Albergue
con la ayuda de: Consejería de Turismo y Cultura
 
Contador gratis

PARROQUIA DE LA MONTAÑA

Mª Esther García López

toponimia (página 1 - 2 - 3 - 4 - 5 - 6 - 7 )

Taberna Xuacu, La. Asitiada en Belén, yeren dos viviendes con medianil. Foi taberna hasta finales del sieglu xx. Agora vacía.
Tayos, Los: Prau y monte plantáu d’árboles del país y pinos, que se riega con agua d’El Regueiru los Tayos. Los Conqueiros.
Teixidal d’Arriba, El: Pueblu de la parroquia, asitiáu nun cuetu cerca de Belén, a la parte riba un camín.
Teixidal de Baxu, El: Pueblu de la parroquia, cerca de Belén, a la parte baxo un camín. Son dos cases. En Ca Xuacu hai una capilla n’honor de San Sebastián.
Teixidales, Los: Llugar de la parroquia de La Montaña que tien dos núcleos poblaos: El Teixidal d’Arriba y El Teixidal de Baxu.
Teixos de Busecu, Los (~ Los Teixos del Meleiru): Texos en Busecu xunto a Ca’l Meleiru. Plantábense pa protexer les cases del aire, siempre pel llau que más daba.
Tercenadas, Las: Pueblu de la parroquia asitiáu na llende con Los Conqueiros y con La Degol.lada.
Tierra d’Antón, La: Prau en Las Tercenadas.
Tierra de Conrado, La: Prau en Las Tercenadas.
Tierra Fanchín, La: Prau en las Tercenadas.
Tierra L.longa, La: Finca qu’enantes yera tierra de llabor y agora dexaron un cachu de prau y otru cachu ye tierra onde semen maíz y ballicu. Asitiáu pal solanu. En Los Conqueiros.
Tierra l’Árguma, La: Tierra que se semaba de maíz, pataques, trigu, ballicu. Ye tierra más bien llana. Riusecu.
Tierra l’Avisíu, La: Tierra d’arriba’l prau La Fayona, secana y avisida. Agora ta de prau. El Mazu.
Tierra la Panera, La: Enantes tierra y agora prau. La L.linera.
Tierra los Peneos, La: Finca que primero se dedicó a tierra y agora ta de prau. Las Tercenadas.
Tierra’l Chanu, La: Tierras en Las Tercenadas.
Tierra’l Mediu, La: Tierra de cara al sol que llega hasta El Ríu Pequenu. Enantes yera tierra y agora ye prau. Los Conqueiros.
Tierra’l Molín, La: Prau de secanu, pa segar y pa silos cerca d’El Molín de Pachón. Los Conqueiros.
Tierra’l Patsu, La: Tierra onde se sema ceba. Busecu.
Tierra’l Xenrín, La: Prau en Las Tercenadas.
Tierras de Marfón, Las: Tierres y dalgo de prau, mui llano too, asitiaes a la vera ríu. Pertenecen a tolos vecinos. Paladeperre.
Tierras Franciscas, Las: Praos de secanu y pal solanu. Sémase reigás pola mor de los ratos, porque lo dexaben que nun se podía pañar. En Zreizal.
Tierras, Las: Praos que pertenecen a varios vecinos de Las Tercenadas.
Tínfana, La: Monte raso, fanoso y malo onde casi too son peñes y peñascos. Ye como una fana per debaxo’l camín, d’allá de La Pena Chispa. Riupinosu.
Tínfanos, Los: Peñascos y monte malu. A la vera hai un carbayón onde cunten una lleenda. Dicen qu’ellí hai enterrada una conca d’oru que dexaron los moros escondida. La lleenda guardábenla unos paisanos de Siñeiriz. Según los informantes, hubo dalgún que tuvo buscándola pero nadie sabe si l’atopó. El Mazu.
Tinta, La: Prau de varios vecinos onde naz El Regueirón. Los Rebol.lares.
Torna Grande, La: Finques en Las Tercenadas.
Torna Pequena, La: Praos en Las Tercenadas.
Torna, La: Tierra de llabor que se sema de ballicu y pa pañar pal ganáu. Las Tercenadas.
Torneiros, Los: Praos que pertenecen a Ca Ciliu. Siñeiriz.
Tornos d’Arriba, Los: Los Montes y praos que pertenecen a La Ordovaga y a El Teixidal de Baxu.
