Albergue
con la ayuda de: Consejería de Turismo y Cultura
 
Contador gratis

PARROQUIA DE LA MONTAÑA

Mª Esther García López

toponimia (página 1 - 2 - 3 - 4 - 5 - 6 - 7 )

Queimada, La: Monte en Los Rebol.lares. Primero llamóse El Rel.layu.
Queixarinos, Los: Prau asitiáu pal solanu en Las Tercenadas, de Ca Fanchín y de Ca Conrado.
Quintos, Los: Primero eiros y agora praos, a la vera Los Chanos, lleguen hasta la vera les cases. Menudeiru.
Rabateiru, El: Monte de varios vecinos, plantáu d’árboles de ribera, que fai llende con El Ríu Pequenu. La Carboniel.la.
Raigada, La: Monte de suertes en Siñeiriz, ente El Regueiru la Bermea y El Regueiru que baxa de L’Umeiru.
Raposeras, Las: Praos de pastu y silos al naciente qu’enantes foron tierres de llabor. Tán asitiaos pal picu’l pueblu de Zreizal
Rasa, La: Monte que ta pa la parte del solanu. Parte ta de tierra y parte plantáu de pinos. Los Rebol.lares.
Rebol.la, La: Peñes y pel mediu un carreiru estrechu. Riupinosu.
Rebol.lal, El: 1. Monte comunal plantáu d’ocalitu, en llende con Las L.leras. Enantes taba todo de toxos y ye terrén con muncha peña y poca tierra. Arnizu. 2. Prau pal solanu qu’enantes yera tierra de llabor. Los Conqueiros.
Rebol.lar, El: Casa en Los Rebol.lares. Nesta casa hai una capilla n’honor de San Ramón.
Rebol.lares, Los: Pueblu de la parroquia, asitiáu pa la parte de baxo de la carretera después de pasar Belén, güei con cuatro cases habitaes.
Rebul.lar, El: Prau de secanu y tierra. Na tierra sémase maíz ya ballicu. Los Conqueiros.
Rebul.losa, La: 1. Monte raso en Busecu. 2. Monte raso asitiáu cerca de Paladeperre, con una fonte del mesmu nome onde bebía’l ganáu. Hai siempre agua y una charca. Riusecu. 3. Suerte de monte en Veigal.longa, cerca de Riusecu. San Playu de Sesmu. 4. Prau pa seco. Ta asitiáu en La L.lomba’l Cáscaru, cerca Ca Bernaldu. Enantes yera monte de toxos. Concernosu.
Recatón, El: Monte dividíu en suertes. Pertenez a los vecinos de Las Tercenadas.
Reconcu, El: Llugar d’El Ríu Negru, onde’l ríu fai una vuelta de casi un kilómetru, como si fuera una conca. Ellí hai un banzáu d’onde garren l’agua pa la traída de L.luarca. Nesti tramu del ríu ta El Molín del Bataneiru, que yera de maquila, y tamién taba asitiada La Planta la L.luz, de la que se conserva tovía la caseta, y que daba lluz a 52 vecinos de la parroquia: de La Ordovaga, Los Teixidales, Belén, La Carboniel.la y Los Conqueiros. Paladeperre.
Recu, El: Prau de regadíu, compartíu ente Ca Pachón y Ca Pasarón, según la estensión del terrén: el que tenía’l cachu prau más grande tocába-y más tiempu de regar. Los Conqueiros.
Redondu, El: Prau de secanu, solanu, asitiáu en La Carboniel.la.
Refierta, La: 1. Monte plantáu d’árboles, que pertenez a Menudeiru ya fai llende con El Ríu Pequenu. 2. Regueiru que desemboca n’El Ríu Pequenu. Ye un monte y un regueiru:
Regatos, Los: Monte raso, carcavones penriba La Corte la Gavela. Busecu.
Regueirín, El: 1. Camín y praos en Busecu. 2. Regueru que vierte n’El Regueirón. La Carboniel.la. 3. Prau en Busecu.
Regueirina, La: 1. Fonte en camín, n’El Teixidal de Baxu. Tien llavaderu y bebederu y ta xustamente a la vera la carretera que lleva de L.luarca a Villayón. 2. Regueru que naz n’El Zarru los Pinos, onde la suerte de La Regueirina que ye monte. Tamién ta equí La Fonte la Regueirina. Zreizal. 3. Fonte en terrén de Los Rebol.lares, más p’abaxo de La Casa Baxu.
