Albergue
con la ayuda de: Consejería de Turismo y Cultura
 
Contador gratis

PARROQUIA DE LA MONTAÑA

Mª Esther García López

toponimia (página 1 - 2 - 3 - 4 - 5 - 6 - 7 )

Prádanos, Los: Eiros en Menudeiru, onde se sema ballicu, debaxo la carretera, a continuación de Los Val.lanchos.
Pradel.lín de Conrado, El: Monte plantáu d’árboles del país en Las Tercenadas.
Pradel.lín de Mingu, El: Prau avisíu en Las Tercenadas.
Pradín de la Ponte, El: Dos pradinos pequeños asitiaos y solanos xunta la ponte. El Mazu.
Pradín del Molín, El: Praos qu’agora tán de monte de castañales y umeiros y dalgún ocalitu. Ta asitiáu xunto a El Molín de La Carboniel.la.
Pradín, El: 1. Prau pequeñu asitiáu debaxo la era, plantáu de frutales: pesqueiros, perales, nisales, figal con una parra enzarzada ya zreizales. Pertenez a Ca’l Peceiru y ta asitiáu xunto a La Casa Vieya. La Degol.lada. 2. Tierra pequena, pal solanu y semada de maíz. Pertenez a Ca L.lera. Concernosu. 3. Prau a la vera El Pradón, avisíu y pa pación. El Mazu. 4. Prau a la vera Las Zreizales. Los Conqueiros. 5. Prau con una fonte nuna esquina pa beber les vaques, que secaba pel branu. Riusecu. 6. Prau amansiáu que foi monte. La L.linera.
Pradón de Pachón, El: Prau solanu que se riega del regueiru que baxa de La Ordovaga. Agora foise a monte. La L.linera.
Pradón, El: 1. Prau asitiáu en Las Cortes, de Ca Perdiz. 2. Prau debaxo Ca Xuanzái que pertenez a esta casa y que se regaba col agua del Santu Cristu. 3. Prau plantáu de noceos, corriente y nigra americanu pa madera, y castañales. La Carboniel.la. 4. Prau en en Busecu. 5. Un prau que se segaba pa secu y agora siégase pa silos, de Casa Cárcova. Concernosu. 6. Prau de regadíu d’El Ríu Pequenu, solanu y pa pación. El Mazu. 7. Praos de varios vecinos, de regadíu en tiempu d’iviernu, de La Fonte Fanchu y El Regueiru de La Ferreirona. Los Conqueiros. 8. Prau que pertenez a Ca’l Peiru na marxe drecha d’El Ríu Negru y a Ca Bárbola na marxe izquierda. Paladeperre. 9. En Prau pa segar ya ensilar, asitiáu pa baxo de Ca Mareites. Riupinosu. 10. Prau pal solanu que pertenez a Ca’l Umeiru. Siñeiriz. 11. Prau llanu, pa ensilar. Zreizal. 12. Prau mui pendiente, pa pación y pa segar, asitiáu arriba Ca Perán. Hai un molín, el de Manulón, y no mesmu exe que’l molín funcionaba la dinamu pa dar lluz a la casa del mesmu nome. N’El Ríu Modreiros. Riusecu.
Pralona Calea, La: Praos solanos en Las Tercenadas.
Pralona, La: Prau debaxo casa Carmelona, mirando pa Los Piñeiros. Enantes yeren cuatro tierres y montes de varios vecinos. Había abondes perales. Fontanavia.
Praos d’Albas, Los: Praos mui cuestos, pa la parte de baxo de la carretera, los primeros que s’atopen baxando pela carretera dende Belén. Menudeiru.
Praos de Barreiru, Los: Gran estensión de praos y monte, que pertenecen a varios vecinos de Los Rebol.lares, de La Degol.lada, de Los Teixidales, de La Ordovaga y de Fontanavia.