Tornos de Baxu, Los: Los Montes y praos que perteencen a La Ordovaga y a El Teixidal de Baxu.
Tornos, Los: Montes y praos de que pertenecen a La Ordovaga y a El Teixidal de Baxu estremaos en Los Tornos d’Arriba ya Los Tornos de Baxu.
Tornu, El: Prau pequeñu pal solanu, pa pacer el ganáu. Zreizal.
Touxineras, Las: Praos solanos, pa pación en Los Piñeiros.
Trambas Regueras: Terrén que forma dos valles. Hai dos pradinos que pertenecen a Ca Bernaldón y a Ca la Fanchuca. Los Piñeiros.
Tras la Sebe: Monte cerca de Los Chanetinos. Paladeperre.
Traviesas, Las: 1. Prau y monte que pertenez a Ca’l Ferreiru de La Ordovaga. 2. Praos atravesaos pola carretera, de varios vecinos. San Playu de Sesmu.
Travisiegu, El: Prau en Busecu.
Treita, La: Prau solanu de regadíu d’El Ríu Grande. Equí dicen que los moros dexaron una viga d’oru y hubo xente que tuvo cavando pa ver si l’atopaben. Tenía la lleenda un paisanu de Siñeiriz de Ca l’Ucéu, una casa que yá ta vacía: «Los moros traficaban con ouru que traían de Bustantigu ya L.lendelfornu. Había una presa que nacía en Santiel.los de Teixéu, el puertu onde l.levaban el ganáu los de Busecu ya Masenga. L.legaba hasta Businán pola falda la sierra de Rel.lanos. Yara pa l.lavar l’ouru«. El Mazu.
Tronquéu, El: Monte que pertenez a Concernosu y tamién praos y una tierra. Son de Ca Barcelón y un prau de Ca’l Florentu. Los praos tán a la vera El Ríu Negru. El Val.lantsu. 2. Monte solanu, con árboles. Ellí ta La Fonte’l Puchu, que seca de branu y da agua colorao porque per ellí pasa un filón de fierru. Según los informantes «ya augua que da catarru». El Mazu.
Tueru’l Regueiru, El: Prau de Ca’l L.lagüezu, solanu, pa ensilar o pa seco. Zreizal.
Tuoros, Los: Enantes yera tierra. Agora ta de prau. Los Conqueiros.
Turria, La: Prau cuestu, pa la zona l’avisíu, pal picu’l pueblu. Busecu.
Ubia’l L.lobu, La: Carreiru ente dos peñes, en terrén de La Sierra la Degol.lada. Cerca ta La Pena Faladora. Las Tercenadas.
Ubias, Las: Tierras en San Playu de Sesmu, onde semen pataques y fabes. Tán pa xunto al camín pa la parte izquierda d’El Pilón y pa la drecha de Las Cavadonas.
Ul.la, La: Unes peñes que tienen como una puerta. El Mazu.
Ul.lera, La: 1. Fonte cerca de Ca Mingu, onde enfriaben la manteca. El Val.lantsu. 2. Fonte no prau El Regueiru que pertenez a Ca Pachón. Yera ul.lera, onde llevaben les nates y la manteca a enfriar. Los Conqueiros.
Umeiros, Los: Praos en Las Tercenadas, parte de secanu y parte de regadíu d’El Regueiru las Pasadas.
Vacona, La: Prau que foi a monte en Los Conqueiros.
Val.lanchos, Los: Praos pa la parte debaxo la carretera, a continuación de Los Carbayales. De tolos vecinos. Menudeiru.
Val.lantsu, El (~ El Val.lanchu): Pueblu de la parroquia, asitiáu na llende con Concernosu, El Mazu y Busecu. Según testimoniu d’un informante «nesti pueblu tienen la piedra la culuobra, que poniéndola na mordedura sánase. Poníase l.leite debaxu ya la piedra encima ya la piedra nun caía hasta que nun salía’l velenu que yara de color verde. Ficiérenla las culuobras nun muru, xuntábanse doce culuobras ya echaban la saliva hasta qu’endurecía. Al buolu de Raimundu’l Mazu picóulu una culuobra ya fueron a El Val.lantsu a buscar la piedra».
Val.le de la L.lameirona, El: Monte plantáu d’árboles del país. Debaxo’l pueblu de Zreizal yendo pa Caxóus.