Regueirón, El: 1. Regueiru que vierte n’El Ríu Pequenu. Ente ésti y El Regueiru la Fontina ta’l pueblu de Las Tercenadas. 2. Un monte asitiáu nesta zona, pa la parte de baxo d’El Recatón. 3 regueiru que pasa per La Casa de Baxu, en Los Rebol.lares, nel llugar de San Salvador. 4. Prau y monte en San Salvador. 5. Monte que ta a contiuación de Las Corripas, plantáu de pinos d’Holanda. Caxóus. 6. Monte a bravo en San Playu de Sesmu. 7. Regueiru que fai llende ente Zreizal, La Carboniel.la y Menudeiru.
Regueirona, La: 1. Llugar con llamuerga debaxo El Cadaval, n’El Camín de la Iglesia, que llega hasta El Prau la Fonte. Siñeiriz. 2. Regueiru que naz en La Sierra de Zreizal y pasa peles finques de Menudeirupa desembocar a El Ríu Pequenu. Zreizal. 3. Regueiru que baxa d’El Val.le La Gal.lega en Busecu y vierte n’El Ríu Negru.
Regueirones, Los: Monte y praos, dalgunos estremaos con parede. El monte ta plantáu de pinos y los praos son pa pastos, con regadíu La Fonte Pernales. D’esta fonte tienen la traída d’agua pal pueblu. San Playu de Sesmu.
Regueiru Brañavieya, El: 1. Regueru que naz n’El Campu Cernuda y desemboca n’El Ríu Arnizu. La Carboniel.la. 2. Regueru que pasa pel mediu los praos del mesmu nome, en Los Conqueiros.
Regueiru Chanu’l Buei, El: Regueru que naz detrás del pueblu de Las Tercenadas y ye afluente d’El Ríu Pequenu. Ye un regueiru de mal tiempu, que lleva agua cuando llueve muncho.
Regueiru d’Anxelín, El: Regueiru en La Carboniel.la, más abaxo de La Rocica, dende la so nacencia hasta Ca Anxelín.
Regueiru de Cou los Salgueiros, El: Regueru en Riupinosu.
Regueiru de don Pedru, El: Regueru y fonte del mesmu nome en La Carboniel.la.
Regueiru de Fontenegra, El: Regueru en Riupinosu.
Regueiru de L.lamabona, El: Regueru que naz nel monte del mesmu nome y vierte a El Ríu Pequenu. Hai una ponte del mesmu nome. Menudeiru.
Regueiru de l’Argayada, El: Regueru que naz en La Fonte Grande. Menudeiru.
Regueiru de la Cabana, El: Regueru que naz en monte del mesmu nome y desagua n’El Ríu Pequenu, pela marxe drecha. Menudeiru.
Regueiru de la Fontina, El: Regueru que vierte n’El Ríu Pequenu, un poco más p’arriba d’El Molín de Pachín. Fai llende col monte del mesmu nome. Las Tercenadas.
Regueiru de la Regueirina, El: Regueru de mal tiempu en Zreizal.
Regueiru de la Reguera, El: Afluente d’El Ríu l’Azureiru, debaxo La Capilla de la Blanca en Siñeiriz.
Regueiru de los Umeiros, El: Afluente d’El Ríu Pequenu. Ente Los Conqueiros y Las Tercenadas.
Regueiru de Picuverde, El: Regueru que fai llende col pueblu de Los Conqueiros. Desemboca n’El Ríu Pequenu. Las Tercenadas.
Regueiru del Acebu, El: Regueru que fai llende ente los terrenos de La Carboniel.la y Zreizal. Vierte n’El Ríu d’Arnizu.
Regueiru del Bulañu, El: Regueru que naz en La Bouzona y amiéstase a El Ríu Negru nel llugar d’El Mazu. D’esti regueiru ye la traída pa les escueles, pa dalgunos vecinos y pa Los Piñeiros. Siñeiriz.
Regueiru del Carcavín, El: Regueru de mal tiempu n’Arnizu. Naz en La Fonte’l Borriquín, que ye fonte más bien d’iviernu, cerca El Picu’l Cordel. Desemboca n’El Ríu Arnizu y pasa per El Zarrón.
Regueiru del Corripín, El: Regueiru que naz debaxo’l pueblu de Zreizal, y desemboca nel ríu de Caxóus.
Regueiru del Fanón, El: Regueru que naz nuna fonte n’Arnizu, en terrén mui argayoso. Desemboca n’El Ríu Arnizu.
Regueiru del Garfiu, El: Regueru que naz en La Bermea, p’arriba de la carretera que lleva a El Sagredal y a Villayón. Desemboca n’El Ríu’l Bulañu. Siñeiriz.
Regueiru del Ribón, El: Regueru que naz na fonte de Menudeiru y desemboca n’El Ríu Pequenu pela marxe izquierda; baxa pela finca nomada El Ribón.