Praos de Buonu, Los: Praos llanos y de regadíu d’un banzáu d’El Ríu Riupinosu. Güei pertenecen a Ca’l Fidalgu y de Ca Mareites. Ellí había una casa antiguamente. Acabóse hacia’l añu 1900. Riupinosu.
Praos de la Chaxa, Los: Praos pa pastu y silu. Arnizu.
Praos del Azureiru, Los: Praos asitiaos nel llugar del mesmu nome. Fanse silos y páñase pa verde. Son de varios vecinos. Siñeiriz.
Praos del Ríu la Uz, Los: Praos en Godón que fan llende con El Ríu Caxóus, al que nomen nel so últimu tramu El Ríu la Uz.
Praos del Ríu, Los: Praos de varios vecinos, de regadíu d’El Ríu Pequenu. San Playu de Sesmu.
Prau Baxucasa, El: Prau en Busecu.
Prau Beizolón, El: Prau llanu, de regadíu d’El Ríu Riupinosu, con preses y a la vera’l ríu. Riupinosu.
Prau Calcabu, El: Prau xunto a El Ríu Negru pa la parte de Busecu. Pertenez a Ca’l Viñu y a Ca Carmelona. Fontanavia.
Prau d’Arriba Casa, El: 1. Prau cuestu, mui grande, secanu. Ta asitiáu pal avisíu, tou arrodiáu d’árboles, d’arriba Ca’l Carbayu. Riusecu. 2. Prau solanu n’Arnizu.
Prau d’Arriba la Fonte: Prau de Ca’l Peceiru. Ta asitiáu pela parte d’arriba de La Fonte’l Regueiru y pela parte de baxo de la carretera. Segábase pa seco y agora pa ensilar. La Degol.lada.
Prau d’Arriba, El: 1. Prau pa la marxe drecha d’El Ríu Negru. Paladeperre. 2. Prau en La L.linera. 2. Prau de Ca Pachín, asitiáu pela parte d’arriba de la casa. La Degol.lada 3. Prau de Ca Bastián, na marxe izquierda d’El Ríu Negru. Paladeperre.
Prau d’Arriba’l Camín, El: Prau con una peña en mediu. Busecu.
Prau d’Arriba’l Payar, El: Prau en Busecu.
Prau de Baxu, El: 1. Prau mui cuestu, pa ensilar, que pertenez a Ca’l Rondiel.lu y ta asitiáu per debaxo la casa. Fontanavia. 2. Prau y monte n’El Val.lantsu, a la vera’l ríu pela marxe drecha, xunto a El Prau’l Tronquéu, siguiendo la direición del ríu. Pertenez a Ca Barcelón. 3. Prau a la vera El Prau la Reguera, mui cuestu. Los Rebol.lares. 4. Praos y monte en Paladeperre. 5. Prau cuestu, solanu, pa pastos y pa silos. Caxóus. 6. Monte plantáu d’ocalitos ya pinos en San Playu de Sesmu.
Prau de Bouza, El: Prau solanu, que se riega con agua d’El Regueirón en Las Tercenadas.
Prau de Braña, El: Prau n’Arnizu a la vera una casa, con fontes y presa pa regar. Tien una fonte nel mediu, La Fonte la Braña, onde se llavaben les tripes cuando la matada.
Prau de Ca’l Redondu, El: Prau de regadíu, con banzáu propiu, asitiáu nel llugar onde había una casa del mesmu nome que quedó vacía hacia 1950. Riupinosu.
Prau de Casa Baxu, El: Prau solanu de regadíu con agües d’El Ríu Negru, pa ensilar. La L.linera
Prau de Casa, El: 1. Prau pa pastu y silu. Arnizu. 2. Prau de secanu, a la vera Ca Mareites. Riupinosu.
Prau de la Casa Vieya, El: Prau en Riupinosu. Antiguamente taba asitiada ellí la casa vieya de Ca’l Fidalgu.
Prau de la Felisa, El: Prau solanu, de regadíu d’El Ríu Negru. La L.linera.