Val.le Fanchín, El: Monte que ta a continuación de La Guorta Fanchín. Fai llende con El Regueirón. Las Tercenadas.
Val.le Grande, El: 1. Monte de L’Iérbedu, en Los Piñeiros, con vista a La Degol.lada hasta cerca La Ponte’l Zurdu. 2. Valle que divide Paladeperre y La Ordovaga y fai como regueiru ente los dos pueblos.
Val.le l’Anchona, El: Monte na sierra de Concernosu. Fai llende con Masenga.
Val.le la Bouza, El: Prau en Concernosu.
Val.le la Busta, El: Prau pa la parte d’arriba de la carretera de Godón a San Playu. San Playu de Sesmu.
Val.le la Cueña, El: Monte y prau asitiáu pa la parte d’arriba de Ca Cárcava. En Concernosu.
Val.le la Fonte, El: Monte altu, avisíu, con árboles del país y ocalitos. El Mazu.
Val.le la Peral, El: Monte raso onde se rozaba ganza pa mullir el ganáu. Quemó va pocos años. Parte La Carboniel.la y Los Conqueiros.
Val.le la Val.lina, El: Monte de lleña a la vera El Ril.lón. Ye de tolos vecinos. Zreizal.
Val.le la Veiga, El: Un valle frente a Ca’l Marín pal llau avisíu y un prau que pertenez a El Teixidal de Baxu. La Ordovaga.
Val.le los Abedules, El: Monte na mesma zona que Las Rozonas en Las Tercenadas.
Val.le Oscuru, El: Valle a continuación d’El Mosquiteiru, en La Carboniel.la. Tien árboles del país, pinos ya ocalitos. Fai llende con El Ríu d’Arnizu.
Val.le, El: 1. Tierra onde se semaben pataques y tamién un prau. En Busecu. 2. Terrén en Godón. 3. Prau solanu, de secanu. Enantes taba de tierra. Los Conqueiros.
Val.le’l Feu, El: Praos con arboleda que pertenecen a Ca Felipón de Los Piñeiros. Lleguen hasta El Molín del Feu y son praos de secanu.
Val.le’l Folgorosín, El: Monte ente Los Chanos y El L.lavayyu. Busecu.
Val.le’l L.louxín, El: Monte raso ente El L.lavayyu y Los Chanos. Busecu.
Val.le’l Mosquiteiru, El: Valle enantes de llegar a los praos d’El Vau en La Carboniel.la, con árboles del país y plantáu pinos y ocalitos. La Carboniel.la.
Val.le’l Regueiru, El: Praos y monte plantáu de pinos, castañales. Los Piñeiros.
Val.le’Teixu, El: 1. Monte plantáu de pinos y ocalitos asitiáu pa la parte d’arriba de La Ponte los Conqueiros. Pertenez a Ca Pachón y hai dos teixos pequeños. Los Conqueiros. 2. Tierra que tien unos teixos plantaos pela oriella. Pertenez a Ca Ramón d’El Teixidal d’Arriba.
Val.les Grandes, Los: Montes plantaos d’árboles, dividíos en suertes. Paladeperre.
Val.les, Los: 1. Tierra onde planten el güertu, cerca de Godón. 2. Praos de varios vecinos. San Playu de Sesmu.
Val.licatu, El: Monte y un poco prau a la vera El Ríu La Uz. De varios vecinos. Menudeiru.
Val.lina d’Alda, La: Praos pela parte d’arriba de la carretera, de tolos vecinos. Menudeiru.
Val.lina, La: Monte raso onde tienen suertes tolos vecinos. Na fastera d’El Monte l’Avisíu. Siñeiriz.
Val.le la Rocica, El: Prau que fai valle, per debaxo El Penedín, a la vera’l camín que va dende La Degol.lada a Funtanavia. La Degol.lada.
Valudel.la, El: Monte raso onde’l terrén fai dalgo de valle, con baláu. Per ellí diba un camín vieyu, que llevaba a El Campu’l L.lagu y a Navelgas. Agora ta zarráu de monte. Riupinosu.
Varales, Los: 1. Llugar onde se facíen los varales, a la vera la era de Ca’l Peceiru. La Degol.lada 2. Llugar en Ca’l Xastre onde poníen los varales. Ellí hubo un teixu. 3. Praos, na llomba’l pueblu de Zreizal a la vera la casa, dividío pol camín públicu. En Zreizal.