Regueiru del Zarrín, El: Regueru que desemboca n’El Ríu Pequenu. Las Tercenadas.
Regueiru l’Acebu, El: Regueru na llende con La Carboniel.la. Desemboca n’El Ríu de Caxóus. Zreizal.
Regueiru l’Alba, El: Regueru continuación d’El Regueiru’l Cadul.lu. Menudeiru.
Regueiru l’Ánxel, El: Un regatu afluente d’El Ríu Grande que cruza Los Piñeiros. Naz en La Fonte la Pruída, pa la parte d’arriba d’El Camín del Sagredal a La Montaña, pasa per El Penéu del Ánxel, La Fonte los Piñeiros y El Feu y desemboca n’El Ríu Negru.
Regueiru l’Azureira, El: Regueru que naz nos montes de L.lamabona, en La Ordovaga, y desemboca n’El Ríu Pequenu na marxe drecha.
Regueiru l’Outeirín, El: Regueru afluente d’El Ríu Negru pela marxe izquierda. El Val.lantsu.
Regueiru la Carcavina, El: Regueru que naz a la izquierda d’El L.lamón y vierte n’El Regueiru’l Sanguñal. Riupinosu.
Regueiru la Cruz, El: Regueru que vierte agües a El Ríu Pequenu. Na llende con Los Conqueiros. La Carboniel.la.
Regueiru la Curuxa, El: Regueru que fai llende ente Menudeiru y La Carboniel.la y El Pontón. Naz n’El Chanín, nel monte La Raposera, en Zreizal y desemboca n’El Ríu Pequenu.
Regueiru la Fonte, El: Regueiru que naz na fonte’l pueblu, en Las Campas, y desemboca n’El Ríu Negru. Paladeperre.
Regueiru la Gal.lega, El (~ El Regueiru la L.lanetona): Regueru que naz no fondu’l monte La Plana. Concernosu.
Regueiru la L.lameirona, La: Regueru que naz debaxo de Zreizal y vierte n’El Ríu Caxóus.
Regueiru la Palomba, El: Regueru que naz na sierra, en Las Cortadas, a la vera’l monte El Castiel.lu. Desemboca n’El Ríu de Caxóus. Zreizal.
Regueiru las Colmenas, El: 1. Regueru que seca de parte branu y vierte agües a El Ríu Caxóus. A la vera asitiábase un cortín que tuvo hasta cien truébanos. Agora, anque tovía esiste’l cortín, tien solo nueve. Caxóus. 2. Regueru que vierte n’El Regueirón, en La Carboniel.la.
Regueiru las Cruces, El: Regatu que cuerre per La Regueirona. Concernosu.
Regueiru las Escudiel.las, El: Regueru que naz en monte del mesmu nome ya desemboca n’El Ríu Pequenu. Menudeiru.
Regueiru las Regueironas, El: Regueru que baxa d’El Faéu, n’El Val.lín. Naz na sierra d’El Val.lín y vierte n’El Ríu Caxóus.
Regueiru las Regueras, El: 1. Regueru en Riupinosu. 2. Regueru en Siñeiriz.
Regueiru los Penedones, El: Regueiru que fai llende con Los Conqueiros y desemboca en El Ríu Pequenu.
Regueiru los Tayos, El: Regueru que naz en Picuverde y desemboca n’El Ríu Pequenu.
Regueiru los Torneiros, El: Regueru que naz en La Gruoba y desemboca en La Ponte’l Vil.lar, n’El Regueiru’l Carcavón. Siñeiriz.
Regueiru los Tornos, El: Regueru que desemboca n’El Ríu Pequenu y naz nuna fonte nel valle qu’hai más abaxo de Ca Pachín; vierte n’El Ríu Negru. La Ordovaga,
Regueiru Pernales, El: Regueru que lleva l’agua a El Ríu Negru. Cruza la carretera de La Montaña, con una alcantariella. San Playu de Sesmu.
Regueiru Piedrasbonas, El: Nacimientu d’El Ríu Pequenu, debaxo La Sierra Panondres. Las Tercenadas.
Regueiru Val.lina d’Alda, El: Regueiru en Menudeiru. Naz nel llugar llamáu La Focarona, p’hacia Godón, nos montes de Menudeiru. Riega les finques del mesmu nome. Desemboca n’El Ríu la Uz.
Regueiru, El: 1. Regueru na llende cola braña de Busecu. Concernosu. 2. Regueru en La L.linera, que naz en La Fonte de Baxu en La Ordovaga y vierte n’El Ríu Negru. 3. Regueru que naz nos montes de Los Paranones. Recueye agua d’estos montes, que fan vaguada. Paladeperre.