Prau de la Foya, El: Prau xunto a El Ríu Pequenu, en La Carboniel.la. Agora ta a bravo, too de monte con árboles del país.
Prau de la Paradina, El: Prau de regadíu n’Arnizu. Toma l’agua d’El Regueiru’l Carcavín y siégase pa verde.
Prau de la Val.lina, El: Prau avisíu, pa pastiar. Arnizu.
Prau de Pinón, El: Prau avisíu conuna peña nuna esquina. Enantes yera de regadíu y agora pastóriase. N’Arnizu.
Prau de Ramón, El: Praos d’un vecín d’El Teixidal d’Arriba, anque en terrén de Las Tercenadas.
Prau de Rondu, El: Prau en Godón. Nesti prau, según los informantes, hai restos romanos.
Prau de Solacorte, El: Prau de secanu, asitiáu pal avisíu. Riupinosu.
Prau de Solcampón, El: Prau de La Casa Baxu asitiáu en San Salvador. Los Rebol.lares.
Prau de Veigal.longa, El: Prau de regadíu col agua d’El Ríu Modreiros. Ellí hai un molín de dos vecinos que molió aproximao hasta 1970. Tenía gran caída pal agua y molía mui bien. Riusecu.
Prau Debaxucasa, El: 1. Prau en Busecu. 2. Prau secanu pa pación. Ye mui pendiente y ta separáu d’El Pradón por una paré. Riusecu.
Prau del Bruscu, El: Prau n’Arnizu, a la vera El Monte’l Bruscu y pa silu. Tien parte pal solanu y dalgo pal avisíu.
Prau del Bruscu: Prau a la vera El Monte’l Bruscu, pa facer silu. Tien parte pal solanu y dalgo pal avisíu. Arnizu.
Prau del Cabu, El: Praos zarraos de paré. Arnizu.
Prau del Canéu, El: Prau d’un vecín d’El Teixidal d’Arriba, anque en terrén de Las Tercenadas.
Prau del Cortín, El: Prau onde había un cortín que yá nun esiste. Per una parte con parede y pela parte d’arriba, peña. N’Arnizu.
Prau del Couz, El: 1. Prau de secanu, solanu. Riupinosu. 2. Prau pa pastiar n’Arnizu.
Prau del Fondeiru, El: Prau metíu nuna fondonada, na llende col monte del mesmu nome. Pa pastiar. Arnizu.
Prau del Mazón, El: Prau solanu pa pación. Ta na marxe izquierda del ríu y al llau d’arriba taba’l mazu. Tovía se conserva la presa que toma agües d’El Ríu Negru. El fierro traíenlo de la ferreiría de Parl.leiru y equí forxábenlo. Paez ser qu’equí hai un filón de fierro que llega a L.lendelfornu. El Mazu.
Prau del Mediu, El: Praos zarraos de parede. Arnizu.
Prau del Noceiru, El: Prau pa pastiar. Tien un nocéu mui grande en picu. Arnizu.
Prau del Pleitín, El: Prau pa pación. Arnizu.
Prau del Pontigu, El: 1. Prau de regadíu, con una fonte del mesmu nome. Riupinosu. 2. Prau n’Arnizu. Atraviésalu’l camín que lleva a Belén.
Prau del Rebol.lal, El: Prau n’Arnizu.
Prau del Sucu, El: Prau pa pación. Arnizu.
Prau del Tarabicu, El: Prau pa ensilar que pertenez a la casa del mesmu nome. Arnizu.
Prau del Xardín, El: Prau avisíu que yera de regadíu, pero una riada llevó’l banzáu y agora nun lu rieguen. La L.linera.
Prau del Zarru, El: Prau mui cuestu en Riupinosu.
Prau Detrás, El: Prau que ta detrás de les cases. Tres d’esti prau hai unos carbayos que tienen munchos años. Caxóus.
Prau Detrasdecasa, El: Prau en Busecu.
l, El: 1. Prau en Busecu. 2. Prau pa pastu y silu. Arnizu.