Vau, El. 1. Praos qu’agora fueron a monte, plantaos de pinos y ocalitos y tamién con bidules, carbayos, umeiros y dalgún xardón grande. La Carboniel.la. 2. Praos solanos cerca de L’Iérbedu, con vista a Los Piñeiros.
Vau’l Carru, El: Prau en Busecu, ente Ca Parrondu y Ca’l Queisu.
Vayu, El: Prau en Riusecu, un cachu cuestu y otru llanu. Per ellí pasa El Regueiru del Vayu. Atraviésalu un camín que lleva a Modreiros.
Veiciel.la, La: 1. Monte con árboles de ribera y dalgún pinu, partíu en suertes. Llende con El Regueiru l’Acebu. Zreizal. 2. Prau de regadíu que toma l’agua d’El Ríu Xuanceda en La Carboniel.la.
Veiga d’Antón, La: Monte d’ocalitos en Las Tercenadas.
Veiga de Bouza, La: Monte d’árboles del país con una parte d’ocalitos en Las Tercenadas.
Veiga del Mungu, La: Monte plantáu d’ocalitos en Las Tercenadas.
Veiga Grande, La: Finques de varios vecinos. Monte d’árboles del país, que fai llende col ríu. Los Conqueiros.
Veiga l’Ama, La: Finques de Ca Xuanón de Los Piñeiros, qu’agora lleven a la renta los vecinos.
Veiga, La: 1. Monte y prau asitiáu ente Ca Mingu y Ca Barcelón, con munchos teixos, castañeiros y bidules. El Val.lantsu 2. Prau de regadíu de manantiales. Tien tres fontes, una en cada esquina’l prau y otra nel mediu, que seca nel branu. 3. Monte que pertenez a Casa Carmelona en Fontanavia. Fontanavia. 4. Praos pel camín d’El Prau las Escabadonas. Solanos y mui pendientes. Fan gruoba y son mui trabayosos. San Playu de Sesmu. 4. Monte d’árboles del país que fai llende col ríu. La Carboniel.la.
Veiga’l Barcu, La: Prau y tiera de llabor. Caxóus.
Veiga’l Fayar, La: Prau que pertenez a La Degol.lada pero ta en terrén de Las Tercenadas.
Veiga’l Mazu, La: Prau asitiáu pal otru llau de L’Outeirín. El Val.lantsu.
Veigal.longa, La: Llugar onde hai montes, praos y una casa vacía. Riusecu.
Veigas, Las: Terrén de tierres, praos y monte a continuación d’El Pradón de Bárbola. Ye de varios vecinos. Zreizal. 2. Praos de pastu y silos, pal avisíu, de secanu. Paladeperre.
Veigona, La: Monte de carbayos, bidules y umeiros. Fai llende con El Ríu Pequenu pela marxe drecha. La Carboniel.la. 2. Prau a la vera’l ríu, que se riega con agua d’El Ríu Pequenu. Compartíase l’agua colos de Ca Anxelín de La Carboniel.la y con Ca’l Tourín de Las Tercenadas, entrambos pa regar praos de so. Los Conqueiros. 3. Monte y prau pa la parte de baxo del pueblu de Caxóus.
Veiguchu, El: 1. Prau que fai llende con El Ríu Pequenu, plantáu de noceiros, castañales, fayes, teixos, bidules... La Carboniel.la. 2. Monte plantáu d’árboles, dalgún pinu y carbayos, bidules ya salgueiros. Busecu. 3. Monte qu’enantes yera prau. Ta plantáu de castañales y noceiros. Los Conqueiros.
Veiguina, La: Monte avisíu, asitiáu ente La Palomba y La Casina, con bidules principalmente. Zreizal.
Veiguitina, La: Prau pa pación y pa ensilar asitiáu a la vera El Ríu Negru. Fai llende con El Regueiru’l Sanguñal. Paladeperre.
Veirinas, Las: Praos en Las Tercenadas.
Ventana, La: Llugar nel camín que lleva de Paladeperre a Riupinosu, después de Penarronda. Hai dos peñes cortaes que s’asemeyen una ventana.
Vil.la de Baxu, La: 1. Conxuntu de finques en Las Tercenadas: El L.lindión, L’Eiru los Bruneiros, L’Eiru los L.loureiros, La Guorta y El Güertu. 2. Casa en Las Tercenadas vacía dende mitá del sieglu xix. Entovía se tienen les paredes y les ruines del fornu.