Regueiru’l Carcavón, El (~ El Ríu’l Carcavón): Afluente d’El Ríu l’Azureiru. Naz en La Campona y traen d’él l’agua pal pueblu. Siñeiriz.
Regueiru’l Couzapín, El: Regueru que naz n’El Val.lín en Ca’l Estremadoiru y per una parte fai llende con Caxóus. Desemboca n’El Ríu Caxóus. Según testimoniu de los informantes había equí un acueductu romanu, sobre El Ríu Caxóus, que tresportaba agua pa los praos de Casa la Modrera y de Ca Pericu. Unos díes molía’l molín y otros regábase’l prau. Caxóus.
Regueiru’l Fervedoiru, El: Regueru que desemboca n’El Ríu Pequenu. Las Tercenadas
Regueiru’l L.lagu, El: Regueru que naz na fonte del mesmu nome, en terrén d’El Teixidal de Baxu, y desemboca n’El Ríu Pequenu. Agora ta casi secu.
Regueiru’l L.lamón, El: Afluente d’El Ríu Negru pela marxe izquierda. Concernosu.
Regueiru’l Meiralón, El: Regueru que se xunta con El Regueiru de la Regueirona y formen entrambos el nacimientu d’El Ríu Negru. Concernosu.
Regueiru’l Meleiru, El (~ El Regueiru la Maya): Regueru que naz debaxo los llerones de Capiel.lamartín y desemboca n’El Ríu Negru; pasa per xunto a Ca’l Meleiru de Busecu. Busecu.
Regueiru’l Níu’l Cuervu, El: Regueiru que naz en La Cruz de la Vieya y que desemboca n’El Ríu Pequenu a l’altura de Las Tercenadas. La Degol.lada.
Regueiru’l Pilón, El: El Pilón.
Regueiru’l Regueiral: Regueru que naz en Pena Faladora en términos de Siñeiriz y pasa per La Ponte la Chistosa. Recibe agües d’otros dos regatos, ún que naz n’El Carricuevu de la Barreirina, un llugar cerca El Sagredal onde la «chena d’augua de 1932 llevó una gran fana» y d’otru regueru de menos importancia que naz en La Fonte’l Cernáu, col que se xunta debaxo El Bulañu
Regueiru’l Remu, El: Regueru en Las Tercenadas que desemboca n’El Ríu Pequenu.
Regueiru’l Val.le, El: Regueru que pasa cerca de La Tartul.la. Busecu.
Regueiru’l Vayu, El: Regueru que naz nos praos d’El Vayu y desemboca n’El Ríu Modreiros nel llugar de Veigal.longa. Riusecu.
Reguera de Sanguñal, El: Regueru que naz en La L.lastrona, en monte d’arriba Riupinosu, detrás d’El Campu’l L.lagu. Vierte n’El Ríu Negru.
Reguera del Acebu, La: 1. Regueru que divide La Carboniel.la y Zreizal. Vierte n’El Ríu Arnizu, en llugar avisíu. 2. Monte d’árboles del país en Los Conqueiros.
Reguera los Umeiros, La: Regueru que naz p’hacia La Gamayosa de Baxu, baxa pela vuelta La Fana y desemboca n’El Ríu Pequenu. La Degol.lada.
Reguera Seca, La: Monte onde brota La Fonte de Baxu, en La Ordovaga. Yera pa ganza y agora ta plantáu de pinos.
Reguera, La: 1. Prau de Ca’l Rondiel.lu en Fontanavia. Ta debaxo las finques de Ca Lin. 2. Regueru que desemboca n’El Ríu Negru en terrén de Fontanavia, con una fonte no mediu, onde naz El Regueiru de la Reguera. 3. Regatu que naz no monte El Pasadín y desemboca n’El Ríu d’Arnizu. Arnizu. 4. Regueru que naz no fondo La Plana, garra agua de carcavones y vierte n’El Ríu Negru. Busecu. 5. Regatu asitiáu xunto a La Pena la Cutsiel.la que vierte n’El Ríu Negru. Concernosu. 6. Prau asitiáu n’El Val.lantsu, frente a La Pasada y a continuación d’El Pradel.lín.
Regueras, Las: 1. Monte plantáu de pinos y ocalitos en Caxóus, de varios vecinos. 2. Fonte onde naz El Ríu Riupinosu, que nun seca en tol añu y d’onde se fixo la traída pal pueblu. Riupinosu.
Rel.laín, El: Camín vieyu que llevaba a La L.laguna, con una fonte del mesmu nome, de mal tiempu. Busecu.
Rel.lanín, El: Campín onde se tumben les vaques cuando van al monte. Riupinosu.
Rel.layu, El (~ La Queimada): Prau y monte que fai llende con El Camín del Molín. Tamién nomáu La Queimada. Los Rebol.lares.
