos dedicaes a tierra de llabor en La Carboniel.la.
Ponte Bernaldu, La: Un prau qu’agora pertenez a Ca Cárcava. Ye un prau solanu, y pal fondu, de regadíu d’augua d’El Ríu Negru. Concernosu.
Ponte Conrado, La: Prau y monte en Las Tercenadas.
Ponte de Bouza, La: Prau y monte en Las Tercenadas.
Ponte de Ca’l Redondu, La: Ponte sobre El Ríu Riupinosu, a la vera El Prau’l Pontigu.
Ponte Fanchu, La: Ponte sobre El Ríu Pequenu, fechu d’arcu de piedra, en La Carboniel.la. Da serviciu de les finques de Casa Fanchu.
Ponte la Beizuola, La: Ponte sobre El Ríu Riupinosu. Ye una ponte de madera n’El Camín de Misa. Riupinosu.
Ponte la Chistosa, La:
Ponte la Ortiga Escura, La: Ponte debaxo Las Tercenadas, sobre El Ríu Pequenu.
Ponte la Perdiz, La:
Ponte la Veiguitina, La: Ponte sobre El Ríu Negru, pa pasar al prau de La Veiguitina. Paladeperre.
Ponte los Conqueiros, La: Ponte sobre El Ríu Pequenu, fechu d’arcu de piedra. La Carboniel.la.
Ponte Marfón, La: Ponte sobre El Ríu Negru, nes finques del mesmu nome. Equí, según los informantes, apaecióse-y el diañu a un paisanu que tenía les oveyes paciendo del otru llau, en Los Chanitinos. Cuando yá pasara la ponte cuntóles, vio que-y faltaba una y volvió por ella. Atopóla ellí y garróla al llombu. Cuando yá pasara otra vez la ponte, diz-y la oveya: «Apóusame a xeitiquín que me vas romper el güeviquín». Y contestó él: «Arreniego’l diañu». Y la oveya escapó riéndose a cascaradas y desapaeció. Paladeperre,
Ponte Riupinosu, La: Ponte sobre El Ríu Negru, que xune Paladeperre con Riupinosu, na finca Los Pradones. Paladeperre.
Ponte Roque, La: Prau y monte que fai llende con El Camín d’Escádana. Godón.
Ponte’l Cuervu, La: Ponte sobre El Ríu Negru, en camín que lleva a Riupinosu y a Navelgas. Agora ta en ruina, llevólu la riada hacia 1982. La L.linera.
Ponte’l Freisnu, La: Ponte sobre El Ríu Negru. Enantes de madera, hasta’l 1983, que la llevó una fana. Agora restauróse y fixéronla de forxáu. Los Rebol.lares.
Ponte’l Güevu, La: Ponte sobre El Ríu Negru, a la altura de La L.linera. Agora en ruines, pues llevóla una riada fai unos venti años.
Ponte’l Mazu, La: Ponte sobre El Regueiru’l Mazu n’El Camín de la Iglesia dende Concernosu a Belén.
Ponte’l Molín, La: 1. Ponte sobre El Ríu l’Azureiru, en Siñeiriz. Desapaeció nuna riada. 2. Ponte sobre El Ríu Pequenu, fecha d’arcu de piedra, en La Carboniel.la. 2. Ponte sobre El Ríu Pequenu sobre El Camín de Misa. Los Conqueiros.
Ponte’l Pibidar, La: Ponte sobre El Ríu Pequenu, n’El Camín de la Iglesia que daba serviciu a Menudeiru y Zreizal y xuníase col camín que vien de Los Conqueiros en La Casina. Ta xunto a El Pibidar.
Ponte’l Prau la Veiga’l Molín, La: Ponte sobre El Ríu Negru. Paladeperre.
Ponte’l Regueiral, La: Ponte sobre El Ríu’l Regueiral, enfrente Los Piñeiros.
Ponte’l Requeixu, La: Ponte sobre El Ríu’l Zurdu, na carretera que lleva de L.luarca a Villayón, dempués de pasar La Degol.lada. Ta en terrenos del mesmu nome.
Ponte’l Ríu, La: Ponte sobre El Ríu Riupinosu, ente El Prau la Vecera y El Prau’l Ríu.
Ponte’l Tourín, La: Prau y monte en Las Tercenadas.
Ponte’l Viñu, La: Ponte sobre El Ríu Negru.Tenía dos arcos de piedra y ún de los arcos llevólu una riada. Fontanavia.
Ponte’l Zurdu, La: Ponte sobre El Ríu’l Zurdu, en camín que lleva de La Degol.lada a Los Piñeiros. Cerca ta El Molín del Xastre.
Pontes, Las: Llugar que da nome a praos ya monte plantáu d’árboles del país. Ye varios vecinos de Las Tercenadas.
Pontigu, El: 1. Monte repobláu con ocalitu, pinu y carbayu. Ellí había una ponte, fecha con vigues, sobre El Ríu Arnizu, nel camín públicu, per onde cruzaben les caballeríes. Ta na llende con La Carboniel.la. Arnizu. 2. Prau y fonte en Riupinosu.