Vuelta la Moroza, La: Vuelta nel camín que lleva a Belén. A la vera la casa del mesmu nome, que s’acabó va unos años. La L.linera.
Vuolta Capina, La: Vuelta en El Picu la Sienra. No camín que lleva a Belén. La L.linera.
Vuolta l’Acebeiral, La: Vuelta nel camín de L’Acebeiral, en Las Tercenadas.
Vuolta la Bermea, La: Vuelta que fai la carretera enantes de llegar a El Sagredal, cerca La Pena la Bermea.
Vuolta la Bermea, La: Vuelta que fai la carretera enantes de llegar a El Sagredal, cerca la Pena la Bermea.
Vuolta la Cabana, La: Vuelta no camín de la sierra, casi onde naz El Ríu’l Zurdu. La Degol.lada.
Vuolta la Fana, La: Vuelta na carril del monte, después de pasar La Castañal, onde se vuelve pa El Picu’l Cuernu. La Degol.lada.
Vuolta la Fayona, La: Vuelta na carril que lleva dende’l pueblu hasta El Ríu Negru. Fontanavia.
Vuolta la Fonte de Baxu, La: Vuelta nel camín, agora pista, que lleva de La L.linera hasta Belén. La L.linera.
Vuolta la Moural, La: Vuelta en camín que lleva a Belén. La L.linera.
Vuolta la Ortiga Escura, La: Vuolta que fai la carretera al pasar pol prau del mesmu nome, en terrén de Las Tercenadas.
Vuolta la Rozona, La: Primera curva que se topa na carretera de Las Tercenadas.
Vuolta la Sienra, La: Vuelta nel camín de La Sienra, en Las Tercenadas.
Vuolta las Peneiriscas, La: Curva en camín de La Sierra las Tercenadas.
Vuolta los Carros, La: Vuelta nel camín d’iglesia que va de L’Iérbedu a El Mazu. Los Piñeiros.
Vuolta’l Batán, La: Llugar onde taba asitiáu’l batán, en Paladeperre. Cuenten los informantes que «nesta vuolta apaecióse-y el diablu a Pedro’l Bataneiru. Cuandu sonaba’l batán con soníu distintu yera que se corría la tela. Un día sonóu’l batán mal ya salióu’l bataneiru a igualu. Na vuelta’l batán topóu a un paisanu, mui retrepu, ya si él iba pa un l.lau, el paisanu tamién ya si él iba pa outru, el paisanu tamién. Nun lu dexaba pasar, hasta que lu calentó ya al nun podelu dixo: ¡Xesús, arreniegu’l diablu! ya l’home marchóu riéndose a cascaradas. Yera’l diablu«. Paladeperre.
Vuolta’l Bravu, La: Curva na carretera de Las Tercenadas.
Vuolta’l Buscón: Vuelta no camín que lleva de la L.linera a Belén. La L.linera.
Vuolta’l Chanu’l Buei, La: Curva en camín de La Sierra en Las Tercenadas.
Vuolta’l Cuervu, La: Vuelta nel camín que lleva de la L.linera a Belén.
Vuolta’l Diestru, La: Suerte plantada de pinos nel llugar d’El Diestru, en San Playu de Sesmu, p’abaxo de Godón.
Vuolta’l Fuletu Tuertu, La: Llugar en Las Tercenadas.
Vuolta’l Regueirón, La: Vuelta en camín d’El Regueirón, en Las Tercenadas.
Vuolta’l Zarru, La: Monte de pinos, en suertes, enantes pa ganza. Zreizal.
Vuoltas, Las: Monte asitiáu pa la parte d’arriba d’El Zarru’l Xuliu. Busecu.
Xamasquera, La: Monte raso, ente El L.lavayyu ya La Reguera. Busecu.
Xardín, El: Monte d’árboles del país que fai llende con El Ríu’l Zurdu. Los Piñeiros.
Xirones, Los: 1. Fonte de tol añu. 2. Monte que fai llende con Las Regueras, arrimaos a La Penona. Busecu.
Xoxu, El: Prau mui húmedu, de regadíu. Yera una l.lamicera llena de fontes. Zreizal.
Xugadeiru, El: Monte onde xugaben a los bolos los mozos de Los Piñeiros. Antes pacíalu’l ganáu y medraba la yerba.
Yerba’l Sebu, La: Monte raso en Busecu, ente La L.laguna y Las Penas del Pandu.