Prau Gregoriu, El: Prau solanu, de regadíu con agua d’El Ríu Negru. La L.linera.
Prau l’Adráu, El: Prau avisíu, de regadíu con agua d’El Ríu Riupinosu. Riupinosu.
Prau l’Arbedal, El (~ El Prau l’Irbidal): Prau no fondu La L.lomba’l Cáscaru, debaxo’l camín y xunto al prau La Pasada, que llega hasta’l ríu. Primero yera de Ca Bernaldu y agora ye de Ca Soma. Concernosu.
Prau l’Etrón, El: Prau en Concernosu.
Prau l’Outeiru la Ponte, El: Prau n’El Val.lantsu, con una fonte del mesmu nome que de branu da l’augua frío y n’iviernu dalo caliente. Ellí llevaben enantes la manteca a enfriar. Yera ul.lera.
Prau la Beizuola: Prau a continuación d’El Beizolón. Ye regadíu de banzáu propiu, onde taba La Planta la Lluz. Riupinosu.
Prau la Braña, El: Prau que primero perteneció a Ca’l Manzanu, y agora ya de Ca’l Siell.lu. Ye un prau avisíu y ta asitiáu a la vera El Prau la Pasada. Ye sitiu de pasu. Concernosu.
Prau la Caleyya, El (~ El Prau la Caleya): Prau solanu que pertenez a Ca Barcelón, asitiáu na marxe drecha d’El Ríu Negru. ElVal.lantsu.
Prau la Casavieya, El: Prau llanu depués de La Braña, que se riega col agua d’un banzáu. Riupinosu.
Prau la Castañal, El: Prau en Riusecu onde hai una fonte de Ca Manolín, con escritura, anque la finca yera d’otru vecín. Yera una ul.lera que pertenecía a Ca Perán.
Prau la Ceniza, El: Prau de Ca’l Peceiru, regadíu. Riégase con agua d’El Ríu’l Zurdu y echáben-y ceniza p’abonalu. La Degol.lada,
Prau la Chistosa, El: Prau de regadíu que pertenez a Ca Bastián de Los Piñeiros. Garra l’agua del regatu del mesmu nome.
Prau la Corte Moroza, El: Prau solanu onde taba La Corte Moroza. La L.linera.
Prau la Cuosta, El: 1. Prau secanu. Mui cuestu, ye casi una fana. Riupinosu. 2. Prau en Busecu.
Prau la Ermita, El: Prau dando cara a la capiella de San Xuan, per debaxo Ca’l Palaciu. Los Piñeiros.
Prau la Fana, El: Dos praos mui cuestos en Riupinosu.
Prau la Faya, El: Prau en Busecu.
Prau la Fayona, El: Prau de regadíu d’El Ríu Pequenu. El Mazu.
Prau la Fonte, El: 1. Prau con una fonte nomada La Fonte de Baxu. La Ordovaga. 2. Prau onde s’asitia La Fonte la Gal.la. De regadíu d’un banzáu propiu. Riupinosu. 3. Prau n’El Val.lantsu onde mana La Fonte’l Beneitu. Ye solanu y abondo cuestu. 4. Prau avisíu onde hai una fonte que yera ul.lera. Nun seca en tol añu y d’ella traise l’agua pa una casa del pueblu. Nel prau tamién hai otra fonte que seca pel branu. Arnizu.
Prau la Gal.la, El: Prau de secanu asitiáu a la vera El Prau’l Zarru, con La Pena Negra en mediu. Riupinosu.
Prau la Gamayyosa, El (~ El Prau la Gamayosa): Prau debaxo de Ca’l Xuliu. Busecu.
Prau la Gruoba, El: Prau siguiendo la marxe drecha d’El Ríu Negru, a continuación d’El Prau de Baxu. Ya de Ca Barcelón y equí ta El Molín de la Gruoba, que pertenez a esta casa. El Val.lantsu.