Rel.layu, El: Monte en La Carboniel.la, plantáu de bidul, carbayu, pinu, dalgún ocalitu, umeiros y fresnos. Fai llende con Los Conqueiros.
Remixón, El: Regueru que naz nes fontes de San Playu y vierte n’El Ríu Negru; fai llende col pueblu de Saliente. Barceda.
Remixones, Los: Praos solanos a la vera La Fonte Pernales, de varios vecinos. San Playu.
Remos, Los: Monte d’árboles del país y praos col mesmu nome en Las Tercenadas.
Repinchu los Acebeiros, El: Cuesta en camín que lleva de La L.linera hasta Belén. La L.linera.
Repinchu’l Coxu, El: Cuesta nel camín de La L.linera a Belén. La L.linera.
Requeixu, El: Monte de ganza y plantáu de pinos ya ocalitos. Crúzalu la carretera ya’l camín de carros. Pertenez a los vecinos de La Degol.lada y ta dividíu en suertes. La Degol.lada.
Retoral Nueva, La: Casa en Belén onde vivió’l cura. Fíxose con un donativu de Leoncio de Ca Gregoriu, nel añu 1959. Agora ta vacía.
Ribón, El: 1. Prau en La Degol.lada. Una parte tuvo plantáu de frutales. Ta cerca El Ríu’l Zurdu y ye mui cuestu. 2. Prau en Los Rebol.lares, mui cuestu, debaxo La Guorta. 3. Prau que foi a monte, en llugar mui cuestu. Fai llende con El Regueirón. La Carboniel.la. 3. Prau plantáu d’árboles frutales. Los Conqueiros.
Ribones, Los: 1. L.lugar pendiente, pa la parte d’abaxo del pueblu de Menudeiru, a continuación de Las Albas. 2. Prau solanu y de pastos, asitiáu cerca’l ríu. Ye de varios vecinos. Los Conqueiros.
Riegu las Canales, El: Monte raso de llerón. Riupinosu.
Ril.lón, El: Monte cuestu plantáu a carbayos, bidules, umeiros ya pinos. La parte más llana ye un prau amansiáu que pertenez a dos vecinos. Zreizal.
Ríos, Los: Praos de secanu, asitiaos pa la parte’l solanu en Las Tercenadas.
Ripia, La: Monte raso que fai llende col pueblu de Modreiros. Riusecu.
Ríu d’Arnizu, El (~ Regueiru de Xuanceda~ El Ríu de Caxóus~ El Ríu la Uz): Ríu que naz n’El Picu’l Regueirín, nel estrechón qu’hai ente Arnizu y La Sierra las Tercenadas per detrás de El Recatón. Nel últimu tramu nómase El Ríu la Uz. Xúntase con El Ríu Pequenu nel llugar de Las Parradas y cruza los pueblos d’Arnizu, Zreizal, Los Conqueiros, La Carboniel.la, Menudeiru y Godón. Al pasar per Caxóus nómanlu El Ríu de Caxóus. Nel había un molín de comuña, qu’agora dio en ruina y nun muel dende mediaos de los años sesenta.
Ríu de las Parradas, El: Ríu que se forma onde se xunten El Ríu Pequenu y El Ríu la Uz, en Las Parradas, y vierte n’El Ríu Negru. Nesti ríu taba El Molín de las Parradas que pertenecía a Ca’l Duru.
Ríu l’Azureiru, El: Afluente d’El Ríu Negru pela marxe drecha. Naz en La Campona. Sobre esti ríu ta la ponte del mesmu nome. Divide Siñeiriz con Concernosu.
Ríu la Chistosa, El (~ El Ríu del Monte ~ El Ríu del Regueiral): Afluente d’El Ríu Negru. Nel nacimientu l.lamase El Ríu del Monte y más p’abaxo El Ríu’l Regueiral. Tien dos afluentes: La Bouzona, un regatu que cruza Los Piñeiros, y otru regueru que cruza El Val.le del Gavilán y Siñeiriz. Xúntense en La Ponte la Chistosa. Desemboca n’El Ríu Negru, xunto a El Prau’l Ferreiru.
Ríu las Corradas, El: Afluente d’El Ríu Negru pela marxe drecha, que cuerre per xunto a Casa’l Siel.lu y baxa de La Sierra las Corradas. Concernosu.
Ríu los Piñeiros, El: Ríu que naz en La Fonte’l Val.le en terrenu de Los Piñeiros. Pasa per El Regueiru l’Ánxel, La Fonte Baxu, El Campón de Felipón y desemboca n’El Ríu Negru.