Pontiguín, El: Praos y montes a la vera El Ríu Pequenu, plantáu d’árboles del país. Pertenecen a varios vecinos. La Carboniel.la.
Pontón d’Arriba, El: Praos solanos que fan llende con Menudeiru. La Carboniel.la
Pontón de Baxu, El: Monte cuestu, con árboles del país, en La Carboniel.la.
Pontón, El: Monte en Menudeiru. Allí rozábase ganza y agora ta plantáu d’ocalitos, pinos ya árboles del país.
Porciegu, El: Prau y tierres que pertenecen a varios vecinos. Tán pa la parte’l solanu. Concernosu.
Portal, El: Prau asitiáu al llau mesmu del portal de Ca Barcelón, d’esta casa. El Val.lantsu.
Portiel.la, La: Prau en Los Rebol.lares.
Portil.lera, La: Nome xenéricu pa denomar lo que zarra la entrada de los praos. Busecu.
Pousa, La: Llugar onde posaben los muertos pa dicir el responsu y pa descansar. Baxaben per El Pinchu y pel camín de La Gal.lega. Busecu.
Poza Barreiru, La: Llugar que tenía dalgo de misteriu, porque cuando se pisaba fuerte sonaba güeco. Nel cruz de caminos que lleven a Funtanvia y a El Teixidal de Baxo.
Pozón del Pontigu, El: Pozu mui fondu y mui grande, n’El Ríu Arnizu, a la vera’l prau del mesmu nome. Arnizu.
Pozón, El: 1. Pozu n’El Ríu Riupinosu, no fondu d’El Coulabraña, llugar onde bañaben les oveyes enantes de tosquilales. 2. Pozu bastante fondu en La L.linera. 3. Banzáu n’El Ríu Caxóus. Va tiempu que lo llevó una riada. Ellí había una planta pa dar lluz. Caxóus.
Pozones, Los: Son unos cuantos pozos muy fondos, en cascada. Enfrente La Paradina, n’El Ríu Caxóus, ente La Paradina y El Ril.lón.
Pozos de la Barrera, Los: Pozos onde bebe’l ganáu. Llugar d’au se sacaba barru pa los fornos y pa les cases. Busecu.
Pozu Baleiru, El: Pozu asitiáu n’El Ríu Pequenu, a l’altura de Las Tercenadas. Ya un pozu mui fondu, negru y mui peligrosu, ente llastras, del que se cuenta dalguna lleenda. Al paecer ellí tiróse una muyer y dicen qu’a veces óyense gritos de les ánimes.
Pozu de la Veiguitina, El: Pozu d’onde se garra l’agua pa la traída de L.luarca. Nesti llugar había un banzáu que recoyía l’agua pa El Molín del Bataneiru y tamién un batán, que da nome a la casa. Según los informantes, posiblemente desapaeció nos primeros años del sieglu xx. Paladeperre.
Pozu l’Argayada, El: Pozu n’El Ríu Pequenu, en La Carboniel.la.
Pozu la Cabana, El: Pozu en Menudeiru.
Pozu la Caldera, El: Pozu n’El Ríu Pequenu, a l’altura del pueblu de Las Tercenadas
Pozu la Carril, El: Pozu que se formaba na fonte del mesmu nome, que namás corría n’iviernu. La Degol.lada.
Pozu la Foya, El: Pozu n’El Ríu Pequenu. Enantes había un banzáu pa dar agua a El Molín de Masimilianu. La Carboniel.la.
Pozu la Peña, El: Pozu en Caxóus, detrás de El Castiel.lu, enfrente L’Ablanal.
Pozu la Porquera, El: Pozu n’El Ríu Negru, mui solanu. Ellí ye’l llugar onde se baña la xente’l pueblu. Paladeperre.
Pozu la Ul.lera, El: Pozu xunto a Ca la Fonte. Yera onde poníen la nata pa enfrialo enantes de firilo y llueu la manteca a enfriar. En La Carboniel.la,
Pozu las L.lóndrigas, El: Pozu n’El Ríu Negru que nun ye mui fondu. La L.linera.
Pozu las Uveas, El: Pozu n’El Ríu Pequenu, onde bañaben a les oveyes pa llueu tosquilales.
Pozu Prietu, El: Prau pa la parte l’avisíu. Tien dalgunes fontes pero ye de secanu. Riupinosu.
Pozu Redondu, El: Pozu n’El Ríu l’Azureiru, cerca Ca’l Cernáu. Siñeiriz.
Pozu’l Banzáu, El: Pozu que daba agua a El Molín de Paulinu. Agora ta enllenu d’arena. La Carboniel.la.
Pozu’l Campu, El: Pozu nel llugar d’El Campu, en Zreizal, que se llenaba cuandu llovía.
Pozu’l Castru, El: Pozu asitiáu n’El Ríu Negru, en Los Rebol.lares, na zona nomada El Castru.
Pozu’l L.largatu, El: Pozu asitiáu a la vera El Prau Las L.lamuergas. La L.linera.
Pozu’l Reconcu, El: Pozu mui redondu y fondu, n’El Ríu Negru. Paladeperre.

Continuar a Toponimia de la Parroquia de La Montaña