Prau la Guorta, El: 1. Prau en Busecu. 2. Prau solanu. Na parte d’arriba tien un pedazu de monte con munches mimoses. Equí ta asitiáu’l molín, agora en ruines, y la planta la lluz. El Mazu.
Prau la L.laguna, El: Prau mui grande, pela parte d’arriba mui llanu y pa la parte de baxo un poco más cuestu. Ta asitiáu pal solanu. Concernosu.
Prau la L.lama, El: Prau de regadíu. Riupinosu.
Prau la L.lomba, El: Prau de regadíu en Riupinosu.
Prau la Nuol.la, El: Prau mui cuestu asitiáu pal avisíu. Dicen qu’en cuanto se siega siempre llueve porque «siente l’agua». Pertenez a Ca’l Manzanicu. Concernosu.
Prau la Pasada, El: 1. Prau pa la parte l’avisíu, xunto a Ca’l Bernaldu. Del mediu pa baxo ye de regadíu. Concernosu. 2. Prau de regadíu en Riusecu.
Prau la Pena, El: Prau en Concernosu.
Prau la Pena’l Couz, El: Prau solanu, pa pastiar. Arnizu.
Prau la Perdiz, El: Prau secanu. Riupinosu.
Prau la Pierna, El: Prau xunto a Ca’l Viñu. Fontanavia.
Prau la Planta, El: Prau en Riupinosu, debaxo d’El Prau la L.lomba.
Prau la Ponte, El: 1. Prau con una ponte sobre El Ríu Negru. Ye regadíu, parte solanu y parte avisíu, y pertenez a Ca Barcelón. El Val.lantsu. 2. Prau n’El Mazu, xunto a la ponte sobre El Ríu Siñeiriz, en Las Fenosas. Yera de regadíu. Agora riégase con olinos y siégase pa verde. 3. Yera prau de regadíu con agua d’El Ríu Pequenu, qu’agora ta de monte. Los Conqueiros.
Prau la Ponte’l Manzanu, El: Prau debaxo Ca L.lera. Hai una ponte sobre El Ríu Negru en mesmu llugar. Pertenez a Ca’l Manzanu. Concernosu.
Prau la Porquera, El: Prau xunto a El Ríu Negru, na marxe izquierda del ríu. Paladeperre.
Prau la Puente, El: Prau n’Arnizu. Atraviésalu’l camín vecinal que lleva a Belén.
Prau la Reguera, El: Prau de regadíu ya avisíu. Siégase pa verde ya pa silu y ta asitiáu na marxe izquierda d’El Ríu Negru. Pertenez a Ca Mingu. Ta frente a La Pasada, a continuación d’El Pradel.lín. El Val.lantsu.
Prau la Rocina, El: Prau solanu, dedicáu a yerba pa seco y agora pa silos. Perteneció a Ca’l Ferruyu y agora pertenez a Ca’l Florentu. El Val.lantsu.
Prau la Roza, El: 1. Prau pa segar en verde n’Arnizu. 2. Prau de Ca Mingu n’El Val.lantsu.
Prau la Silviel.la, El: Prau ente’l monte de El Val.lín y L’Artosa que se siega pa silu. Arnizu.
Prau la Vecera, El: Prau de regadíu que toma l’agua d’un banzáu. Riupinosu.
Prau la Veiga de los Pumares, El: Prau y monte asitiaos pal solanu. Siégase pa yerba seco y agora tamién pa silu. Pertenez a Ca’l Florentu. Concernosu.
Prau la Veiga, El: 1. Prau en La Carboniel.la. 2. Prau que pertenez a Ca’l Xastre a continuación d’El Prau de Debaxocasa. En La Degol.lada.
Prau la Veiga’l Mazu, El: Prau n’El Val.lantsu avisíu. Ye de regadíu d’El Ríu Negru y de Las Corradas.
Prau la Vuolta, El: Prau en Riusecu. Pasa’l camín pel mediu pa dir pa Modreiros.