Ríu Negru El (~ El Ríu Grande): El ríu que naz en La Sierra las Cruces, que pertenez a la braña d’El Sel.lón (Villayón). Fórmase d’El Regueiru de las Cruces, El Regueiru Meiralón, El Regueiru las Corradas y El Regueiru l’Anchona. Nel so recorríu atraviesa la parroquia de La Montaña en direición sur norte pa llueu recorrer la villa de L.luarca hasta desembocar nel mar. Dicen los paisanos que se llama asina porque llevaba l’augua llena de sangre d’una batalla terible qu’hubo n’El Picu’l Sagredal contra los moros. Tamién se llama El Ríu Grande en dalgunos pueblos del so recorríu: Los Piñeiros, Fontanavia, La Degol.lada, Belén...
Ríu Pequenu, El (~ El Ríu Pequén): Ríu uqe naz en La Fonte la Garfiel.la, nel llugar de Piedrasbonas y fai llende ente La Degol.lada y Las Tercenadas. Afluente d’El Ríu Negru pela marxe izquierda, pasa per terrenos de La Degol.lada, Las Tercenadas, Los Conqueiros, La Carboniel.la y Menudeiru.
Ríu Riupinosu, El: Ríu que naz en La Fonte las Regueras y en La Fonte’l Rebol.lu, en Riupinosu y desemboca n’El Ríu Negru.
Ríu Sanguñal, El: Ríu que naz na parte d’arriba del pueblu de Paladeperre, ente Riupinosu y La Candanosa. Cruza esti valle y desemboca n’El Ríu Negru.
Ríu Siñeiriz, El (~ El Ríu Pequén): Ríu que naz n’El Regueiru de la Perdíz. Pasa per El Mazu y ye afluente d’El Ríu Negru, en Las Fenosas.
Ríu’l Carcavón, El: El Regueiru’l Carcavón.
Ríu’l Zurdu, El (~ El Ríu’l Requeixu): Ríu de La Degol.lada. Naz n’El Regueirón, en Picuverde, atraviesa La Degol.lada ya desemboca n’El Ríu Negru pela marxe izquierda. Nun ye ríu de trucha nin de munchu caudal. A la vera d’esti ríu ta asitiáu El Molín del Xastre. Tien dos afluentes, El Regueirón y El Val.le la L.lastra, un regueiru que ta nel valle del mesmu nome, en terrén de Los Piñeiros. El so calce trescurre ente los pueblos de Los Piñeiros y La Degol.lada. Na parte’l nacimientu ye onde se llama El Ríu’l Requeixu.
Riunegru: Llugar onde se cruza l’antiguu camín de Belén a L.luarca con El Ríu Negru y los sos afluentes.
Riupinosu (~ Ripinosu ~ Repinosu): 1. Braña de la parroquia de La Montaña, cabecera con Paladeperre y el conceyu de Tinéu. Ye llugar mui cuestu y con munches peñes, carcaves y terrén llastroso. 2. Ríu que pasa cerca’l pueblu.
Riusecu: Braña de la parroquia de La Montaña, agora vacía. Nun tien lluz eléctrica nin carretera.
Rocel.lina, La: Prau pa pación, enantes tierra de llabor. Paladeperre.
Rocica, La: 1. Monte tou plantáu d’árboles n’El Teixidal d’Arriba. 2. Prau nel mesmu llugar que da a la carretera y al camín, xunto al depósitu l’agua. 3. Camín que lleva dende Fontanavia a La Degol.lada. 3. Prau que pertenez a Ca’l Cadaval, a la mesma vera casa. Siñeiriz.
Rocicas, Las: Praos de secanu de varios vecinos, asitiaos en Zreizal, xunto a Los Cuevos.
Rocina, La: Tierra perteneciente a Ca Barcelón, n’El Val.lantsu
Roza la Cruz, La: Monte en Paladeperre, a la vera El Camín d’Escádana.
Roza, La: 1. Prau solanu en La L.linera. 2. Prau de Ca Xuanín, pela parte d’arriba del sitiu onde taba la ilesia vieya. Los Rebol.lares. 3. Prau pal solanu, pa pacer y pa pañar. Zreizal.
Rozas, Las: Praos de secanu pa segar y ensilar, enantes tierres. Los Conqueiros. 2. Campes pa pacer el ganáu, enantes pa facer silu, en terrén avisío. El Mazu. 3. Monte d’árboles del país per debaxo de Ca l’Iérbedu. Los Piñeiros. 4. Praos en San Playu de Sesmo, pa la parte d’arriba de la carretera de Setienes a San Playu.
Rozona, La: Prau de pa pación, pa la parte debaxo de Ca l’Iérbedu. Los Piñeiros.