Zalón, El: Monte a la vera Las Fayas. Tien árboles del país y dalgún ocalitu. Siñeiriz.
Zarrín de Bernaldón, El: Monte plantáu de pinos, bidules, umeiros ya ocalitos, asitiáu pa la parte d’arriba de la carretera, solanu. Pertenez a la casa del mesmu nome asitiada en Los Piñeiros.
Zarrín de Felipón, El: Monte plantáu de pinos, bidules, umeiros ya ocalitos, asitiáu pa la parte d’arriba de la carretera. Pertenez a la casa del mesmu nome asitiada en Los Piñeiros.
Zarrín de la Riza, El: Monte plantáu de pinos, bidules, umeiros ya ocalitos, asitiáu pa la parte d’arriba de la carretera, solanu. Pertenez a la casa del mesmu nome asitiada en Los Piñeiros.
Zarrín del Bulañu, El: Monte plantáu de pinos, bidules, umeiros ya ocalitos, asitiáu pa la parte d’arriba de la carretera, solanu. Pertenez a la casa del mesmu nome asitiada en Los Piñeiros.
Zarrín del Nitu, El: Monte plantáu de pinos, bidules, umeiros ya ocalitos, asitiáu pa la parte d’arriba de la carretera, solanu. Pertenez a la casa del mesmu nome asitiada en Los Piñeiros.
Zarrín, El: 1. Fonte techada y con llavaderu onde antiguamente se llavaba la ropa, con agua potable mui bono, asitiada ente La Casina y El Cantón. En Los Rebol.lares. 2. Prau de secanu pa la parte’l solanu, pa pacer, que foi tierra. Barceda. 3. Prau y fonte en terrén de Los Rebol.lares. Fontanavia. 4. Terrén en Paladeperre. Pertenez a Ca Bárbola, dientro d’El Zarrón. 5. Prau pa pacer y pa ensilar. Zreizal. 6. Prau y monte pal solanu, de secanu. La L.linera. 6. Prau zarráu de parede, de secanu, avisíu. Riupinosu.
Zarrinos, Los: Prau solanu y de secanu pa pastiar. La L.linera.
Zarrón, El: 1. Monte mui estensu, con árboles del país y ocalitu, zarráu de parede. Arnizu. 2. Finques a continuación de La L.lameirona. Menudeiru. 3. Finques en Zreizal. 4. Monte zarráu de baláu y plantáu de pinos. Segábase ganza pa mullir les cortes. Los Conqueiros. 5. Praos de varios vecinos. Siñeiriz. 6. Monte zarráu con sucu y parede y con cava, que pertenez al que-y pertenez la paré, que fai llende colos montes de Menudeiru y con El Ríu de Caxóus. Zreizal. 7. Dos praos col mesmu nome, de secanu, zarraos de parede, con un payar na vera. Riupinosu.
Zarrones, Los: Monte dividíu en zarros en Las Tercenadas.
Zarros las L.leras, Los (~ La Bouza las L.leras): Terrén con peña al aire, zarráu de parede y con árboles. Ta asitiáu pa baxo de Ca’l Mariel.lu y llega hasta El Ríu Arnizu. Primero foi prau y monte con carbayos y agora ta plantáu d’ocalitos Equí naz un regatu nomáu Las L.leras que desemboca n’El Ríu Arnizu. Arnizu.
Zarros, Los: 1. Monte de pinos, dividíu en suertes, con moyones y dalgún con abalaos. San Playu de Sesmu. 2. Praos de varios vecinos zarraos de parede, ún en forma circular. Per debaxo pasa’l camín. Zreizal.
Zarru Barreiru, El: Terrén zarráu de paré y de tierra. Foi de los cures que vivieron en Ca Xuacu. Fontanavia.
Zarru d’Arriba, El: 1. Prau de Ca’l Maruxu en Siñeiriz. Tienen dalgún restu de parede. 2. Monte y prau zarráu de parede n’El Teixidal d’Arriba.
Zarru de Baxu, El: 1. Prau apegáu a La Regueirina. Fontanavia. 2. Prau de Ca’l Maruxu. Siñeiriz.
Zarru de Bouza, El: Prau de regadíu en Las Tercenadas, qu’aprovecha l’agua d’El Regueirón.
Zarru de la Barrera, El: Monte con parede de toxos n’Arnizu.