Prau las Bedules, El: Prau n’El Val.lantsu, asitiáu pa la parte d’arriba del pueblu, per debaxo la carretera.
Prau las Cavadas, El: Prau y monte en Riusecu. Na parte d’arriba ta El Zarru’l Mediu, plantáu de pinos, y dalgún ocalitu. Ellí hai un cortín d’abeyes. Ta asitiáu pal solanu, con una presa pa regar.
Prau las Corradas, El: Un prau avisíu, regáu pel regatu del mesmu nome. Siégase pa verde y ye de Ca’l Siel.lu. Concernosu.
Prau las Escabadonas, El: Prau solanu en San Playu de Sesmu, más bien llanu.
Prau las Guortas, El: Prau a continuación de L’Arbedal, avisíu. Concernosu.
Prau las L.lamuorgas, El: Prau en la L.linera, xunto a La Ponte Riupinosu.
Prau las Mestas, El: Prau pa verde, asitiáu pal solanu y con una parte de regadíu. Ye de Ca’l Manzanicu y de Ca L.lera. Concernosu. Pasa pel mediu El Regueiru las Mestas.
Prau las Siel.las, El: Prau que pertenez a xente de Siñeiriz. Concernosu.
Prau los Penedinos, El: Prau n’El Val.lantsu más p’acá de Ca Barcelón, mui cuestu. Primero yera eiru y agora ta de prau.
Prau Noval, El: Prau regadíu con agua de La Fonte Baxu. La L.linera.
Prau Nuevu, El: 1. Praos de regadíu de varios vecinos asitiaos xunto a El Ríu’l Zurdu que los riega pasando primero per Las Chanas, El Ribón ya Los Payarones. El que pertenez a Ca la Cruz ta yá más cerca de la desembocadura d’El Zurdu. La Degol.lada. 2. Prau en Busecu. 3. Prau de regadíu en Riupinosu.
Prau Outeirín, El: Prau n’El Val.lantsu pela marxe izquierda d’El Ríu Negru. Pela parte d’arriba hai un monte del mesmu nome que xube hasta El Picu’l Regueiru la Cárcava. Pertenez a Ca Barcelón.
Prau Pachón, El: Prau solanu de regadíu con agua d’El Ríu Negru que se foi a monte porque pertenecía a Ca Pachón de La Ordovaga, que s’acabó a últimos del sieglu xx. La L.linera.
Prau Ramón, El: Prau en Fontanavia que fai llende con El Ríu Negru. Riégase con agua d’El Regueiru’l Zurdu que baxa de La Degol.lada.
Prau Solacorte, El: Prau pa pastiar n’Arnizu. Había una corte pa guardar les oveyes nel picu.
Prau Solmolín: Prau en Concernosu. Había antiguamente un molín, que tenía la canal d’un maderu. El prau ta más arriba del molín. Pertenez a Ca’l Val.lantsu.
Prau Xuntacasa: Prau pa pación y pa yerba, llanu, de regadíu y solanu, xunto a El Ríu Riusecu, que naz en La Pasada y desemboca n’El Ríu Modreiros, nel llugar de Veigal.longa. Riusecu.
Prau, El: Prau solanu asitiáu na Vil.la de Baxu en Las Tercenadas. Nel mediu’l prau tien una fonte, La Fonte’l L.lindión.
Prau’l Bosque, El: Prau de regadíu asitiáu xunto a El Ríu’l Zurdu, onde ta El Molín del Xastre. Fai llende con El Camín de la Iglesia y ye de Ca’l Xastre. Utilízase pa verde ya pa seco. La Degol.lada.
Prau’l Bruscu, El: Un prau mui cuestu, tien parte pal avisíu y parte solanu y ye de regadíu. Ellí había antiguamente una casa del mesmu nome: La Casa los Bruscos. Agora pertenez a Ca’l Tendeiru y a Casa L.lera. 2. Prau facer silu, asitiáu a la vera’l monte Bruscu Tien parte pal solanu y dalgo pal avisíu. En Arnizu.