Rozonas, Las: 1. Llugar onde se rozaba ganza pa mullir el ganáu. Los Rebol.lares. 2. Praos que pertenecen a varios vecinos de Las Tercenadas. 3. Terrén en Fontanavia. 4. En Menudeiru, pa la parte d’arriba del pueblu, terrén de varios vecinos, xunto a La Piedrablanca.
Rozones, Los: Praos de varios vecinos en La Carboniel.la. Enantes yeren tierres.
Rubial de Calea, El: Monte plantáu d’ocalitos en Las Tercenadas.
Rubiales, Los: 1. Monte de castañales y d’árboles del país. Zreizal. 2. Camín que lleva al molín. Zreizal.
Sacramentu, El: Prau asitiáu enfrente a Ca’l Viñu. Dícenme que se llama asina porque a una muyer de Ca Carmelona cuando taba a puntu morrer, punxéron-y la Eetremaunción y nesi momentu donó’l prau al Santísimu. Los curas de Navia que vivíen en La Casa Baxu compráron-yoslu a los Jardones de Navia. Fontanavia
Sagradones, Los: Monte raso, a la vera La Rebol.losa, p’hacia Paladeperre. Riusecu.
San Playu de Sesmu: Pueblu de la parroquia. Según los informantes, llámase «de Sesmu» porque antiguamente’l cementeriu parroquial taba asitiáu nun llugar llamáu El Sesmu, en terrén de Los Rebol.lares, cerca de onde s’asitiaba la ilesia parroquial de San Salvador. D’esta ilesia dicen tamién los vecinos que primero tuvo asitiada nel llugar de Riunegru, en terrén ente Paladeperre y San Playu, al entamu de La Cuosta d’Escádana que lleva a Belén.
San Salvador: Finques que pertenecen a toles casas de Los Rebol.lares, onde taba l’antigua ilesia, cerca El Ríu Negru. Los Rebol.lares.
Sanguñal, El: 1. Monte raso en Paladeperre. 2. Regueru con un saltu d’agua que naz na sierra de Riupinosu y baxa a El Ríu Negru
Santos, Los: Praos, montes ya tierras en Menudeiru.
Santu Cristu: Nome d’una parte d’El Regueiru de las Regueras. Hasta esti llugar diba antiguamente la procesión el «Día la Blanca», que se celebra l’ocho de setiembre. Siñeiriz.
Sardones, Los: Prau solanu, pa facer silu y pa pastoriar. Arnizu.
Secul.lín, El: Monte raso ente La Cueña y La Pena Zarrada. Riupinosu.
Sel.lón, El: Una tierra de Ca Mingu. Ta asitiada pal solanu, enriba’l camín, enfrente La Pena la Cutsiel.la. Sémase de maíz ya ballicu. El Val.lantsu
Serviada: 1. Prau aitiáu onde se xunten’El Ríu Modreiros y El Ríu Negru. Barceda. 2. Prau d’El Campu, que se riega con agua del regueiru d’El Pilón. San Playu de Sesmu.
Sesmu, El: Finques onde taba’l cementeriu vieyu. Pertenecen a Los Rebol.lares.
Siel.lu Bernaldu, El: Un prau avisíu, na falda’l monte, que forma parte de la sierra La L.lamosa. Ye prau de secu, agora pa silu. Concernosu.
Sienra de los Piñeiros, La: Conxuntu de finques de llabor que van dende’l pueblu hasta’l camín que vien d’El Mazu.
Sienra del Iérbedu, La: Finques asitiadas per debaxo de L’Iérbedu. Semabense a maíz y trigu, pero agora tán toes a prau. Los Piñeiros.
Sienra la Ordovaga, La: Finques pela parte de baxo del pueblu de La Ordovaga.
Sienra las Ermitas, La: Llugar onde dicen que s’apaeció San Playu de Sesmu.
Sienra Menudeiru, La: Praos y tierres en Menudeiru de varios vecinos.
Sienra Pachín, La: Finques qu’hai per debaxo Ca Pachín, praos y tierres. La Degol.lada.
Sienra, La: 1. Conxuntu de finques alredor del pueblu. Caxóus. 2. Toles finques de debaxo la carretera. Los Conqueiros. 3. Praos solanos per debaxo’l pueblu, a la vera de Solasienra y de varios vecinos. Siñeiriz. 4. Praos debaxo Ca l’Ucéu. Siñeiriz. 5. Dalguna tierra onde se semen pataques y fabes y tamién praos. Zreizal. 6. Toles finques qu’hai pela parte de baxo del pueblu de Las Tercenadas. Ye terrén cuesto. 7. Prau pal solanu en San Playu de Sesmu.