Zarru de las Pasadas, El: Monte zarráu de parede, plantáu d’ocalitos, na llende con El Regueiru’l Fanón. Arnizu.
Zarru de Lito, El: Zarru con paré pero ensin cava, zarráu con forma circular. Pa la parte d’abaxo ye monte y p’arriba prau. Zreizal.
Zarru de los Balaos, El: Terrén zarráu con balaos y paredes y dividío por caminos d’arriba y de baxo: El Camín de la Sierra y El Camín de la Palomba, de serviciu a estos montes. Hai suertes de tolos vecinos. Zreizal.
Zarru de los Toxos, El: Monte zarráu de parede, énte’l monte Los Conqueiros. Tenía munchos toxos. Arnizu.
Zarru de Piniel.lu, El: Monte, con dalgún prau amansiáu los últimos años, de varios vecinos, plantáu de pinos, ocalitos y dalguna bidul. En La Carboniel.la.
Zarru de Xuan, El: Monte con maleza y con dalgunos carbayos. Ye mal terrén. Caxóus.
Zarru del Molínvieyu, El: Zarru penriba El Camín de Misa, de forma redonda, con sucu. Tien arboláu autóctonu y pinos. Zreizal.
Zarru la Barrera, El: Monte en Picuverde, zarráu de baláu, de varios vecinos. Los Conqueiros.
Zarru la Candanosa, El: Zarru asitiáu pa la parte d’arriba de Ca’l Xuliu, con toxos, peñes y monte raso. Busecu.
Zarru la Cruz, El (~ El Zarru Pachín): 1. Finca que fai llende cola carretera, de Ca Pachín. Una parte yera un zarru de pinos ya de monte. Agora ta de prau. Cunten los informantes qu’hai trincheres de la época de los moros. La Degol.lada. 2. Zarru a la vera El Camín d’Escádana, onde hai un cruz de caminos: el que va pa La Montaña, otru pa Menudeiru y el de Paladeperre. Ta zarráu de baláu y dividíu en suertes. Paladeperre.
Zarru la Faya, El: Terrén zarráu de parede que fai llende col ríu. Plantáu de pinos y árboles del país. La L.linera.
Zarru la Fontanica, El: Monte que taba plantáu de bidules y pinos pero quemó nel añu 2000. Los Conqueiros.
Zarru la L.laguna, El: Monte raso, con zarru de parede. Fórmase una llaguna de mal tiempu. Busecu.
Zarru la L.linera, El: Zarru en Busecu, a continuación d’El L.lagarteiru.
Zarru la L.lomba, El: Monte zarráu de parede, plantáu d’ocalitos y carbayos. Arnizu.
Zarru la Paradina, El: Monte zarráu de parede con pinos, carbayos, bidul, ocalitu. Fai llende con El Val.lín. Arnizu.
Zarru la Pena, El: Terrén zarráu alredor con un baláu. Ta plantáu de pinos y nél tienen suertes todos los vecinos. Bon monte. Zreizal.
Zarru la Ponte, El: Prau mui cuestu, subiendo pela carretera de Busecu. Los Rebol.lares.
Zarru la Sierra, El: Terrén zarráu que fai llende con El Ríu Negru y con El Prau’l Xardín. Plantáu de pinos. La L.linera.
Zarru los Pinos, El: Terrén zarráu con tierra y baláu. Ye de dos vecinos. Zreizal.
Zarru Nuevu, El: 1. Monte en San Playu de Sesmu, plantáu de pinos y que s’aprovechaba pa ganza. 2. Eiru llanu, zarráu de baláu. Ta xunto a Ca la Busta, onde s’empieza a llanear, subiendo de Setienes. 3. Monte con arboláu, que pertenez a los vecinos de Menudeiru. Ta dividíu en suertes pero nun ye comunal. 4. Monte zarráu de parede con pinos, ocalitos, carbayos y castañales. Arnizu.
Zarru Xuanón, El: Zarru que qu’agora ta de prau, en Los Piñeiros. Pertenez a Ca’l Palaciu.
Zarru, El: 1. Prau que pertenez a Ca Mingu asitiáu cerca La Rocina y d’El Val.le la Bouza, zarráu de paré. Ye abondo cuestu ya ta asitiáu pal solanu. En El Val.lantsu 2. Prau que ta asitiáu penriba del prau Las Güortas, avisíu, cuestu y de secanu. En Concernosu. 3. Zarru cerca de Ca’l Carrizu, plantáu d’ocalitos. San Playu de Sesmu.