Prau’l Cabeiru, El: Prau en Busecu.
Prau’l Caleyu, El (~ El Prau’l Caléu): Prau metíu nun regueiru, con arboleda, asuberbiáu. Riusecu.
Prau’l Camín, El: Prau debaxo’l camín que lleva de Belén a La Degol.lada.
Prau’l Carbayón, El: 1. Prau a la vera El Ríu Negru, avisíu, de regadíu y mui llanu. Concernosu. 2. Prau n’El Mazu. Dicía la xente que nesti prau hai un tesoru escondíu, una conca d’oru, y que les lleendes tán guardaes en Siñeiriz en Ca l’Ucéu. P’atopar el tesoru hai que llabralu con unos gües ximielgos. Ta too enlleno de peñascos y ellí miedren unos carbayones
Prau’l Cortín, El: Prau solanu perteneciente a Ca Barcelón. Fai tiempu había un cortín de forma ovalada, agora en ruines. El Val.lantsu.
Prau’l Couz, El: 1. Prau pel camín de La Val.lina d’Alba, pal solanu y de secanu. Menudeiru. 2. Prau y corte del mesmu nome. Riupinosu.
Prau’l Cura, El: 1. Prau en Busecu. 2. Prau que ta subiendo per El Camín de la Iglesia, a la vera La Fontona, onde naz El Regueirón. Fontanavia. 2. En Belén, prau detrás de la iglesia.
Prau’l Forcón, El: Prau asitiáu a la vera’l camín que lleva a Riupinosu. Paladeperre.
Práu’l Furacón, El: 1. Prau en La Degol.lada de Ca Pachín. Llámase asina porque dicen qu’hai un furacón que lu atraviesa per debaxo. Según una lleenda que cuenten los informantes: «Si se l.labra con unos buois ximielgos toparáse’l tesoru qu’escondieron eil.lí los moros: unos buois d’oru». 2. Prau en Riupinosu.
Prau’l Guortu, El: Prau solanu y de secanu. Riupinosu.
Prau’l L.loureiru, El: Prau a continuación y pa la drecha d’El Prau’l Mediu. Riusecu.
Prau’l Mazu: Prau de regadíu d’El Ríu Pequenu y d’El Regueiru los Umeiros. Nesti llugar hubo antiguamente un mazu. Los Conqueiros.
Prau’l Mediu, El: 1. Prau en Busecu. 2. Prau solanu pa pación. Riusecu.
Prau’l Molín, El: 1. Prau de regadíu con augua d’El Ríu Pequenu pela parte l’avisíu, de Ca Pachín. La Degol.lada. 2. Prau solanu que se riega con agua d’El Ríu Negru. Utilízase pa facer silu. El Mazu. 3. Prau xunto a El Molín del Xastre, que fai llende con El Ríu’l Zurdu y con El Camín de la Iglesia. Ye de Ca’l Xastre y ta pa verde y pa seco. La Degol.lada. 4. Prau cuestu asitiáu a la vera El Molín de Ca’l Siel.lu qu’agora yá nun muel. Concernosu. 5. Prau avisíu n’El Val.lantsu. 6. Prau que se riega cola presa’l molín. Barceda. 7. Prau asitiáu cerca del ríu. Pasa’l camin pel mediu y pa un llau ye de secanu y pal otru de regadíu. Riusecu.
Prau’l Mungu: Prau ente El Zarru y La Ponte, nel llugar d’El Mazu.
Prau’l Noráu, El (~ El Prau’l Loráu): Prau xunto a El Ríu Negru, mui llanu y de regadíu, de Ca’l Noráu. Concernosu.
Prau’l Porciegu: Prau solanu con una parte cuesta ya una llana. Pertenez a Ca’l Manzanu. Concernosu.
Prau’l Portal, El: Prau n’El Val.lantsu, asitiáu mesmamente al llau de Ca Barcelón, con bien de teixos, carbayos y bidules.