Sienra’l Campu, La: Enantes tierra, agora ta de prau, en llugar altu, pal solanu. Zreizal.
Sienra’l Rondiel.lu, La: Tierres y praos asitiaos per debaxo la casa del mesmu nome. Fontanavia.
Sierra Busecu, La: Sierra pela parte oriental de la parroquia. El picu más altu ye Capiel.lamartín.
Sierra de Rondu, La (~ Rondu): 1. Sierra en Godón. Al norte fai llende con El Val.lín. Ye zona de monte raso con parte dedicao a praos. 2. Monte onde tolos vecinos tienen suertes. Ta pa la parte d’arriba’l pueblu en San Playu de Sesmu.
Sierra la Degol.lada, La: Sierra que pertenez al pueblu de La Degol.lada, que la formen otros montes y picos.
Sierra las Corradas, La: Monte raso dividío en suertes. Fai llende con Riupinosu, y Candanéu y agües vertientes a Busecu. Busecu.
Sierra las Cruces, La: Las Cruces.
Sierra las Tercenadas, La: Sierra del pueblu de Las Tercenadas, partida en suertes.
Sierra Panondres, La: Sierra na fastera occidental de la parroquia, onde s’atopa El Picu Panondres. Parte los los conceyos de Valdés, Villayón y Navia.
Sierra’l Rebol.lu, La: Monte pa la parte d’arriba de Concernosu.
Siñeiriz: Pueblu de la parroquia. Fai llende con Los Piñeiros, Concernosu y El Mazu.
Solaera: Prau, enantes tierra, en Fontanavia, más abaxo de La Era.
Solana, La (~ La Cárcava ~ La Carcavina): Cárcava en Riupinosu, en Las Solanas.
Solana, La: Monte asitiáu pa la parte drecha d’El Ríu Caxóus col que fai llende y tamién colos montes de Zreizal. Ye monte con munchos árboles del país y bon suelu, ensin maleza.
Solanas, Las: Monte raso onde s’estrema una cárcava que-y llamen La Solana, La Cárcava o La Carcavina. Riupinosu.
Solanu, El: Llugar de la parroquia, pa la parte de baxo de la carretera, que pertenez a Los Rebol.lares.
Solartona, La: Finques de Los Piñeiros, pa la parte del solanu.
Solasienra: Praos solanos y de secanu pa la parte de baxo del pueblu, debaxo Ca’l Cadaval. Agora siéguense pa silu y pa verde. Siñeiriz.
Sopidares, Los: Prau con una parte pa pastos y otra plantada de castañales dende l’añu 2000. Paladeperre.
Sortín, El: Prau solanu, tirando pel camín de Modreiros, de Ca Manolín y de Ca Perán, Ta ente árboles. Riusecu.
Soutos, Los: Praos, monte y eiros en Menudeiru semaos de ballicu a continuación de Los Val.lanchos. Pertenecen a tolos vecinos.
Soutu d’Andrés, El: Prau pela parte d’abaxo de Los Pradel.linos. Las Tercenadas.
Soutu de Mingu, El: Praos avisíos en Las Tercenadas.
Soutu, El: 1. Praos de Ca Vidal en Menudeiru. Nesos praos encueva’l melandru y la raposa. 2. Monte plantáu d’árboles del país, castañales, carbayos, umeiros ya xardones. Na llende ente Paladeperre y Menudeiru.
Subida del Baláu, La: Llugar nel camín que va a La Sierra.
Subida’l Xugatín, La: Llugar nel camín que va a La sierra, más llanu.
Subrecamungu: Prau pa seco y pa silos en Las Tercenadas.
Sucón de Xuan, El (~ El Xucón de Xuan): Tierra qu’agora ta de prau. Caxóus.
Sucón, El: 1. Sucu a la drecha d’El Penón. Riupinosu. 2. Monte de pinos, asitiáu enfrente a Menudeiru. La Ordovaga.
Suerte L.larga, La: Monte raso en direición a El Regueiru, en Picuverde. Los Conqueiros.
Suerte la Regueirona, La: Monte plantáu de pinos y ocalitos en San Playu de Sesmu.
Suerte’l Cabu, La: Sierra que parte con La Carboniel.la. Pañábase ganza. Zreizal.
Sulana, La: Praos de pastu y pa silu, asitiáu pal solanu. Na llende col monte La L.laguna n’Arnizu.
Sulféu, El: Praos y monte pela zona El Feu. Los Piñeiros.
Supráu, El: Prau solanu en La Carboniel.la.
Susucón, El: Prau de secanu. Enantes una parte yera tierra. Los Conqueiros.
Susucu, El: Prau a la vera de Solaera. Fontanavia.


Continuar a Toponimia de la Parroquia de La Montaña