Zarru’l Bosque, El: Monte avisíu asitiáu pela parte d’arriba de Ca’l Palaciu. Pertenez a L’Iérbedu. Los Piñeiros.
Zarru’l Chicu, El: Prau y monte solanu zarráu de baláu. La cava pertenez al zarru. La Carboniel.la.
Zarru’l Cura, El: Monte p’arriba del pueblu en Fontanavia. Nél ta La Fonte la Rezcayeira.
Zarru’l Foru, El: Prau y monte onde hai un banzáu asitiáu n’El Ríu Negru. Paladeperre.
Zarru’l Mediu, El: Monte raso zarráu de baláu. Ye de varios vecinos, dividío en suertes. Los Conqueiros.
Zarru’l Pan, El: Terrén zarráu tou de baláu y plantáu de pinos. Riusecu.
Zarru’l Pontón: Monte plantáu d’árboles del país y pinos. La Carboniel.la.
Zarru’l Prau, El: Zarru asitiáu pela parte d’arriba d’El Pradón, zarráu de parede y baláu. Primero yera monte, agora tierres y praos. Fonte del mesmu nome que ta nel prau, agora seca. Paladeperre.
Zreizal: Pueblu de la parroquia que fai llende con Menudeiru, La Carboniel.la y Caxóus.
Zreizales, Las: Prau de secanu pa pastos que foi tierra. Los Conqueiros.
Zreizalona, La: Llugar en La Degol.lada, cerca de Ca Pachín, a la vera la carretera, onde hai una zreizal mui grande.

Alministrativamente, inxértense tamién en La Montaña les brañes de L’Artosa y Busantiane, asitiaes xeográficamente al noroeste del so territoriu, anque eclesiásticamente, según testimonien los vecinos, los dos llugares dexaron de pertenecer a La Montaña a finales del sieglu xix. Nesti sen, tres la consulta fecha a los llibros de la parroquia, alvertimos que les últimes feches conseñaes de bodes y bautizos de xente d’estos dos llugares fueron nos años 1891 y 1892. Igualmente, El Bedular (denomáu en xeneral na parroquia como El Bidural), qu’apaez conseñáu dacuando como llugar de La Montaña, nunca perteneció a ella sinón a la parroquia naviega de La Polavieya, anque ye posible que dalgunes de les sos cases caigan alministrativamente dientro les llendes del Conceyu de Valdés. Pola mor d’ello, nun se recueyen nesti llistáu toponímicu los nomes correspondientes a estos llugares.

Una gran parte de la parroquia tuvo inxerta dientro del Conceyu de Navia hasta l’añu 1851 cuando, darréu de Real Orde de 12 de marzu, pasa a pertenecer al conceyu de Valdés. Son claros los datos ufiertaos por Pascual Madoz (1845-1850): «Montaña de Rio Negro (San Salvador de la): felig. en la prov. y dióc. de Oviedo (14 leg.), part. jud. de Luarca (1 ½), ayunt. de Navia. [...]. Tiene más de 400 casas distribuidas en 18l. y 7 brañas, de los cuales pertenecen al ayunt. de Navia los de Carbonella, Cercernadas [sic], Congueros [sic], Degollada, Fuentenavia, Mazo, Ordobaya [sic], Piñeros, Rebollares, Siñeriz, Tejedales y Vallancho, con las brañas de «Armiso [sic], Artosa, Busantiane, Buseco y Cocernoso [sic]; y al de Valdés los de Cajos [sic], Cerezal, Godon [sic], Menudero, Paladeperre y San Pelayo con las brañas de Riopenoso [sic] y Rioseco». Ampliando la información, indícasemos que «La igl. parr. (San Salvador) tiene por aneja la de San Bartolomé de Parlero...», esto ye, Parl.leiru, güei parroquia del Conceyu de Villayón. La ficha piésllase cola información de que «[...]. El rey D. Fruela donó esta parr. á la catedral de Oviedo en 9 de noviembre del año 950 según aparece de la cédula espedida á su favor, en la que la da el título de San Salvador de Orbaga, por ser el pueblo mas principal y céntrico de ella, conocido en el día por el de Ordobaga».

_____________
1 Datos del Ayuntamientu de Valdés y del Nomenclátor oficial d’Asturies.

Continuar a Toponimia de la Parroquia de La Montaña