Prau’l Pozón: Prau solanu, anque abondo sombríu, al dar poco’l sol porque ta asitiáu a la vera’l ríu. Ye pa pastiar. Barceda.
Prau’l Puntigu, El: Prau de regadíu con banzáu propiu. Riupinosu.
Prau’l Rebol.lar, El: Prau de regadíu, pa ensilar. La L.linera.
Prau’l Regueiru, El: 1. Prau de regadíu n’iviernu, con preses. Un cachu ta pa segar verde y otru plantáu d’ocalitos. Nesti prau hai una fonte que yera ul.lera, con una parede con una llábana encima y puerta de madera, d’au se saca la traída d’agua pa casa. Ellí enfriábase la nata y la manteca: empozaba l’agua y allí poníase la olla a enfriar. Arnizu. 2. Prau en La L.linera. 3. Prau solanu, ye de secanu. Riupinosu. 4. Prau que pertenez a Ca’l Xastre. Ta asitiáu na parte d’abaxo de la fonte del mesmu nome y riégase col agua de La Fonte’l Regueiru, agora con munchu menos caudal dende que la soterró una fana. Cuando había llena baxaba un regueiru pel mediu’l prau hasta El Ríu’l Zurdu. La Degol.lada. 5. Tierra de l.labor a la mesma vera del prau. La Degol.lada. 6. Prau de regadíu d’El Regueiru Los Tayos. Los Conqueiros.
Prau’l Ríu, El (~ El Prau l’Augua): 1. Prau n’El Val.lantsu, asitiáu a la vera’l molín ya’l batán. 2. Prau na marxe drecha d’El Ríu Negru, pal solanu. Concernosu. 3. Prau plantáu de castañales, a la vera El Ríu Pequenu y monte con árboles de ribera, asitiáu pal avisíu pela marxe drecha d’El Ríu Pequenu. La Carboniel.la. 4. Llugar onde taba La Planta la L.luz. Caxóus. 5. Prau llanu, de regadíu, que toma l’agua d’un banzáu. En Riupinosu, a la vera la Casa vieya.
Prau’l Siel.lu, El: Prau avisíu, onde había un payar ya una corte con vaques. Concernosu.
Prau’l Tesu, El: Prau solanu, que xunto con El Prau la Braña formen una llombina. Ye de Ca’l Siel.lu. Concernosu.
Prau’l Zarru, El: Prau de secanu que tuvo zarráu tou de parede y qu’agora tien zarru namás que per ún de los llaos. Riupinosu.
Preil.lín El (~ El Pradeil.lín): Prau asitiáu na marxe drecha d’El Ríu las Corradas, pa la parte’l solanu. Ye un prau pa seco que tien forma de llombu. Foi de Ca Bernaldu y agora ye de Ca’l Siel.lu. Concernosu.
Premel.las, Las: Praos solanos que formen parte de la sienra. Zreizal.
Presas, Las: Prau de regadíu y monte d’árboles del país, carbayos y bidules. Los Conqueiros.
Presona, La: Prau en La Chana, de Ca’l Peceiru. La Degol.lada.
Puceirona, La: Praos pa pación y tamién pa ensilar en San Playu de Sesmu.
Puente la Veiga, El: Ponte de dos arcos sobre El Ríu Negru, que daba pasu a El Prau Calcabu y a El Monte’l Veiguchu. Fontanavia.
Pumar, El: Prau solanu, mui pequeñu, pa pación. El Mazu.
Pumariega, La: 1. Prau solanu y cuestu en Los Rebol.lares. 2. Cruz de caminos en Menudeiru, no mesmu mediu’l pueblu, onde se xuntaba la xente pela tarde ya después de la xanta. 3. Prau todo plantáu de frutales. Fontanavia.
Punta la Carril, La: Llugar onde acaba una carril. Busecu.
Puntiguín, El: Prau de regadíu con agües d’El Regueiru la Cruz. Los Conqueiros.

Continuar a Toponimia de la Parroquia de La Montaña